Apoc 7:1 - Chuj San Sebastian Bible

¹ Xlajw cha, xwilni, 'ay chan̈wn̈ ángel. Lin̈n 'ec' junjn eb' 'a junjn yisquinyoal yolyib'n̈q'uinal. Ax chan̈e 'ic', macb'il 'och wan yuj eb'. Yuj cha, man̈x 'a jac 'ic' x'ec' 'a sat lu'um, yet' 'a yib'n̈ a mar. Toxn man̈x 'a junc te te x'ib'x xon jab'oc.

Chuj San Mateo Bible

¹ Ix lajvi chi', ix vilani, ay chan̈van̈ ángel lin̈jab'ec' d'a junjun yesquinail yolyib'an̈q'uinal tic. Syamoch vaan chan̈e' ic' eb' tz'ec' d'a yolyib'an̈q'uinal tic. Yuj chi' man̈xalaj ic' ix ec' d'a sat luum yed' d'a yib'an̈ a' mar. Man̈xa val junoc te te' ix ib'xi.

Apoc 7:1 Iomraidhean Croise

Is 11:12

'Oj q'ue junc bandera tzch'oxni, chajtlto a tzmolb'tzan paxt eb' israel 'aycn 'at 'icha presoal 'a jun tzo'n̈ xo nacion̈. An̈jtona eb' 'aj Judá 'oj smolb'tzoc paxt eb' 'aycn 'at 'a smasnil yolyib'n̈q'uinl tic.

Is 27:3

An Jehová in tic an tzin tan̈wj te', jab'jb' scal tzwa'n 'och yalil, tan̈b'il wuj 'a 'ac'wal yet' 'a c'ual, sec may tas tz'i'n te'.

Is 27:8

A Dios 'ix ya'ch yailal 'a yib'n̈ schon̈ab', atn 'a yic yijx 'at eb' 'icha presoal. 'Icha wal tz'aj yutz'x 'at junc tas yuj 'ic' tzcot 'a 'aj tzq'uel c'u, 'ixta wal 'ajnc yijx 'at eb'.

Jeremías 49:36

'Oj wa' cot owl 'a jun chon̈b' tic, 'icha junc niwquil 'ic' to caw ow, tzanxn̈ej 'aj tzcoti. Tzanxn̈ej 'aj 'oj 'ijxoc 'at eb', man̈x 'a junc nacion̈ 'ajtil ma'oj c'och eb' 'at sc'ub'c 'el sb'a.

Ez 37:9

Xlajw cha, xyaln Jehová 'ayn 'ixtic: Ach 'anma', al 'ixtc 'a 'ic' 'ay 'a yolyib'n̈q'uinl tic. To an Jehová Yajl in, an tzwal 'ixtic: Ach 'ic' cotan̈, 'ochn̈ 'a jun tzo'n̈ niwnal milb'il cham tic yic tzpitzw pax eb', xchi Dios, xa chi 'a 'a, xchi 'ayin.

Ez 7:2

Ach 'anma', an Jehová in, Yajl in, an tzwal 'ixtc 'a yib'n̈ chon̈b' Israel: A ticnec, wal sc'och sc'ul slajw 'el yolyib'n̈q'uinl tic, wal satl lum lum tic.

Dn 11:4

Palta a yic tox 'ix yij yip yopiso cha, chan̈ c'aj 'oj 'aj spoji. A yopiso jun rey cha, man̈x 'oj b'ey 'a eb' yin̈til, 'oj 'el yip yopiso cha, man̈x lajnoc 'icha 'a yic b'ab'el, yujto tox 'ix poji, chucx mach 'oj 'ochx can reyl sjeloc.

Dn 7:2

'Ix yaln Daniel 'ixtic: Xwil wal 'a jun in waych 'a 'ac'wl q'uiq'ui, to a 'a schan̈paq'uil yolyib'n̈q'uinal, ata 'ix cot jommoc 'ic'. Ax 'a yib'n̈ a niwquil mar xjawi, caw xma'x chan̈ chel-loc a yu'uj.

