Cantares 4:12 - Chuj San Sebastian Bible

¹² Lajn ach wal 'icha junc 'awb'ente macnto scol-lal, 'icha pax junc a spac'b'a 'ayt q'ue smacl sti 'aj tzpac' a cha.

Chuj San Mateo Bible

¹² Ach ol ach och vetb'eyumoc, lajan ach icha junoc avb'en macan, icha sjaj a a' to macan, te vach' yaj smacchaji.

Cantares 4:12 Iomraidhean Croise

Gn 29:3

A yic tzyamn sb'a masnil no calnelu ta', ax ewin 'ilm calnelu chi tz'i'n 'el q'uen smacl sti a a cha, tzya'n ewin yuc' e no a', tzlajw cha, tzmacn can pax ewin sti a'.

Cantares 4:9

Ach cob's 'ix 'oj och wistloc, 'ix montchj wal in nab'en o'oj; jun 'ejm wal xa mutz' jun yol a sat 'ayin, xwiln pax 'och jun ch'an̈l a ton̈ locn 'och 'a a jaj, cojn wal cha, in montchj oj muc'uc.

Cantares 6:11

In xit' b'eyc'oc 'a calc te nogales, yic tz'at wilnc smasnil te te tzwoln 'a lum pan̈an, 'ix in nib'j wal xwila toto wan scan sat te uva, yic tzwiln paxi toto wan scan snichte granado.

Cantares 6:2

A ni quelm cha, 'ix 'at ni 'a 'aj 'ay yawb'ente' 'aj 'ay te su'q'ui yec' sjab', 'ix 'at ni stan̈wc wa scalnelu ta', yic tz'at saync cot ni eb' te nichte'.

Is 58:11

Toto 'ixta 'oj eyutc e b'a, an xo an Jehová in, an 'oj ex in quetz b'eyoc. 'Oj yac' sobra wa'n tas tze c'ux 'a lum cusltac lu'um. 'Oj wac' eyip, lajn 'oj eyaj 'icha junc 'awb'ente 'aychn̈ej yalil, mto 'icha junc spac'b'a may tz'aj stupi.

Jeremías 31:12

'Oj jawc eb', ax sb'itnan eb' b'it 'a tzaljc'ojlal 'a tzaln Sión, ax ya'n tzaljoc eb' sc'ojl yet' tas wach' 'oj wac' 'a 'a, atn 'ixm trigo, yal uva, aceite, no calnelu, yet' pax no wacax. Lajn 'oj 'ajcn eb' 'icha jun tzo'n̈ 'awb'ente caw 'aychn̈ej yalil, man̈x 'oj 'el yip eb' jun 'ejm xo.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

1 Co 6:13

Tecn 'ayx pax tzeyal 'ixtic: A tas tzc'uxxi yic qui c'ojl yaji, yujto a qui c'ojl tic, a 'ay yic pax jun tzo'n̈ cha, xe chi. Yel toni, palta a Dios 'oj 'a'nc lajwc 'el jun tzo'n̈ chi smasnil. A qui niwnalec tic, man̈ yico'oc 'ajmulal yaji, to yicn̈ej Cajlilec. A Cajlilec chi 'aych 'a qui niwnalec tic.

1 Co 7:34

Yuj cha, chab' tz'el snab'en eb'. An̈jtona', man̈ lajnoc eb' 'ix 'ayx yichmil yet' eb' may yichmil. A eb' may yichmil cha, tzna eb' tas 'oj yutc eb' ya'n servil Cajlilec, yujto tzyac' eb' sniwnal yet' spixn yico'oc Dios. Ax eb' 'ayx yichmil, a wal tas 'ay 'a yolyib'n̈q'uinl tic tzna eb'. Yujto tzna eb' tas 'oj yutc eb' ya'n servil sb'a yet' yichmil cha.

2 Co 1:22

A 'a'jnacx 'och jun seyo 'ayn̈ec, atn Yespíritu ya'jnac 'a qui pixn junjn on̈ec. A Yespíritu tic tzch'oxn 'ayn̈ec, to caw yel 'oj qui chac jantcn̈ej jun tzo'n̈ tas 'aj ya'jnac sti 'ayn̈ec.

Ef 1:13

Ax xo paxi, yic eyab'n jun 'ab'x caw yel, atn yab'xil qui colnb'il, eya'n 'och e c'ojl 'a Cristo quet' on̈. Yuj cha, junxn̈ej ex 'aj yet'oc. 'Ix 'och Yespíritu Dios 'a e pixan, 'icha tz'aj yajx 'och junc seyo 'a junc tas. Yuj cha, chequel, to yic ex xo Dios. Yujto ya'jnac can Dios sti', to tzya' cot 'ayn̈ec.

Ef 4:30

Caw man̈ eyac' cus Yespíritu Dios 'aych 'ayx junjn ex. Yujto a x'ajx 'och 'a qui pixn junjn on̈ec, 'icha tz'aj yajx 'och junc seyo 'a junc tas. Yu'uj, cojquec to yic on̈c xo Dios, masnto 'oj jawc junc c'u yic 'oj qui wach' chac qui colnb'ilec.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.

Apoc 7:3

—Mant eyixtc tastc 'ay 'a sat lu'um, yet' tastc 'ay 'a a mar, yet' te te', masnto 'oj ca'c 'och seyo 'a snan̈l sat junjn eb' ya'mal servil qui Diosalec, xchi 'a eb'.