Cantares 1:8 - Chuj San Sebastian Bible

⁸ Ach cob's 'ix to chamc'ojlb'il wu'uj, yel wach' elx 'a scal eb' 'ix 'ix caw wach' yilxi, toto man̈ ojcoc, 'ochn̈ tza'n yuj yoc e no calnelu cha, axta tza tan̈wj wa e no a cotc chiwo 'a stz'ey spat ewin 'ilm calnelu cha.

Chuj San Mateo Bible

⁸ Tato man̈ ojtacoc ach ix te vach' ilji d'a scal eb' ix ix vach' yilji, ochan̈ tzac'an yuj yoclem noc' calnel chi'. Tan̈vej va noc' yunetac a chiva d'a slac'anil slechpat eb' vin̈ tan̈vum calnel chi', xchi eb'.

Cantares 1:8 Iomraidhean Croise

Salmos 16:3

A eb' yiclum tzyutj sb'a 'a scal eb' a chon̈ab', caw wach' yic eb'. Tzin nib'j tzin 'aj 'a scal eb'.

Salmos 45:11

Yujto a win rey tznib'n 'och swach'l elxi. A win ajlil tz'aji, yuj cha, yiclum tzotj a b'a 'a winac.

Salmos 45:13

Tic tzjaw 'ix cob's 'ix tznupn yet' win rey, 'ix yisl junx win rey. Caw wach' yilx 'ix yet' spichul, 'aych oro 'a stitc spichl 'ix.

Pr 8:34

Caw wach' yic eb' tzchan 'ab'nc paxti yic jelnal.

Cantares 1:15

Ach cob's 'ix chamc'ojlb'il wu'uj, caw wach' elxi, sja'l wal yilx yol a sat 'icha no 'uch, xchi winac.

Cantares 2:10

Xyal ni quelm chi 'ayn 'ixtic: Ach cob's 'ix chamc'ojlb'il wu'uj, lem, q'uen̈ wa'an, con̈ muc'uc, yujto nab'ilch wu'uj.

Cantares 4:1

Ach cob's 'ix to chamc'ojlb'il wu'uj, caw wal wach' elxi, nib'jub'tac elx 'ochi. A yol a sat, caw wach' yaj 'elt q'ueln 'a yojl 'och te nip 'ay 'emt 'a a sat, lajn wal yilx 'icha yol sat no 'uch. A xil a jolom, lajn wal yaj 'ejm tzicn 'icha yemt quitzcnoc no chiwo 'a lum spa'nil switzl Galaad.

Cantares 4:10

Til wal sja'l jun a chamc'ojlal tic, yel xo wal wach' 'a yib'n̈ 'icha schil yal uva, yel xo pax wach' sjab' a perjuma tza c'an 'a yib'n̈ smasnil te su'q'ui sjab'.

Cantares 4:7

Ach cob's 'ix chamc'ojlb'il wu'uj, caw wal wach' yilx a niwnal smasnil, may tas palta 'a 'a.

Cantares 5:9

Ach cob'x yel xo wach' yilx 'a scal eb' 'ix 'ix wach' yilxi, ¿tas wal swach'l win quelm chi 'ayach? ¿tom yel xo wach' winac, yuj cha, an̈ tzac' cac' qui ti oj on̈? xchi eb' 'ix.

Cantares 6:1

Ach cob's yel xo wach' yilx 'a scal eb' 'ix 'ix wach' yilxi, ¿'ajtil xc'och ni quelm chamc'ojlb'il oj cha? ¿'Ajtil x'atcn na, sec tzon̈ 'at qui say ni et' on̈? xchi eb'.

Jeremías 6:16

'Ix yal Jehová 'a eb' schon̈b' 'ixtic: 'Ochn̈ec wan lin̈n 'a 'aj tzchaj sb'a jun tzo'n̈ b'e, tze maclni eyila'. Tze c'anb'n 'ec' jun tzo'n̈ 'ichm b'e yet' 'ajtil 'ay b'e wach'. A 'a yol jun b'e caw wach' cha, ata tzex 'ati, sec wach' 'oj eyilji, xin chi. Palta 'ix eyaln 'ixtic: Ma'ay, matz qui nib'j tzo'n̈ 'at ta 'on̈, xe chi.

