Cantares 1:3 - Chuj San Sebastian Bible

³ Caw wach' yec' a jab' yuj perjuma 'aych 'ayach, ax a b'inaxi, lajn wal 'icha sjab' perjuma cha. Yuj cha, caw wal nib'b'ilch yuj eb' 'ix 'ix.

Chuj San Mateo Bible

³ Te vach' yel a jab' yuj yal suc'uq'ui sjab' ayoch d'ayach. Ayic svab'an a b'inaji, lajan val icha suc'uq'ui sjab' chi'. Yuj chi' te xajan ach yuj eb' ix ix.

Cantares 1:3 Iomraidhean Croise

Salmos 133:2

A jun tic lajn wal 'icha sja'l jun perjuma q'uenc 'a sjolm Aarón, win ya'mal 'och qui ti 'a Dios. A yic stob'x q'ue jun perjuma chi 'a sjolom, sb'ey 'emt 'a xil sti', masnto x'eml 'a sjaj te sjucn pichl winac.

Salmos 45:14

Wach'x yaj 'ix sb'o yet' spichul, 'ijx cab' 'at 'ix 'a win rey cha. Tza'n 'och jun tzo'n̈ eb' 'ix cob'stac 'ix yitb'eymoc 'ix, atn eb' 'ix swach'c'ojl 'ix.

Ex 33:12

'Ix yaln Moisés 'ixtc 'a Jehová: —Mamin, ach 'ix al 'ayin to an tzin jucb'tzej jun chon̈b' tic, palta ma'ix al 'ayin mach tzcolwj wet'oc. 'Ix aln paxi chajtlto 'ojcab'iln o'oj, 'ay a tzaljc'ojlal wet' alni.

Ex 33:19

'Ix ta'w Dios 'a 'a: —Smasnil in wach'c'ojlal 'oj in ch'ox 'ayach, ax wal 'a ojltac ata 'oj walcn in b'i an Jehová in tic. 'Oj wac' in wach'c'ojlal 'a eb' 'aj tzyal in c'ojl tzwac'a, an̈jtona', 'oj 'o'ch pax in c'ojl 'a eb' 'aj tzyaln̈j in c'ojol.

Pr 27:9

A tas su'q'ui sjab' yet' perjuma, a chi tz'a'n qui tzaljc'ojlalec, 'ixta tzon̈ 'ajc qui tzalj yuj nab'en tzyac' junc qui wach'c'ojlec, yujto 'ay schamc'ojlal 'ayn̈ec.

Ec 7:1

Yel xo wach' to wach' qui b'inaxec 'a yib'n̈ pax to su'q'ui ye'c qui jab' yet' perjuma. Yel xo wach' jun c'u yic tzon̈ chamec, 'a yib'n̈ pax jun c'u yic tzon̈ 'aljec.

Cantares 3:6

¿Tas jun wan scot 'a cusltac lum cha, a tzquila to scal tab' 'aychi yic tzcot cha? A jun cha, stab'l te mirra yet' stab'l incienso, stab'l pax jun tzo'n̈ xo tas su'q'ui sjab'.

Cantares 4:10

Til wal sja'l jun a chamc'ojlal tic, yel xo wal wach' 'a yib'n̈ 'icha schil yal uva, yel xo pax wach' sjab' a perjuma tza c'an 'a yib'n̈ smasnil te su'q'ui sjab'.

Cantares 5:13

A spac'b'il sti na, lajn wal 'icha junc lum 'aj 'awb'il te c'ultc tzyac' snich, til wal sja'l yec' sjab'. A sjab' sti na, lajn wal 'icha sjab' te mirra.

Cantares 6:8

Wach'xam 'ay 60 eb' 'ix wistzil 'aych reinail, yet' 80 eb' 'ix in chab'l 'istzil, yet' pax eb' 'ix cob'stac to man̈x b'ischjb'enoc,

Is 61:3

In jaw wul wac' scorona eb' 'aj Sión 'aych 'a scusc'ojlal, atn sniwnal sc'ojl eb' tz'ajx sjelc stan̈il c'ac' tzlaj yac' q'ue eb' 'a sjolom. Tzwa'n stzaljc'ojlal eb' sjelc yal sat, ax eb' 'ay somc'ojlal, a b'it yic alj wach' paxti', a tzwa'cn 'a eb'. Ax yalx yuj eb' to lajn eb' 'icha junc 'awb'ente 'awb'il yuj Jehová. 'Oj sb'o eb' tojlal, sec 'oj b'inaxc sb'i yuj eb'.

Mt 25:1

'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay lajn̈wan̈ cob's 'ix, 'ix yij 'at eb' scantil 'a 'ac'wal, x'at eb' 'a jun nupnel, x'at schanc eb' sjaw win tznupn cha.

Jn 12:3

Ax 'ix María yet' 'ix mel-l litro yal su'q'ui sjab', nardo sb'i. A jun cha, caw chan̈ stojol. 'Ix c'och 'ix 'a Jesús. 'Ix stob'n 'och 'ix 'a yoc. Xlajwn̈ej cha, 'ix sucn tacj 'ix yet' xil sjolom. Caw c'uxn 'ix pucb't sjab' 'a yol jun n̈a cha.

2 Co 11:2

Caw wal tzex in ya'ilej, 'icha wal tzyutj Dios ex sya'ilni. Yujto tox xwac' in trato yet' Cristo, chajtlto 'oj ex wac' 'a yol sc'ab'. 'Icha junc cob's 'ix mant 'a jac smul, tz'ajx 'och 'a yol sc'ab' yichmil, comnoc 'ixta 'ex, yic 'oj ex wa'nc 'och 'a yol sc'ab' Cristo.

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.

Apoc 14:4

A eb' cha, may xon jun 'ejmoc sayjnac eb' yix. May xon 'aj 'ochnc smul eb'. Tza'nn̈ej 'och eb' yuj jun tzcuch Calnelu 'a 'ajtc tz'eq'ui. 'Ix colchj 'el eb' 'a scal eb' 'anma'. Yuj cha, lajn eb' 'icha junc sb'ab'l sat 'awb'en tz'ajx 'a Dios, yet' 'a jun tzcuch Calnelu cha.