Apoc 7:9 - Chuj San Sebastian Bible

⁹ Xlajw cha, xwilni. Caw niwn 'anma 'ayc' 'a yojltac jun despacho cha, yet' 'a yojltac jun tzcuch Calnelu. A eb' cha, 'ay eb' 'a junjn nacion̈, 'a junjn 'in̈tal, 'a junjn ti'al, yet' 'a junjn chon̈b'al. Man̈x yalnb'ilc jantc sb'isl eb'. Caw sac spichl junjn eb'. Yamb'il xil te q'uib' yuj junjn eb'.

Chuj San Mateo Bible

⁹ Ix lajvi chi' ix vilani, man̈xo jantacoc anima ayec' d'a yichan̈ Dios b'aj c'ojanemi yed' d'a yichan̈ jun Calnel sb'i. A eb' chi', cotnac eb' d'a junjun nación, d'a junjun in̈tilal, d'a junjun chon̈ab' yed' d'a junjun ti'al. Man̈xo jantacoc sb'isul eb'. Te sacn̈ej spichul junjun eb'. Yed'nacq'ue xil yapac' junjun eb'.

Apoc 7:9 Iomraidhean Croise

Gn 13:16

'Icha wal spoccal lum lu'um, may mach tztac' sb'isni, 'ixta 'oj 'aj en̈til.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Salmos 2:8

C'an 'ayin, ax wa'n jun tzo'n̈ niwc nacion̈ 'ayach, ax eca'an smasnil yolyib'n̈q'uinal, masnto 'aj tzlajw c'ochi.

Salmos 22:27

Mamin Jehová, smasnil jun tzo'n̈ niwc nacion̈, yet' yin̈tl junjn macn̈ 'anma 'a 'aj tzlajw c'och lum lum tic, 'oj a nax cot yuj eb'. 'Oj jawc eb' 'a ojltac, ax yem cumn eb' 'ayach,

Salmos 76:4

Ach qui Diosal on̈, caw tzictzni elxi, yel xo caw niwn el'ch 'a yib'n̈ eb' lum niwc witz 'ayc' xon 'a pecti'.

Salmos 77:2

A wal 'a yic 'ay in cusc'ojlal, tzwaln in b'a 'a Jehová, matz in 'och wan in mojn q'ue in c'ab', yic tzin leslwi 'a junjn 'ac'wal. Palta may 'aj tz'ilchj sniwnal in c'ojol.

Salmos 98:3

Caw wal 'ayn̈j 'ec' schamc'ojlal yet' stojlal 'a qui calc an̈ israel on̈c tic. Smasnil 'anma 'a yolyib'n̈q'uinal tic 'ix yil eb' scolwj qui Diosalec quet'oc.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Jeremías 3:17

A 'a yic jun tiempoal cha, a Jerusalén 'oj 'ajxoc can sb'ic in despachooc an Jehová in tic. 'Oj syam sb'a smasnil nacion̈ 'a 'a, ax ya'n eb' 'emmquilal 'ayin. Man̈x 'oj yac' eb' 'ijxoc 'at sb'a yuj stu nab'enal.

Ez 47:5

'Ix yechtan win junx o'e ciente metro, ata b'i'an, man̈xtzac stac' quec' 'a yojl a'; caw wal xab' yich jun niwn a cha. Cojn toto tzon̈ noxwi, tztac' queq'ui, toto ma'ay matz tac'a.

Dn 4:1

'Ix yaln win rey Nabucodonosor jun tzo'n̈ spaxti tic 'ixtc 'a smasnil eb' chon̈b' 'ay 'a yol smacb'en: An reyn tic, tzwac' stzatzl e c'ojl e masnil ex chon̈ab', ex nacion̈, wach'xam chucchc e ti tzeyala, ex to cajn ex 'a sat smasnil lum lum tic.

Dn 6:25

Xlajw cha, stz'ib'n 'at win rey Darío scarta 'a smasnil eb' 'anma 'a junjn nacion̈, yet' 'a junjn ti'al, xyaln 'at win 'ixtic: Tic tzwa't stzatzl e c'ojol, 'ay cab' e junc'ojlal.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Lv 23:40

A 'a b'ab'l c'u cha, tzlaj eyi' cot sat te te wach' sloxi, tzeyi'n cot te xil palma, eb' te xil sauce, yet' eb' te niwc xil 'ay 'a stitc a'. 'Ixta 'oj eyutc eya'n tzaljoc e c'ojl 'a yol uque c'u 'a wojltac an Jehová e Diosal in tic.

