Cantares 3:6 - Chuj San Sebastian Bible

⁶ ¿Tas jun wan scot 'a cusltac lum cha, a tzquila to scal tab' 'aychi yic tzcot cha? A jun cha, stab'l te mirra yet' stab'l incienso, stab'l pax jun tzo'n̈ xo tas su'q'ui sjab'.

Chuj San Mateo Bible

⁶ ¿Tas jun scot d'a tz'inan lum chi', d'a scal jun topan̈ tab' scoti, aton d'a scal stab'il mirra yed' incienso yed' masanil macan̈ suc'uq'ui sjab' chon̈b'il yuj eb' chon̈vajum?

Cantares 3:6 Iomraidhean Croise

Ex 30:34

'Ix yaln pax Jehová 'a Moisés 'ixtic: Molb'tzej cot jun tzo'n̈ tic, yic tza'n b'o jun incienso to wicn̈ej tz'aji: Tzcot stzatjil te estacte, stzatjil te incienso wach' sjab', stzatjil te gálbano yet' sjoxl jun tzo'n̈ e no noc' uña sb'i 'ay 'a yojl a mar.

Pr 7:17

Tox xwa'ch perjuma 'a 'a, caw su'q'ui yec' sjab'. A te mirra, te áloe yet' te canela a xwa'ch 'a 'a.

Cantares 1:13

Ach quelm to chamc'ojlb'il wu'uj, lajn ach wal 'icha jun tzec'oc te mirra to su'q'ui sjab' 'ayc' 'a snan̈l wim.

Cantares 1:3

Caw wach' yec' a jab' yuj perjuma 'aych 'ayach, ax a b'inaxi, lajn wal 'icha sjab' perjuma cha. Yuj cha, caw wal nib'b'ilch yuj eb' 'ix 'ix.

Cantares 3:7

Atn eb' sb'achmal b'ey Salomón, 'ay 60 soldado tza'n 'och yu'uj, atn eb' israel caw jeln 'a owal.

Cantares 4:6

Ya' sb'a mantzac sacb'eli, 'oj in 'at 'a lum jolm witz 'aj 'ay te mirra, yet' 'a eb' lum tzaln 'aj 'ay te incienso.

Cantares 5:13

A spac'b'il sti na, lajn wal 'icha junc lum 'aj 'awb'il te c'ultc tzyac' snich, til wal sja'l yec' sjab'. A sjab' sti na, lajn wal 'icha sjab' te mirra.

Cantares 8:5

¿Mach jun 'ix chi tzcot 'a lum cusltac lum cha, pacn q'ue 'a squelb' jun chamc'ojlb'il yuj cha? xchi eb'. A 'a yich jun te snun mansan, ata xin pitzl a wayan̈, ata yab'jnac a nun syail yic alji.

Is 43:19

'Ay jun tas 'oj in b'o', mant 'a 'aj tzuj xoni, 'oj eyil nab'an. 'Oj in jac jun b'e 'a lum cusltac lu'um, ax wa'n b'ey yoct a a 'a sat lum tacn̈ lu'um.

Jeremías 2:2

'Ixic, 'at al yab' eb' 'aj Jerusalén, to an Jehová in, an tzwal 'a eb' 'ixtic: Tzin na cot wal eyiclumal 'ayin, yic ex wi'n 'och wico'oc, caw tzin e chamc'ojlej, 'icha junc cob's 'ix tot xnupni, caw 'ay schamc'ojlal 'a yichmil, 'ixta ex. 'Ochnc ex tza'n wuj 'a lum cusltac lu'um, atn lum lum may xon 'aj tz'awxi.

Jeremías 31:2

A eb' 'anma 'ix 'at 'elc 'a yol sc'ab' chamel, ata schaj eb' in wach'c'ojlal 'a lum cusltac lu'um, yic wan sayn 'ec' eb' 'aj wach' tz'ilji.

Os 9:10

Tzyaln Jehová 'ixtic: A wal yic xin chan in b'a yet' eb' 'aj Israel, caw wal in tzalji, 'icha eb' tz'ilchj te uva yuj 'a lum cusltac lu'um. A eb' e mam eyicham, 'icha wal junc sat te higo tzb'ab'l 'el-li, 'ixta eb' 'a in sat. Palta ax yic xc'och eb' 'a Baal-peor, 'ix ya'n 'ejm sb'a eb' 'a Baal, yuj cha, caw yajb'entac xyutj sb'a eb' 'icha jun comn dios schamc'ojlej eb' cha.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.

Dt 8:2

Nac cot wal si'mb'il, chajtlto chawinc ab'il on̈ b'eyc cot 'a lum cusltac lum yuj Jehová qui Diosalec. 'Ix yac' quilc yailal, on̈ ya'lni prowal yet' qui nab'en, toto yel tzqui yicljec schecnb'il tic, mto ma'ay.

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.

Apoc 12:14

Palta x'ajx 'och sc'axl 'ix caw niwac, lajn 'icha sc'axl no salt'iw. Yuj cha, x'at jen̈n̈oc 'ix 'a jun yet'l 'a cusltac lu'um, sec matz yamchj yuj jun chan cha. Ata x'ajx wa 'ix nan̈l schan̈l ab'il.

Apoc 12:6

Ax jun 'ix cha, x'at 'elc 'a cusltac lu'um. Ata 'ay jun yet'l b'ob'ilx yuj Dios, 1,260 c'u 'ix 'ajx wa ta'.

Apoc 18:13

'Ay pax canela, yet' jun tzo'n̈ xo te su'q'ui sjab' tzc'uxxi, yet' jun tzo'n̈ incienso, mirra, perjuma, yal uva, aceite, 'ixm harina caw wach', yet' trigo. 'Ay no calnelu, 'ay pax no 'ictzum noc', 'ay no chej. 'Ay caruaje, 'ay pax eb' moso man̈ yico'oc sb'a.

Apoc 5:8

Xlajw schan 'elt jun un̈ cha, ax eb' querubín schan̈wn̈il, yet' eb' 24 'ichm winac, 'ix 'em cumn eb' 'a yojltac jun tzcuch Calnelu cha. 'Ay yarpa junjn eb' 'ichm winc cha, yet' pax eb' junjn svaso nab'a oro, b'ut'n yet' jun tzo'n̈ incienso. A jun tzo'n̈ incienso cha, caw su'q'ui sjab', atn slesl eb' yic xo Dios.