Apoc 6:15 - Chuj San Sebastian Bible

¹⁵ Ax eb' rey 'a yolyib'n̈q'uinal, 'ix laj sc'ub'c 'el sb'a eb' 'a yol niwc n̈aq'ue'en, yet' 'a scal q'uen 'a tzalctac. 'Ixta xyutj pax sb'a jantcn̈ej eb' niwc winac, eb' rico, eb' yajal yet' eb' 'ay yel'chi. Eb' moso man̈ yico'oc sb'a, toxn̈ej eb' mun yic sb'a, c'uxn xlaj 'at eb' 'elc smasnil.

Chuj San Mateo Bible

¹⁵ Axo eb' rey d'a yolyib'an̈q'uinal tic, ix laj sc'ub'ejel sb'a eb' d'a yoltac q'uen nivac n̈aq'ueen yed' d'a caltac q'ueen d'a tzalquixtac. Icha pax chi' ix yutej sb'a masanil eb' nivac vinac, eb' b'eyum, eb' yajal yed' eb' ay yelc'ochi. Vach'chom eb' checab' yaji, vach'chom pax eb' yic sb'a, ix laj b'at eb' smasanil elelal.

Apoc 6:15 Iomraidhean Croise

Gn 3:8

A yic yemc'ul xo, yic sic xo yoc c'u, xyab'n win yet' 'ix to tzb'eyc' Jehová Dios 'a scal te 'awb'ente'. Yajn̈ej 'ix 'at eb' 'eloc, sc'ub'n 'el sb'a eb' 'a scal te 'awb'ente cha.

Salmos 76:12

Yujto a tz'i'n 'ec' sq'uinl eb' yajal, caw tzxiw eb' rey yic yolyib'n̈q'uinl tic 'a 'a.

Is 2:10

Ex wit chon̈ab', c'ub'jec 'el e b'a 'a yol n̈aq'ue'en, yet' 'a yojl eb' lum xab'. Smoj wal e xiw 'a Jehová, yujto caw wal 'ay smay yilx 'oj 'aj sjaw yet' stzictznial.

Is 2:19

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', ax laj sc'ub'n 'el sb'a eb' 'a yol n̈aq'ue'en, 'a yojl eb' lum xab'. Ata 'oj sc'ub'c 'el sb'a eb', yujto caw 'ay smay yilx Jehová yet' stzictznial.

Is 2:21

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', 'ay eb' 'oj sc'ub'c 'el sb'a 'a yol sjatlil q'uen q'ue'en, yet' 'a yol n̈aq'ue'en, yujto caw 'ay smay yilx Jehová yet' stzictznial.

Is 42:22

Yuj e tenmtaquil 'ix 'el'x 'at tas 'ay 'ayex, ex 'ijx 'at 'icha presoal e masnil, ex 'ajx 'ejm 'a yol lu'um. Caw ex lajw 'eli. Man̈x 'a mach ex coln 'eli. Ex 'el'x 'ati, man̈x 'a mach ex 'i'n 'ec' 'a eb' 'elc'm cha, xchi Dios.

Miqueas 7:17

Caw wal 'oj xiw eb', ax yi'n 'ejm sb'a eb', 'oj can teln eb' 'a scal pococ 'icha no chan. 'Oj laj 'ib'xoc eb' yuj xiwlal, ax yelt eb' 'a scuartel. Caw tzxiw eb', ax sjaw eb' 'a 'ayn an Jehová e Diosal in tic, xchi Dios.

A Ch'an̈ Carta D'a Eb' Hebreo 11:38

Man̈ smojc 'e'nc eb' 'a yolyib'n̈q'uinl tic, yujto yel xo wal wach' eb'. A eb' cha, 'icha xoj meb'a'il 'ajnc yec' eb' 'a lum cusltac lu'um, yet' 'a tzalctac. Ata 'e'nc cajn eb' 'a yoltc n̈aq'ue'en, yet' 'a yoltc xab'.

Apoc 18:23

Man̈x 'a junc cantil 'oj yac' sacq'uinl ta', man̈x 'a b'a'n̈ 'oj 'ab'xoc yel 'aw yuj junc q'uin̈ nupnel. 'Ixta 'oj 'aj jun chon̈b' cha, yujto a eb' chon̈wjum 'ayc' ta', yel xo niwn yel'ch eb' 'a yib'n̈ smasnil eb' 'anma 'a yolyib'n̈q'uinal. An̈jtona', c'uxn xlaj 'ixtx paxti eb' 'anma 'a junjn nacion̈ yuj yajchumal, yet' ya'm 'esal jun chon̈b' cha, xchi jun ángel cha.

Jueces 6:2

A eb' israel cha, caw 'ipn swach' 'ixtx eb' yuj eb' madianita. Caw wal tzxiw eb' 'a eb', yuj cha, sb'on eb' israel chi sjul 'aj tzc'ub'j 'el sb'a 'a spatc eb' lum niwc witz, 'a yojl n̈aq'ue'en, yet' 'ajtil caw 'ajltac sc'och 'anma'.

A Ch'an̈ B'ab'el Libro Samuel 13:6

A yic xyiln eb' israel to matz techj yuj eb' 'a eb' filisteo, caw x'och xiwc'ojlal 'a scal eb'. 'Ix 'at eb' sc'ub'c 'el sb'a 'a yoltc n̈aq'ue'en, 'a yoltc xab', 'a sat q'ue'en, 'a slot'l tenam yet' 'a yoltc ch'olan.