Apoc 9:3 - Chuj San Sebastian Bible

³ Til wal e no c'ulb' xq'uel 'a scal jun tab' cha. 'Ix laj pucb't e no 'a yolyib'n̈q'uinal. A e no c'ulb' cha, 'ix 'ajx spoder e no schiwj 'icha schiwj no sina'an.

Chuj San Mateo Bible

³ Axo d'a scal jun tab' chi', ix elta noc' c'ulub'. A noc' chi' man̈xo b'ischajb'enoc noc'. Ix laj pucaxb'at noc' d'a yolyib'an̈q'uinal tic, ix ac'ji spoder noc' schivaj icha schivaj noc' sinaan.

Apoc 9:3 Iomraidhean Croise

A Ch'an̈ B'ab'el Libro Yic Yab'ixal Eb' Rey 12:11

Toto 'al yutjnac in mam eyicatz, an xo pax tic, yel xo wal 'al 'oj wutc eyictz cha. Toto a in mam, cojn tz'um sc'anjnac 'a yic ex sma'ni, palta an xo pax tic, a no tz'um 'aych q'uen 'a sn̈i', a no 'oj in c'anlb'oc, ax ex in ma'ni, xa chi 'a eb', xchi ewin quelmtac cha.

2 Cr 10:11

Toto a 'in mam cha, 'al 'ix yutj eyicatz, an xo pax tic, yel xo wal 'al 'oj wutc eyictz cha. Toto cojn tz'um sc'anjnac in mam yic ex sma'ni, palta an xo pax tic, a no tz'um 'aych q'uen 'a sn̈i', a 'oj wa'lb'oc 'ayex, xa chi 'a eb', xchi eb' quelmtac cha.

2 Cr 10:14

A tas 'ix yal eb' quelmtac winc cha, a 'ix yal 'a eb' chon̈b' cha, 'ix yaln 'ixtc 'a eb': Toto a 'in mam cha, 'al 'ix yutj eyicatz, an xo tic, 'ec'b'al yal-l 'oj wutc eyictz cha. Toto cojn tz'um sc'anjnac in mam yic ex sma'ni, an xo pax tic, a no tz'um 'aych q'uen 'a sn̈i', a 'oj wa'lb'oc 'ayex, xchi.

Is 33:4

'Icha wal tzyutj no c'ulb' satn 'el te 'awb'ente', 'ixta wal 'oj 'aj yijx 'ec' sricoal eb' chon̈b' 'ajc'ojl yajch 'ayach.

Ez 2:6

Ach 'anma', man̈ ach xiw yuj tas 'oj yal eb' 'ayach, wach'xam 'oj yoych sb'a eb' 'aych 'icha te q'ui'ix, mto 'icha to scal no sinan 'aych 'ec' tzela, man̈ ach xiw xon yuj tas 'oj yal eb' 'ayach, yujto caw pit xon eb'.

Jl 1:4

A smasnil tas 'awb'il, sc'ux 'ejm no c'ulub', ax jantc to tas 'ix cani, chuc jun tzo'n̈ xo no xwul wach' c'uxnc 'ejmi.

Jl 2:25

Xyaln Dios 'ixtic: 'Oj in jelx smasnil sat eyawb'en lajwnac 'el yuj no c'ulb' xwa't 'a e cal 'icha eb' soldado.

Nahúm 3:15

Wach'xam tze b'o smasnil jun tzo'n̈ cha, palta 'oj e milxn̈ej chamoc. 'Oj e n̈usxi mto 'oj e tzu'x chamoc. Caw 'oj e satln̈ej 'icha wal tz'aj slajw 'el 'awb'en yuj no c'ulub'. Caw niwtjnac e b'isl cob' 'icha no c'ulb' cha, mto 'icha no tzac'.

Nahúm 3:17

A eb' e soldado sic'b'il 'el eyu'uj, lajn wal eb' 'icha jun b'ulc no c'ulub', tz'ochcn b'uln no 'a sat yich n̈a yic caw 'ay si'ic, ax 'a yic tz'elx yoc c'u, tz'atx can jen̈n̈oc no', toc 'ayt mach 'ojtnac 'aj tzc'ochi, 'ixta eb' a soldado cha.

Lc 10:19

An xwac' e poder sec tztac' e te'n no chan yet' no sina'an. Wu'uj, tztac' eya'n ganar 'a yib'n̈ jantcn̈ej spoder win Satanás. Toxn may junc tas tztac' ex yixtni.

Dt 8:15

Yujto a 'on̈ 'i'nec b'ey 'a lum cusltac lum caw 'ay smay, lum 'aj 'ay no chan man̈x 'a yan̈il, 'a 'aj 'ay no sina'an, 'a 'aj may a a wach' yu'xi. Palta a Jehová, a 'ix 'a'n 'eltoc a a 'a sat q'uen q'ue'en, 'ix laj cu'nec a'.

Apoc 9:5

Ma'ix 'ajx smil e no junc 'anma'. Palta x'ajx yopiso e no o'e 'uj ya'n 'och syailal eb'. Ax jun yailal tzya'ch e no cha, caw lajn 'icha schiwj no sina'an.

Apoc 9:7

A e no c'ulb' cha, lajn yilx e no 'icha no chej lista yaji, yic tz'at 'a owal. A 'a sjolm e no', 'ay q'ue jun 'icha corona nab'a oro. A sat e no', lajn 'icha sat 'anma'.

Jueces 7:12

A eb' madianita cha, eb' amalecita yet' jun tzo'n̈ xo eb' cajn 'a stojlal 'aj tzq'uel c'u, 'ix puc eb' 'a lum pan̈n 'a'lic chi 'icha no c'ulub'. Til wal scameyo eb', man̈x b'ischjb'enoc e no 'icha yarenail sti a mar.