Apoc 8:10 - Chuj San Sebastian Bible

¹⁰ 'Ix yutz'n jun yoxl ángel strompeta. Ax jun niwquil c'anal 'a satcha'an̈, yajn̈ej x'ejmi. Caw stz'a 'icha stz'a junc taj. Jab'xoj man̈ spacloc a niwc a', yet' a spac'b'a 'ajtil xlaj 'ejmi.

Chuj San Mateo Bible

¹⁰ Axo ix spu'an yic jun yoxil ángel chi', yed'n̈ej chi' ix emta jun nivan c'anal. Ix q'ue copnaj yoc icha c'ac'. Jab'xon̈ej man̈ nan̈aloc a' nivac a' yed' sjaj a' b'ajtil ix laj emi.

Apoc 8:10 Iomraidhean Croise

2 Cr 32:3

yuj cha, 'ix smol aln yet' eb' yit yajlil, yet' eb' syajlil eb' soldado, yic tzt'ocn lan̈chjoc eb' jantcn̈ej a spac'b'a 'ay 'a spatquil 'el chon̈b' cha. 'Ix chaj sc'ojl eb' sb'on tas smol alj cha.

Is 12:3

A mach 'ay stacn̈ti'al, 'oj 'ajxoc yuc' a 'a tzaljc'ojlal, atn scolnb'il tz'ajx yuj Dios.

Is 14:12

Ach sacb'su'un, ¡tas ach 'aj a cotcn 'a satcha'an̈! 'In ach 'ix ac' 'ejm jun tzo'n̈ nacion̈, palta ax ticnec ach julx can 'emt 'a sat lum tic.

Zacarías 13:8

An Jehová in, an tzwala, to a eb' 'anma cajn 'a jun nacion̈ tic, 'ec'b'al spacl eb' 'oj chamoc. Jaywn̈ xoj eb' 'oj canoc.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Mt 25:1

'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay lajn̈wan̈ cob's 'ix, 'ix yij 'at eb' scantil 'a 'ac'wal, x'at eb' 'a jun nupnel, x'at schanc eb' sjaw win tznupn cha.

Lc 10:18

—An tic, wiljnac tas 'ajnc win Satanás scot 'a satcha'an̈, yemt can win 'a yolyib'n̈q'uinl tic 'icha junc raya.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.

Apoc 1:20

'Oj wal 'ayach, tas tzyal 'el'ch uque c'anal 'ix el 'a yol in wach' c'ab', yet' uque yet'l cantil nab'a oro 'ix ela. A uque c'anal, atn eb' in checb' yucwn̈il 'a uque iglesia. Ax uque yet'l cantil, tzyal 'el'chi, atn uque iglesia cha, xchi Jesús.

Apoc 12:4

Ax yet' sn̈e, 'ix sloc cot jun tzo'n̈ c'anal 'a satcha'an̈. Jab'xoj man̈ spacloc x'aj syamchj jun tzo'n̈ c'anal chi yu'uj, sjuln 'ejm 'a yolyib'n̈q'uinal. Xlajw cha, xc'och 'a yojltac jun 'ix 'ayx tz'i'n cha, yujto tznib'j schi jun 'unn wan yalj cha.

Apoc 14:7

Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

Apoc 16:4

Xlajw cha, ax jun yoxl ángel, 'ix secn 'ejm sb'al svaso 'a yib'n̈ smasnil a niwc a', yet' 'a spac'b'a'. Yuj cha, c'uxn x'och pax smasnil a a chi chic'al.

Apoc 6:13

Ax jun tzo'n̈ c'anal, 'ix laj 'em eb' 'a yolyib'n̈q'uinal. 'Icha tz'aj yem te higo yuj junc 'ic' caw ow, 'ixta x'ejm eb'.

Apoc 8:7

'Ix yutz'n jun b'ab'l ángel strompeta. Yajn̈j wal cha, ax sacb'at, yet' c'ac', caln yaj yet' chic'. 'Ix julx 'ejm 'a sat lu'um. Yuj cha, jab'xoj man̈ spacloc lum xtz'a'i. An̈jtona te te smasnil, jab'xoj man̈ spacloc xtz'a'i. Ax te c'ultac, c'uxn 'ix tz'a te smasnil.

Apoc 9:1

Xlajw cha, xyutz'n jun yol ángel strompeta. Ax xwilni, a jun c'anal 'a satcha'an̈, 'ix 'ejm 'a yolyib'n̈q'uinal. A 'a jun c'anal cha, ata 'ix 'ajx syaweal jun xab' olan.

Apoc 9:15

Yuj cha, x'at sjiync 'el chan̈wn̈ ángel cha. Xlajw cha, x'at eb' milj cham 'anma'. Jab'xoj man̈ spacloc eb' 'anma 'a yolyib'n̈q'uinl 'ix cham yuj eb'. Caw checl xo yaj yorail, sc'ual, yujal yet' yab'lilal 'aj tzmilwj eb' cha.

Apoc 9:18

Ax eb' 'anma 'a yolyib'n̈q'uinal, jab'xoj man̈ spacloc eb' xcham yuj 'oxe yailal chi x'elt 'a sti e no cha, atn c'ac', tab', yet' azufre.

Jueces 15:11

A yic 'ix yab'n eb' yin̈tl Judá jun cha, 'oxe mil eb' x'at 'ilnoc Sansón 'a q'uen n̈aq'uen 'ay 'a Etam. 'Ix yaln eb' 'a 'ixtic: —¿Tom man̈ ojcoc to 'ayn̈ 'och 'a yaln̈ schecnb'il eb' filisteo? ¿Tas yuj 'ixta tzon̈ otej? xchi eb'. —'Icha wal in yutj eb', 'ixta pax tzwutj eb', xchi Sansón.