Cantares 7:5 - Chuj San Sebastian Bible

⁵ A 'a jolom, chan̈ yaj cha'an̈, lajn 'icha lum jolm witz Carmelo; a xil a jolom, lajn yilx 'icha te ch'al púrpura. Caw nib'jub'tac yilx yaj 'ejm tzicn xil a jolm chi tzyil win rey.

Chuj San Mateo Bible

⁵ A a jolom, chaan̈ ayq'uei, lajan icha jolom vitz Carmelo. Te copopi yilji xil a jolom icha yilji sch'alil púrpura. Toxon̈ej tz'ic'jicanq'ue spixan jun vin̈ rey yuj xil a jolom chi'.

Cantares 7:5 Iomraidhean Croise

Gn 32:26

Xyaln 'ixtc 'a Jacob: —'Actj in 'eli, yujto wan sacb'i, xchi. Xyaln win Jacob 'a 'a: —Matz ach wactj 'eli, toto matz alcn junc wach' paxti 'a wib'an̈, xchi.

Salmos 68:24

Ach qui Diosal on̈, qui reyl ach on̈, caw 'oj a checlj 'el yuj smasnil eb' 'anma 'oj c'och secsnoc yic 'oj a c'och 'a a cajnub'.

Salmos 87:2

Yel xo wal tzchamc'ojlej Jehová chon̈b' Sión 'a yib'n̈ jun tzo'n̈ xo schon̈b' eb' yin̈tl Jacob.

Pr 5:19

Wach'n̈j cab' yilx 'ix 'a a sat; 'icha cab' wal yilx junc no c'ultquil chej. May cab' tz'aj slajw a chamc'ojlal 'a 'ix. 'Ay cab' 'a tzaljc'ojlal yuj schamc'ojlal 'ix 'ayach.

Cantares 1:17

A spatzb'il catut, caw wal nab'a c'ute', ax yib'an̈, a te q'uisis latz'b'il q'ue 'a yib'n̈ cha, xchi winac.

Cantares 4:1

Ach cob's 'ix to chamc'ojlb'il wu'uj, caw wal wach' elxi, nib'jub'tac elx 'ochi. A yol a sat, caw wach' yaj 'elt q'ueln 'a yojl 'och te nip 'ay 'emt 'a a sat, lajn wal yilx 'icha yol sat no 'uch. A xil a jolom, lajn wal yaj 'ejm tzicn 'icha yemt quitzcnoc no chiwo 'a lum spa'nil switzl Galaad.

Cantares 4:4

A 'a jaj, lajn wal yilx 'icha jun torre b'ob'il yuj David, jun 'aj locn 'och jun mil eb' q'uen smacl sat jul-lab' yic eb' 'a'm owl caw jelan.

Cantares 5:11

A sat na, lajn yilx 'icha q'uen oro caw wach', c'olchtac xil sjolm na, caw wal q'uic' yilx xil sjolm ni chi 'icha yilx no joj.

Is 35:2

A lum culstac lum cha, 'oj nichnoc smasnil te te 'a sat lu'um, ax sb'itnax b'it 'a tzaljc'ojlal. A Dios 'oj b'onc yilx sat lum 'icha swach'l yilx lum Líbano. 'Oj yaxb'oc sat lum si'mb'il, 'icha lum jolm witz Carmelo; 'icha pax lum pan̈n 'a'lic 'a Sarón. Smasnil 'anma', 'oj yil eb' to caw niwn yel'ch Jehová qui Diosal.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Nm 21:26

A 'a chon̈b' Hesbón cha, ata 'e'nc cajn win Sehón sreyl eb' amorreo. A win Sehón cha, ya'jnac win owl yet' eb' sreyl Moab 'a yaln̈taxi. Smacjnac 'ec' win yico'oc smasnil slum eb' 'ay 'a sti 'a Arnón.

Mt 18:20

Yujto tzann̈j 'aj 'ay chawn̈oc mto 'oxwn̈oc mach tzyam sb'a, yic tzyaln sb'a eb' 'ayin, 'ayn 'ec' yet' eb', xchi Jesús.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Ef 1:22

C'uxn 'ix ya'ch Dios smasnil tas 'a yol scab' Cristo. 'Ix ya'n pax yopiso yoch Syajlilc yiglesia, 'icha to sjolm yaji.

A Scarta San Pablo D'a Eb' Aj Colosas 1:18

Caw sjolm yaj 'a yiglesia. An̈ec yiglesia on̈c tic, 'icha to sniwnal cajec. A tz'a'n qui q'uinlec. A b'ab'l pitzwnac pax 'a scal eb' chamnac, yic wach' yel xo wal niwn yel'ch 'a yib'n̈ smasnil.

A Scarta San Pablo D'a Eb' Aj Colosas 2:19

Yuj cha, man̈xtzac ya'ch eb' snab'en 'a Cristo. Palta 'icha qui jolom, 'ixta yaj Cristo 'ayn̈ec. Yujto a tz'a'n quipec, tzon̈ wach' te'nb'iec yu'uj. Yu'uj, caw junn̈j tzon̈ 'ajc qui masnil 'icha tznib'j Dios.

Apoc 1:14

A xil sjolom, caw sac 'icha sac lana, 'icha sacb'at. Ax yol sat, lajn yilx 'icha snich c'ac'.