Cantares 8:11 - Chuj San Sebastian Bible

¹¹ A Salomón, 'ay jun slum 'a Baal-hamón, ata 'awb'il jun tzo'n̈ uva yu'uj. 'Ix ya'n can 'a yol sc'ab' jun tzo'n̈ eb' tztan̈wni te', ax yic tzch'inn chan̈ eb' sat te uva cha, mil q'uen tumn plata tzyac' junjn eb' 'a winac.

Chuj San Mateo Bible

¹¹ A vin̈aj Salomón, ay jun yavb'en uva vin̈ d'a Baal-hamón. Syac'can vin̈ d'a yol sc'ab' juntzan̈ eb' stan̈vumal chi'. Ayic ol molchaj sat te' uva chi', ol yac' mil q'uen plata junjun eb' d'a vin̈.

Cantares 8:11 Iomraidhean Croise

Gn 20:16

'Ix yaln pax win rey 'ixtc 'a 'ix Sara cha: —'Ix wac' jun mil q'uen tumn plata 'a win a nul'j cha, yic tzwa'n spacc 'ayach yet' 'a eb' 'ayc' et'oc, yuj tas 'ix 'ec' 'a qui cal tic et'oc, may junc mach 'aj tu tzach can 'a sat yuj jun tic, xchi win 'a 'ix.

Ec 2:4

Til wal tas niwc yel'ch xlaj in b'o'. 'Ix laj in b'o watut, xlaj wawn pax in uva.

Cantares 1:6

Man̈ ex 'och wal q'ueln 'ayn yuj sq'ui'l wilxi, yujto mac'b'iln yuj yoc c'u. Cotnc yowl ewin in nul'j 'ayin, yuj cha, in ya'n 'och ewin tan̈j uva, ax x'aji, ma'ix in ya'ilj in b'a.

Cantares 2:3

Ach quelm to chamc'ojlb'il wu'uj, 'icha wal junc te mansn 'ay 'a cal te', 'ixta aj 'a scal eb' quelmtac winac. Sja'l wal wem wocn 'a yen̈ul, caw wal chi slox sat te'.

Cantares 7:12

Ax 'a yic tzq'uin̈lb'i 'a junx c'u, tz'at quilnc eb' te snun uva, lemb'il wan xo swoln eb' te', mto wan xo snichn eb' te'. Ax quiln paxi, toq'ue 'ayx pax snichte granado, atn wal ta 'oj in ch'ox in chamc'ojlal 'ayach.

Cantares 8:12

A q'uen mil cha, yic Salomón q'ue'en, ax cha'chb' ciente pax yic junjn ewin tztan̈wni te cha. An xo pax tic, 'ay pax wawb'en uva chi to mun wico', mun wojtac tas tzwutj in tan̈wni, xchi 'ix.

Is 7:23

A junc lum 'aj 'awb'il junc mil 'ib'n̈ uva, jun mil tumn plata stojl 'a yic pecti', ax 'oj 'ajoc, a 'a jun tiempoal cha, 'oj satl jun 'awb'ente cha, 'oj q'uib'x chan̈ sc'ultcal, nab'a q'uix 'oj 'ajx cani.

Mr 12:1

Ax Jesús, 'ix syamn 'och yaln jun 'ab'x tic 'ixtic: 'Ay jun winac, 'ix 'awn jun tzo'n̈ uva 'a slu'um. Smacn scol-lal, sb'on jun 'aj tzte'x 'el yalil te'. 'Ix sb'on pax q'ue jun yet'l eb' tztan̈wni te', chan̈ x'aji. Xlajw cha, xya'n can win slum chi majnil yet' te uva chi 'a jun tzo'n̈ eb' munljum winac. 'Ix 'atcn win 'a junx lugar 'a najat.