Apoc 9:15 - Chuj San Sebastian Bible

¹⁵ Yuj cha, x'at sjiync 'el chan̈wn̈ ángel cha. Xlajw cha, x'at eb' milj cham 'anma'. Jab'xoj man̈ spacloc eb' 'anma 'a yolyib'n̈q'uinl 'ix cham yuj eb'. Caw checl xo yaj yorail, sc'ual, yujal yet' yab'lilal 'aj tzmilwj eb' cha.

Chuj San Mateo Bible

¹⁵ Yuj chi' ix b'at stijel chan̈van̈ ángel chi', yic sb'at eb' milojcham anima. Quenxon̈ej man̈ nan̈aloc anima ix cham yuj eb' d'a sat luum tic. Chequelxo yaj yorail, sc'ual, yujal yed' yab'ilal yic tz'och eb' d'a milojcham anima chi'.

Apoc 9:15 Iomraidhean Croise

Apoc 20:7

Ax yic 'oj tz'acwc jun mil ab'il cha, ax sjacx pax q'uet win Satanás 'a 'aj 'aycn 'ejm 'a preso cha.

Apoc 8:10

'Ix yutz'n jun yoxl ángel strompeta. Ax jun niwquil c'anal 'a satcha'an̈, yajn̈ej x'ejmi. Caw stz'a 'icha stz'a junc taj. Jab'xoj man̈ spacloc a niwc a', yet' a spac'b'a 'ajtil xlaj 'ejmi.

Apoc 8:7

'Ix yutz'n jun b'ab'l ángel strompeta. Yajn̈j wal cha, ax sacb'at, yet' c'ac', caln yaj yet' chic'. 'Ix julx 'ejm 'a sat lu'um. Yuj cha, jab'xoj man̈ spacloc lum xtz'a'i. An̈jtona te te smasnil, jab'xoj man̈ spacloc xtz'a'i. Ax te c'ultac, c'uxn 'ix tz'a te smasnil.

Apoc 8:8

'Ix yutz'n jun schab'l ángel strompeta. Yajn̈j cha, 'ay jun 'icha niwquil witz wan stz'a'i. 'Ix julx 'ejm 'a yojl a mar. Yuj cha, jab'xoj man̈ spacloc a mar chi x'och chic'al.

Apoc 8:9

Ax no noc' 'ay 'a yojl a mar cha, jab'xoj man̈ spacloc no xchami. Yet' pax jun tzo'n̈ barco, jab'xoj man̈ spacloc xlajwi.

Apoc 9:10

'Ay sn̈e junjn e no'. Ax 'a sn̈e e no cha, ata 'ay stotz'b' e no 'icha yic no sina'an. A stotz'b' e no cha, 'ay spoder yixtn 'anma 'a o'e 'uj.

Apoc 9:18

Ax eb' 'anma 'a yolyib'n̈q'uinal, jab'xoj man̈ spacloc eb' xcham yuj 'oxe yailal chi x'elt 'a sti e no cha, atn c'ac', tab', yet' azufre.

Apoc 9:5

Ma'ix 'ajx smil e no junc 'anma'. Palta x'ajx yopiso e no o'e 'uj ya'n 'och syailal eb'. Ax jun yailal tzya'ch e no cha, caw lajn 'icha schiwj no sina'an.