Apoc 7:10 - Chuj San Sebastian Bible

¹⁰ 'Ix 'awj chan̈ eb' smasnil, 'ix yaln eb' 'ixtic: A qui Diosalec, wocn 'ejm 'a sdespacho, a x'a'n qui colnb'ilec. An̈jtona', yet' jun tzcuch Calnelu, locn x'a'n pax qui colnb'ilec, xchi eb'.

Chuj San Mateo Bible

¹⁰ Ix laj yalan eb' smasanil icha tic: A co colnab'il, scot d'a co Diosal c'ojanem d'a sc'ojnub' yed' d'a jun Calnel sb'i chi', xchi eb'.

Apoc 7:10 Iomraidhean Croise

Salmos 115:1

Mamin Jehová, a cab' 'aych tzalx wach' paxti', man̈oc cab' 'ayn̈ an̈ 'anman̈ tic. Caw smoj yalx wach' paxti 'aych yuj a chamc'ojlal yet' yuj a tojlal.

Salmos 3:8

Caw wal colwjum ach, 'ac' a yaxilal 'a quib'n̈ an̈ a chon̈b' on̈ tic on̈.

Salmos 37:39

A Jehová a tzcolwj yet' eb' 'anma tojl snab'en; a yic tzjaw yailal 'a yib'n̈ eb', a 'a tzcol sb'a eb'.

Is 43:11

Cojn in ton Jehová in, may junc xo mach tztac' scolwji.

Is 45:15

Yel ton wal b'in Mamin, Dios ach, matz tac' ach quiln yet' qui sat, an̈ israel on̈ tic qui colmal aji.

Is 45:21

Paxtinan̈ec, alec tas chi eyojc cha, c'anb'jlajec 'ayex, jun lajn tzeyutj eyalni. ¿Mach aljnac 'el jun tzo'n̈ tic 'a yictax yel yich sb'o smasnil tas? ¿Mach aljnac 'el 'a yictax pecti'? ¿Tom man̈ oquin an Jehová in 'ix wal-l jun tzo'n̈ tic? May junc xo Dios, To Cojxn In Toni. Cojn in tzwac' 'el'choc tas tzwala yic tzex in coln 'eli.

Jeremías 3:23

Wal yel, nab'an̈ej on̈ xit'c ca'ch sq'uin̈l jun tzo'n̈ comn dios 'a lum jolmctac witz. Palta cojn 'aych Jehová qui Diosal on̈, ata 'ay qui colnb'il on̈.

Os 13:4

'Ix yaln Jehová eyuj 'ixtic: An Jehová e Diosal in, yictax 'ayc' eb' e mam eyichm 'a Egipto, may junc xo tas xya'ch eb' sdiosaloc, palta cojn in. Cojn in ton sColmal eb' waji.

Jonás 2:9

Palta an xo tic, tzwal yuj diosal 'ayach. 'Oj wac' in xajmb'al, ax in yiclni 'aj 'ix wac' in ti 'ayach. Cojn ach tztac' a colwj Mamin Jehová, xchi Jonás.

Zacarías 4:7

Wach'xam til wal yajltacl sb'o watut 'icha junc niwquil witz, palta a 'a sat ach Zorobabel, man̈ 'ajltacc 'oj 'aj sb'o'i. Ach wal 'oj a'ch q'uen niwquil q'uen niwn yel'ch 'oj q'ue 'a sjolm schicn watut cha, ya' sb'a ax eb' chon̈ab', wan yel yaw eb' yaln 'ixtic: Man̈x jantcoc swach'l yilx x'aji, ya' cab' Dios swach'c'ojlal 'a yib'an̈, 'oj xchic eb', xchi Dios, xchi jun ángel cha.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Lc 3:6

Ax yiln eb' 'anma smasnil, to 'ay jun colnb'il tzyac' Dios, xchi jun 'aw cha, xchi 'a Ch'an̈ Un̈ cha.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Jn 1:36

Ax 'ix yiln 'ati, wan yec' Jesús. Yuj cha, xyaln 'ixtic: —'Iltec, a jun tz'ec' cha, 'icha yopiso junc quelm calnelu, 'ixta yopiso yuj Dios, xchi.

Jn 4:22

Ax 'aj Samaria ex tic, tzcob' eyal e b'a 'a Dios, palta man̈ eyojcoc Dios cha. Aln̈ an̈ israel on̈ tic on̈, caw cojc qui Diosal 'aj tzcal qui b'a on̈. A 'a qui cal on̈, ata 'oj 'eltc jun Colwjum.

Ef 2:8

Yuj wal swach'c'ojlal Dios on̈ colchjec, yujto xca'c 'och qui c'ojl 'a 'a. A jun tic, man̈oc on̈c xqui b'o'ec, yujto an̈j Dios tz'a'n 'ayn̈ec.

Apoc 12:10

Xlajw cha, xwab'n yoch jun paxti 'a satcha'an̈, caw 'ip yaln 'ixtic: —A ticnec, 'ix checlj 'el jun colnb'il tzyac' qui Diosal. A ticnec, 'ix sch'oxo, to caw 'ay spoder, Yajl yaji. Ax Cristo 'ix sch'oxni, to a Yajl yaj 'a smasnil. Yujto a win Satanás, atn win 'a'm queja 'a spatc eb' quit creyenteal, 'ix julx can 'el winac. A win cha, sc'ual yac'wlil ya'n queja win eb' 'a qui Diosal.

Apoc 19:1

Xlajw cha, xwab'ni, til wal xq'ue yaw eb' 'ayx 'ec' 'a satcha'an̈. Caw 'ip yaln eb' 'ixtic: ¡Calc wach' paxti 'a qui Diosalec! yujto a x'a'n qui colnb'ilec. Caw niwn yel'chi, caw niwn spoder.

Apoc 21:5

Ax jun wocn 'ejm 'a sdespacho cha, a 'ix aln 'ayn 'ixtic: —'Ilto, tzin b'o smasnil tas, caw 'a't tz'aji, xchi. 'Ix yaln pax 'ixtc 'ayin: —Tz'ib'j jun tzo'n̈ wan ab'n tic, yujto a jun tzo'n̈ paxti tic, caw yel. Tztac' a'n 'och yipc a c'ojol, xchi.

Apoc 22:3

May junc tas, may junc mach catb'tzab'il yuj Dios 'oj c'och ta'. A 'a jun chon̈b' cha, ata 'ayc' sdespacho Dios yet' yic jun tzcuch Calnelu. Ax eb' ya'mal servil, 'oj yal sb'a eb' 'a 'a.

Apoc 4:6

'Ay pax junx tas 'a yojltac, caw yaxt'ujnac yilx 'icha junc a mar, lajn yilx 'icha cristal. Ax 'a snan̈l jun despacho cha, yet' 'a stz'ey, ata 'ay chan̈wn̈ querubín, nab'a yol sat sb'a eb' 'a yojltac yet' spatc eb'.

Apoc 5:7

Ax jun tzcuch Calnelu cha, x'at schanc 'elt jun 'un̈ chi 'a swach' c'ab' jun wocn 'ejm 'a sdespacho cha.