Cantares 7:2 - Chuj San Sebastian Bible

² A 'a c'ojol, lajn 'icha junc vaso b'utnn̈ej yet' yal uva; ax a nan̈al lajn wal 'icha jun yuchc trigo jalb'il tze'n yet' nichte'.

Chuj San Mateo Bible

² A val a c'ool, lajan val icha junoc ch'ub' to ayn̈ejem vino d'a yool. Axo a nan̈al, lajan icha junoc cun̈an̈ ixim trigo oyan och te' xumac d'a spatic.

Cantares 7:2 Iomraidhean Croise

Salmos 45:16

A wal eb' onnal ach rey, a eb' 'oj 'em wocn 'a sdespacho can eb' a mam echam, ax a'n 'och eb' yajlil 'a yib'n̈ smasnil a macb'en.

Pr 3:8

Toto 'ixta', a Jehová 'oj 'a'nc a tzatzil, ax ya'n ste'nal a niwnal.

Cantares 5:14

A sc'ab' na, lajn yilx 'icha junc q'uen oro xoyn xoj yaj sb'o'i, a q'uen topacio 'aych 'a spatic; ax sniwnal na, lajn yilx 'icha q'uen marfil, ax q'uen zafiro 'aych yelwnub'loc.

Cantares 7:1

Ach cob'es, ach to yisl ach win rey, caw wach' yilx oc 'a yol a xan̈ab'. A yib' a xub', caw wach' yilx 'icha eb' q'uen oro sja'l wal yajch yelwnub'l yuj mach caw jeln sb'oni.

Cantares 7:3

A chab' em, lajn 'icha chawn̈oc no cotc c'ultquil chej mojn 'aljnac.

Is 46:3

Yuj cha, tzyaln Dios 'ixtic: Ex yin̈tl Jacob, e masnil ex cann̈c to can 'a chon̈b' Israel, 'ab'c tas 'oj wal 'ayex: An 'et'jnacx xoni yic 'ayx to 'ec' 'a yol sc'ojl e nun, mec'b'ilx wu'uj yictax ex 'alji.

Jeremías 1:5

Yictax mantzac ach wac' pitzwc 'a a nun, toxn sic'b'ilch xon 'el wu'uj. A yic mantzac ach 'alji, ach wi'n xon 'och wico'oc, yic tzach 'och in checb'oc 'a scal jun tzo'n̈ nacion̈, xchi 'ayin.

Ro 7:4

Ex wu'tac, ex wanab', a ticnec, junn̈j on̈ 'ajc yet' sniwnal Cristo yic schami. Yuj cha, a 'a sat Dios, chamnc on̈c xo 'elt 'a yol sc'ab' ley yic Moisés. Palta 'ay junx 'icha to 'ichmilab'il yaj 'ayn̈ec, atn jun pitzwnac pax 'a scal eb' chamnac. 'Ixta cajc yet'oc, sec wach' 'ay copisoec 'a Dios.