Apoc 9:17 - Chuj San Sebastian Bible

¹⁷ 'Icha waychil xwutj wiln schej eb' cha. A eb' 'ay q'ue 'a yib'n̈ no chej cha, 'aych q'uen 'a sn̈i sc'ojl junjn eb', 'ay chac, ya'ax, yet' c'an. Ax sjolm e no schej eb' cha, lajn 'icha sjolm no león. Ax 'a sti e no', ata x'elt c'ac', tab', yet' azufre.

Chuj San Mateo Bible

¹⁷ Icha d'a vayichal ix aj vilan noc' schej eb'. A sjolom noc' lajan yed' sjolom noc' choj. Axo eb' ayq'ue d'a yib'an̈ chej chi', ayoch q'ueen smaculoc sn̈i' sc'ool junjun eb', chacchac icha yilji sq'ue yoc te' c'ac', yaax, c'anc'an yilji q'ueen. Axo d'a yol sti' noc' chej chi', ix elta c'ac', tab' yed' azufre.

Apoc 9:17 Iomraidhean Croise

Gn 19:24

Ax 'a satcha'an̈, ata 'ix ya' cot Jehová c'ac' yet' azufre 'a yib'n̈ chon̈b' Sodoma yet' Gomorra.

1 Cr 12:8

An̈jtona yet' pax jun tzo'n̈ eb' yin̈tl Gad, 'ix ya'ch sb'a eb' yet' David yic 'ayc' 'a q'uen n̈aq'uen 'a lum cusltac lu'um. Caw jeln eb', cuywnac eb' ya'n owal, yet' eb' smaclab' sat jul-lab', yet' pax eb' slanza. Owltac yilx sat eb' 'icha no león, caw jeln sb'ey eb' 'icha no c'ultquil chej 'a jolmctac witz.

Salmos 11:6

'Oj ya' cot c'ac' 'a yib'n̈ eb' maysch'olnil cha. 'Oj cot azufre 'a yib'n̈ eb' 'icha wal yem yaxn̈ab', 'ixta wal 'oj 'emoc. Ax ya'n cot pax jun niwquil 'ic' yic tztacj 'el smasnil tas yu'uj. 'Ixta 'oj yutc ya'n spac tas tzb'o eb'.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Ez 33:22

A 'a sq'uic'b'alil yic mantzac jaw win xcot 'elc cha, 'ix ya'n cot Jehová spoder 'a wib'an̈. Ax yic xjaw jun winc chi 'a sq'uin̈b'il cha, 'ix jacw can pax in ti', wach'x in paxtin paxi.

Dn 8:2

A wal xwutj wilni, 'icha wal to 'ayn 'ec' 'a chon̈b' Susa, jun 'ay 'a yol yic Elam 'a sti a niwn a Ulai sb'i.

Dn 9:21

A yic wanto in leslwi cha, ax Gabriel jun sch'oxjnac sb'a 'ayn 'a jun in waych 'a yic yaln̈taxi, 'ix jaw jen̈n̈oc 'a in tz'ey 'aj 'ayn 'ec' cha, 'icha wal yorail yic tz'ajx xajmb'al 'a Jehová 'a yic yemc'ual.

Apoc 11:5

Toto 'ay mach tznib'n 'ixtnoc eb' chawn̈ cha, 'oj 'eltoc c'ac' 'a sti eb'. Ax eb' 'ajc'ojl 'oj 'ajch 'a eb' cha, 'oj tz'a eb' yuj 'a jun 'ejmn̈ej. 'Ixta 'oj 'aj scham jantcn̈ej eb' tznib'n 'ixtnoc eb'.

Apoc 14:10

a eb' cha, yowlal 'oj jawc jun niwn yailal 'a yib'n̈ eb' yuj Dios. 'Icha junc yal uva tzjaw sti', caw ow, may jac a 'ay't 'a scal, 'ixta wal yowl sc'ojl Dios 'oj yac' 'a eb'. Caw wal ow si'mb'il. 'Oj yab' eb' syal 'a scal c'ac' yet' azufre 'a yojltac eb' yángel Dios, yet' 'a yojltac jun tzcuch Calnelu.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.

Apoc 20:10

Ax win diablo, win 'ix 'ixtn paxti eb' cha, 'oj julx can 'at 'a scal jun niwquil c'ac' tzn̈ilchji, caln yaj yet' azufre, 'icha pama', atn 'aj julb'il can 'at jun noc' sb'i, yet' jun cob' yaljnac 'och sb'a schecb'oc Dios. Sc'ual yac'wlil 'oj yab' eb' syal ta 'a smasnil tiempo.

Apoc 21:20

A q'uen yo'il, ónice, q'uen swaquil, cornalina, q'uen yuquil, crisólito, q'uen swajxquil, berilo. Q'uen sb'aln̈il, topacio, q'uen slajn̈il, crisoprasa, q'uen yuxlchil, jacinto, q'uen slajchwil, amatista.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Apoc 9:18

Ax eb' 'anma 'a yolyib'n̈q'uinal, jab'xoj man̈ spacloc eb' xcham yuj 'oxe yailal chi x'elt 'a sti e no cha, atn c'ac', tab', yet' azufre.

Apoc 9:9

'Ay jun 'aych 'a sniwnal e no', lajn 'icha junc q'uen pichl tzya'ch eb' soldado. Ax sc'an̈ sc'axl e no', lajn sc'an̈ 'icha nan̈loc caruaje yic tzto'n 'at no chej 'a owal.