Dn 8:8

Ax no chiwo cha, caw 'ipn swach' 'och yip no'. Palta ax x'aji, a wal 'a yic 'aych no 'a ste'nal yet' yip, 'ix wecchj 'el jun sniwquil ch'ac cha. Ax 'a yet'l 'aj xwecchj 'el cha, ata xq'uel chan̈e xo sch'ac no', q'ueln 'at sch'ac no chi 'a schan̈paq'uil yolyib'n̈q'uinal.

Jonás 1:4

Palta ax Jehová x'a'n cot jun niwquil 'ic' caw ow 'a yib'n̈ a mar cha, caw wal 'ijn tzpoj te barco chi yuj jun 'ic' cha.

Zacarías 6:1

'Ay pax junx tas 'ix ch'oxx wil 'a 'icha waychil. 'Ix wil yelt chan̈e caruaje yic owl 'a snan̈l chab' tzaln to nab'a bronce.

Zacarías 6:5

Ax jun ángel cha, 'ix yaln 'ixtc 'ayin: A jun tzo'n̈ tic, tz'at eb' 'a schan̈paq'uil 'aj tzcot 'ic', yic xlajw yelt eb' 'a yojltac jun Yajl 'a smasnil yolyib'n̈q'uinal.

Mt 24:31

Ax q'uen trompeta, caw 'ip 'oj 'oc' q'ue'en, an xo 'Ochnc in 'Anmal tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinl tic. 'Oj 'ec' 'ijx cot eb' 'aj tzlajw c'och yolyib'n̈q'uinal, masnto 'a yib' cha'an̈.

Mr 13:27

An tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinal. 'Oj 'ec' 'ijx cot eb' 'a 'aj tzlajw c'och yolyib'n̈q'uinal, masnto 'a yib' cha'an̈.

Apoc 20:8

C'uxn 'oj 'ec' yixtc paxti win eb' 'anma 'a junjn nacion̈ 'a yolyib'n̈q'uinal. 'Oj yixtc paxti jun Gog sb'i yet' jun Magog. Ax jun tzo'n̈ soldado yic Gog yet' Magog cha, 'oj yac' win Satanás syam sb'a eb' yuj owal. Ax eb' soldado cha, caw niwn eb' 'icha yarenail sti a mar.

Apoc 6:6

'Ix wab'n yoch jun 'aw 'a snan̈l eb' querubín schan̈wn̈il, xyaln 'ixtic: —Cojn chab' libra trigo 'a jun c'ul munljelal, mto waque libra cebada. Man̈ extc aceite yet' yal uva, xchi 'a 'a.

Apoc 7:3

—Mant eyixtc tastc 'ay 'a sat lu'um, yet' tastc 'ay 'a a mar, yet' te te', masnto 'oj ca'c 'och seyo 'a snan̈l sat junjn eb' ya'mal servil qui Diosalec, xchi 'a eb'.

Apoc 8:7

'Ix yutz'n jun b'ab'l ángel strompeta. Yajn̈j wal cha, ax sacb'at, yet' c'ac', caln yaj yet' chic'. 'Ix julx 'ejm 'a sat lu'um. Yuj cha, jab'xoj man̈ spacloc lum xtz'a'i. An̈jtona te te smasnil, jab'xoj man̈ spacloc xtz'a'i. Ax te c'ultac, c'uxn 'ix tz'a te smasnil.

Apoc 9:14

'Ix yaln 'ixtc 'a jun swacl ángel 'ix yutz'j strompeta cha: —'At jiyl chan̈wn̈ ángel jalb'il 'a sti a niwn a Éufrates, xchi 'a 'a.

Apoc 9:4

'Ix alx 'a e no', to matz lajl e no te te 'a yolyib'n̈q'uinal. Toxn may junc te te tztac' yixtn e no'. Cojxn eb' 'anma 'aj may seyo Dios 'a snan̈l sat, cojxn eb' 'aj tztac' schiwj e no'.