Cantares 5:10 - Chuj San Sebastian Bible

¹⁰ A ni quelm chamc'ojlb'il wuj cha, sac yilx na, chac b'och'nac pax janc yilx na, cojn ni 'ixta yilx 'a scal lajn̈e'oc mil eb' winac.

Chuj San Mateo Bible

¹⁰ A vin̈ xajanab'il vuuj chi', sac vin̈, chacvasinac yilji vin̈, te vach' yilji vin̈ d'a yichan̈ lajun̈e' mil vinac.

Cantares 5:10 Iomraidhean Croise

Salmos 45:17

An xo 'oj wac' naxoc cot a b'i yuj smasnil eb' 'anma tot 'oj 'aljoc 'a yolyib'n̈q'uinl tic, ax smasnil eb' 'anma', 'oj yi' chan̈ eb' a b'i, 'oj yal eb' wach' paxti 'aych 'a smasnil tiempo.

Salmos 45:2

Ach rey, cojn ach yel xo wach' 'elx 'a yib'n̈ smasnil eb' winac. Man̈x jantcoc wach' paxti tzala, yujto 'ix yac' Dios syaxilal 'a eb'n̈ 'a jun 'ejmn̈ej.

Cantares 2:1

An tic, lajn in 'icha te snichte 'ay 'a lum pan̈n Sarón. 'Icha pax te snichte 'ay 'a eb' lum pan̈an, xchi 'ix.

Is 10:18

'Oj lajwc 'ejm swach'l yilx chon̈b' Asiria, 'icha tz'aj sch'acx 'ejm te niwc te', mto 'icha tz'aj sat 'ejm eb' te 'awb'ente'. Mto 'icha junc mach tz'el yip yuj yab'il, 'ixta xoj 'oj 'ajcni.

Is 59:19

Smasnil 'anma 'a yolyib'n̈q'uinl tic, caw wal 'oj xiw eb' yiln sjaw Jehová yet' spoder. Niwn pax yel'ch 'a sat eb', atn eb' cajn 'a stojlal 'aj tzq'uel c'u yet' 'a stojlal 'aj tz'em c'u. Yujto 'icha wal sjaw a 'elmal a 'aych yic'al, caw 'ay smay, 'ixta wal 'oj jawoc.

Is 66:19

'Ay jun senya 'oj in ch'ox yil eb', 'oj wac' 'elcn jaywn̈oc eb' 'a scal owl cha, ax in checn can 'at eb' 'a jun tzo'n̈ nacion̈ tic: 'Ay eb' 'oj c'och 'a Tarsis, 'a Libia, 'a Lidia, atn jun chon̈b' chi 'aj caw jeln eb' 'anma sjulwji. 'Ay pax eb' 'oj c'och 'a Tubal, 'a Grecia yet' 'a jun tzo'n̈ chon̈b' 'ay 'a sti a mar. A eb' 'anma cha, may 'aj tzyab' eb' in b'inaxi, may pax 'aj tzyil eb' in poder. A 'a jun tzo'n̈ nacion̈ xwal tic, ata 'oj wac' yal-l eb' 'anma chi wab'xil.

Lm 4:7

A eb' 'aych yajlil 'a yol in chon̈b' tic, 'a 'a pecti', caw wach' yilx sniwnal eb' 'icha q'uen rubí, mto 'icha yilx q'uen zafiro.

Ro 9:5

A jun tzo'n̈ ewin niwn yel'ch 'a sat Dios 'a pecti', atn ewin yin̈tl can smam yichm eb'. A Cristo 'ochnc yit chon̈b'oc eb', yic wul ya'nc 'och sb'a 'anma'il. A Cristo tic, Dios, Yajl yaj 'a yib'n̈ smasnil tas. Smasnil tiempo 'oj alxoc wach' paxti 'a 'a. 'Ixta cab' tz'aji.

Dt 32:31

Caw wal yojc eb' 'ajc'ojl cha, to a scolmal eb', matz tac' slajb'tzan sb'a yet' qui Colmal.

A Scarta San Pablo D'a Eb' Aj Colosas 1:18

Caw sjolm yaj 'a yiglesia. An̈ec yiglesia on̈c tic, 'icha to sniwnal cajec. A tz'a'n qui q'uinlec. A b'ab'l pitzwnac pax 'a scal eb' chamnac, yic wach' yel xo wal niwn yel'ch 'a yib'n̈ smasnil.

A Ch'an̈ Carta D'a Eb' Hebreo 2:10

B'ob'il smasnil tas yuj Dios, sec chequel to niwn yel'chi. Tznib'ej, to a smasnil eb' yunnal, 'oj tz'acwc swach'l eb' 'icha swach'il. Yuj wal cha, yowlal xyab' Jesucristo qui Colmal syail. 'Ixta x'aj stz'acw 'el'ch yuj Dios.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

A Ch'an̈ B'ab'el Libro Samuel 16:12

Yuj cha, x'at ya'nc Isaí 'at 'awtxoc cot junx win cha. A win cha chacchin yilxi, caw wach' yilx yol sat, caw wach'n̈j yilx 'och sniwnal. Ax yic xjaw winac, xyaln Jehová 'a Samuel 'ixtic: —Atn win tic; 'ac' q'ue aceite 'a sjolm winac, xchi.