Apoc 6:16 - Chuj San Sebastian Bible

¹⁶ Xlaj cob' yalnc eb' 'ixtc 'a lum witz, yet' 'a eb' q'uen niwc q'ue'en: —Cotn̈ec 'a quib'n̈ on̈. Tzon̈ laj e c'ub'c 'el 'a sat jun wocn 'ejm 'a sdespacho. Yujto a yowl sc'ojl jun tzcuch Calnelu, caw matz qui nib'j tzjaw 'a quib'n̈ on̈, xchi cob' eb'.

Chuj San Mateo Bible

¹⁶ Ix laj yalan eb' icha tic: —Comonoc scot lum nivac vitz tic yed' q'uen nivac tenam tic d'a quib'an̈ tzon̈ sc'ub'anel d'a jun c'ojanem d'a sc'ojnub', tzon̈ scolan pax el d'a yoval sc'ol jun Calnel sb'i chi'.

Apoc 6:16 Iomraidhean Croise

Salmos 14:5

Caw 'oj 'ib'xoc eb' yuj xiwlal, yujto a Dios 'ayc' yet' eb' tojl sb'eyb'al.

Is 2:10

Ex wit chon̈ab', c'ub'jec 'el e b'a 'a yol n̈aq'ue'en, yet' 'a yojl eb' lum xab'. Smoj wal e xiw 'a Jehová, yujto caw wal 'ay smay yilx 'oj 'aj sjaw yet' stzictznial.

Jeremías 8:3

An Jehová in, tztac' wuj smasnil, an tzwala, to a jantc eb' 'anma 'oj canc 'a spitznal 'a jun tzo'n̈ 'anma tic, caw 'oj snib'c cham sb'a eb', 'a yib'n̈ to tzcancn eb' 'a pitznal 'a 'aj 'oj sactzic can 'at eb' 'a jun tzo'n̈ xo lugar.

Os 10:8

'Oj ma'xoc 'ejm jun tzo'n̈ yatutal sdiosal eb' chuc chon̈b'al, atn 'aj ya'jnac 'och eb' israel smul. A 'a yib'n̈ yet'l xajmb'al eb' cha, ata 'oj pac' chan̈ te q'ui'ix. Yuj cha, ax yaln eb' 'anma yuj lum witz chi 'ixtic: Comnoc 'ay tz'aj scot wacnjoc jun tzo'n̈ witz tic 'a quib'n̈ec, 'oj schic eb'. Ax yaln pax eb' yuj eb' lum tzalan: 'Ayc wal tz'aj scot lan̈njoc eb' lum tzaln tic 'a quib'n̈ec, 'oj schic eb'.

Mt 26:64

—An ton 'icha tzal tic. Tzwal pax 'ayex, to an 'Ochnc in 'Anmal tic, 'oj in eyila', wocn in 'ejm 'a swach' c'ab' Dios, atn jun niwn spoder, 'oj eyil pax weml 'a scal 'asn 'a satcha'an̈, xchi.

Mr 3:5

'Ix 'ec' q'uel-loc Jesús 'a eb', 'ix cot yowal, 'ix cus pax cha'an̈, yujto caw pit eb', 'ix yaln 'a win 'ixtic: —'A' cot a c'ab', xchi. 'Ix ya'n 'at win sc'ab' 'a 'a, 'ixta to b'i'an, 'ix b'ox cani.

Lc 23:30

A wal 'a jun tiempoal cha, 'oj laj yal eb' 'anma 'ixtc yuj jun tzo'n̈ witz yet' yuj jun tzo'n̈ tzalan: Comnoc 'ay tz'aj scot wacnjoc 'a quib'n̈ec, yic tzon̈ sc'ub'nec 'eli, 'oj schic eb'.

Apoc 10:6

Ax yic xpaxtini, 'ix slocn sb'i Dios pitzn 'a jun 'ejmn̈ej, atn jun b'ojnac satcha'an̈, sat lu'um, a mar, yet' jantcn̈ej tas 'ay 'a jun tzo'n̈ cha. 'Ix yaln jun ángel chi 'ixtic:

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Apoc 4:2

Yajn̈j cha, xwach' 'och wal spoder Yespíritu Dios 'ayin. 'Ix wiln jun despacho 'a satcha'an̈. Ata 'ay jun mach wocn 'ejmi.

Apoc 4:5

A 'a jun despacho cha, caw tz'elt raya 'a 'a. Caw tzc'an̈ 'icha sc'an̈ c'u. Ax 'a yojltac, ata 'ay uque niwc cantil 'aych sc'aq'uil, atn Yespíritu Dios yucwn̈il.

Apoc 4:9

'Ixta xyutj chan̈wn̈ querubín chi yalni, chajtlto niwn swach'il, caw niwn yel'ch jun wocn 'ejm 'a sdespacho cha. Tzya'n eb' yuj diosal 'a 'a, atn jun 'ayc' 'a jun 'ejmn̈ej. A yic tzyaln eb' junjn 'ejm 'ixta',

Apoc 5:1

'Ix wiln jun wocn 'ejm 'a sdespacho. A 'a swach' c'ab', ata 'ay jun ch'an̈ un̈ chulb'ilb'ec'an. 'Ay stz'ib'l 'a yojol, yet' 'a spatic. 'Ay uque seyo 'aych 'a spatic. Yuj cha, matz tac' sjacwi.

Apoc 6:10

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'.

Apoc 9:6

A wal 'a jun tiempoal cha, 'oj cob' sayc' eb' 'anma tas tz'aj schami, palta toxn man̈x 'oj chax yuj eb'. Wach'xam caw 'oj snib'c cham sb'a eb', palta man̈x 'oj stac' scham eb'.