Jn 21:15

Xlajw xoj swa eb', 'ix yaln Jesús 'a Simón Pedro 'ixtic: —Simón, ach yunnal Juan, tzin c'anb'j 'ayach, ¿'ec'b'al am tzin a chamc'ojlej 'a yib'n̈ eb' tic? xchi 'a 'a. —N', Mamin. Caw ojc xoni, to tzach in chamc'ojlej, xchi Pedro chi 'a 'a. —Toto 'ixta', 'icha junc 'ilm cotc calnelu, 'ixta tzotj a jucb'tzan eb' 'unnto 'ayin, xchi Jesús 'a 'a.

1 Co 11:1

Yuj cha, caw tze b'eylb'ej in b'eyb'al, 'icha tzwutj in b'eylb'an sb'eyb'al Cristo.

Ef 5:27

'Ixta on̈ yutjec an̈ yiglesia on̈ec, sec caw wach'n̈ec 'a sat, yic 'oj qui c'ochc 'a yojltac. Yuj cha, a wal ta', man̈x 'a qui tu'al, qui maysch'olnilal. Man̈x 'a junc tas 'aych 'a qui pixnec. An̈j wal 'a 'oj ca'c 'och qui nab'en. Man̈x 'a jac qui paltailec ta'.

A Ch'an̈ Carta D'a Eb' Hebreo 13:7

Tze na cot eb' laj 'e'nc ex scuyu', eb' laj aljnac 'el spaxti Dios 'ayex. Tze na coti, tas 'ajnc eb' yuj swach' b'eyb'al. 'Icha yutjnac eb' ya'n 'och sc'ojl 'a Dios, 'ixta tzeyutj e b'a jun xo.

A Ch'an̈ Carta D'a Eb' Hebreo 6:12

Tzqui nib'j on̈, man̈ 'isjoc tzeyutj e b'a 'a yic Dios. B'eylb'ejc sb'eyb'al eb' caw tzya'ch sc'ojl 'a 'a, eb' caw te'n tzyutj sb'a. A eb' 'ixta tzyutj sb'a cha, wan yica'an eb' jun tzo'n̈ tas 'aj ya'jnac Dios sti yu'uj.

Santiago 2:21

A qui mam quichm Abraham 'a pecti', yijnac 'at jun yunnal Isaac sb'i, yic ya'n xajmb'al-l snani, 'icha yaljnac Dios 'a 'a. Yuj wal tas sb'ojnac Abraham cha, yoch wach'l 'a sat Dios.

Santiago 2:25

'Ixta pax jun 'ix Rahab sb'i 'a pecti', atn jun 'ix 'ajmul 'ix. Ya'jnac 'ix sposada eb' schecb' eb' quit israelec. Xlajw cha, schecn pax 'at 'ix eb' 'a junx b'e, sec matz yamchj eb'. Yuj wal tas sb'ojnac 'ix cha, yoch 'ix wach'l 'a sat Dios.

Santiago 5:10

A eb' schecb' Dios pecti', eb' aljnac 'el sb'i Cajlilec, techjnac yuj eb' yab'n syail, ya'jnac eb' niwnc'ojlal. Yuj cha, b'eylb'ejc sb'eyb'al eb' cha.

A Sb'ab'el Carta San Pedro 3:6

'Ixta yutjnac sb'a 'ix Sara. Caw yiclum yutjnac sb'a 'ix 'a Abraham. 'In yaljnac 'ix 'ixtic: Wajlil ach, xchi 'ix 'a winac. Yuj cha, toto wach' tzeyutj e b'a jun xo, may junc tas 'aj tzex xiw jab'oc. Toto 'ixta', lajn e nab'en yet' Sara cha.