Zacarías 10:8

'Oj wawtc cot eb', ax wa'n syam sb'a eb', yujto colchjnacx eb' wu'uj. Caw 'oj niwtjoc pax chan̈ sb'isl eb' jun 'ejm xo, 'icha 'ajnc eb' 'a yic pecti'.

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Lc 12:1

A 'a jun 'el, til wal smil-l eb' 'anma 'ix syam sb'a 'a Jesús. Caw witz'n x'aj eb', xlaj stec' eb' yoc. Ax Jesús, 'ix b'ab'l aln 'a eb' scuywum chi 'ixtic: Tzeyil wal e b'a 'a yich span ewin fariseo, atn 'a schab'satl ewinac.

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

Jn 12:13

Yuj cha, til wal eb' xtzu'n 'emt xil te q'uib'. 'Ix yi'n 'at eb' x'at schanc eb' Jesús. 'Ix laj yalnc chan̈ eb' 'ixtic: —Yuj wal dios. Calc wach' paxti 'a jun checb'il cot yuj Cajlilec. Calc wach' paxti 'a qui Reyl an̈ israel on̈c tic, xchi eb'.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

Ef 6:13

Yuj cha, 'icha junc soldado tzc'anlb'an syamc'ab'il yic owal, 'ixta tzeyutj e c'anlb'an jun tzo'n̈ tas tzyac' Dios 'ayn̈ec, sec te'n 'oj eyutc e b'a, yic 'oj jawc junc maysch'olnil. Toto 'ixta', a yic 'oj lajwc e b'on jantcn̈ej tas tznib'j Dios, an̈ja te'n ex ta'.

A Ch'an̈ Carta D'a Eb' Hebreo 11:12

Yuj cha, wach'xam caw 'ichm xo Abraham chi si'mb'il, palta til wal x'aj eb' yin̈tl spitzw 'eli. Lajn x'aj sb'isl eb' 'icha jun tzo'n̈ c'anal tzquilc 'a satcha'an̈. Lajn pax eb' 'icha sb'isl jun tzo'n̈ arena 'ay 'a sti a mar, yujto man̈xtzac b'ischji.

A Ch'an̈ Carta D'a Eb' Hebreo 12:22

Palta an̈ec xo tic, man̈oc ta tzon̈ c'ochi. Yujto a 'a jun tzaln Sión, yet' 'a jun chon̈b' yic Dios pitzan, ata tzon̈ c'ochi. A jun chon̈b' cha, atn jun Jerusalén 'ay 'a satcha'an̈. Man̈ jantcoc sb'isl eb' ángel

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 22:3

May junc tas, may junc mach catb'tzab'il yuj Dios 'oj c'och ta'. A 'a jun chon̈b' cha, ata 'ayc' sdespacho Dios yet' yic jun tzcuch Calnelu. Ax eb' ya'mal servil, 'oj yal sb'a eb' 'a 'a.

Apoc 3:18

Yuj cha, tzwaln 'ayex, caw tze b'o e b'eyb'al. Toto 'ixta', 'icha to 'oj e man jun oro b'ob'il 'a scal c'ac' 'ayin, sec 'oj e cha wal jun e ricoal 'a yel. 'Icha to 'oj e man pax jun e pichl caw sac 'ayin, sec man̈xtzac ex q'uixwi yujto 'icha to jitn ex 'eli. An̈jtona', 'icha to 'oj e succh yan̈l yol e sat, sec 'oj stac' eyilni.

Apoc 4:4

Ax 'a stz'ey jun despacho cha, ata oyn 'och 24 niwc xila. Ata wocn 'ejm 24 eb' 'ichmtac winac. Caw sac spichl eb'. Ax 'a sjolm junjn eb', ata 'ay q'ue junjn corona nab'a oro.

Apoc 5:11

Xlajwn̈ej cha, xwilni, til wal eb' ángel oyn 'och 'a jun despacho cha, yet' 'a eb' querubín, yet' 'a eb' 'ichm winc cha. 'Ix wab'n pax sjaj eb'. Man̈x jantcoc smil-l sb'isl eb', smiyon̈al xo sb'isl eb'.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Apoc 6:11

Xlajw cha, 'a junjn eb', 'ix 'ajx spichl eb' caw sac. 'Ix alx 'a eb', to tz'ilj eb' jac xo, masnto 'oj tz'acwc sb'isl eb' yit creyenteal eb' tot 'oj milxoc cham 'icha eb', atn eb' ya'mal servil Cristo yet' eb'.