Apoc 4:8 - Chuj San Sebastian Bible

⁸ A chan̈wn̈ eb' cha, waque sc'axl junjn eb'. Ax sniwnal eb', nab'a yol sat sb'a. Sc'ual yac'wlil yaln eb' 'ixtic: A Cajlilec, atn qui Diosalec, caw Cojxni, smasnil tas tzta'n̈j yu'uj. 'Ayc'n̈ej tax 'a yic pecti', 'ayc' ticnec, atn jun 'oj jawoc, xchi eb'.

Chuj San Mateo Bible

⁸ A chan̈van̈ eb' chi', vactac sc'axil junjun eb'. Ayn̈ej yol sat eb' d'a spatic yed' d'a yool. C'ual d'ac'val yalan eb' icha tic: A Cajal co Diosal, Axon̈ej val, masanil tas syal yuuj. Ayn̈ejtaxon ec' d'a yichb'anil, aypaxec' ticnaic, toto pax ol javoc, xchi eb'.

Apoc 4:8 Iomraidhean Croise

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Ex 3:14

'Ix ta'w pax Jehová 'ixtc 'a Moisés: —AN TIC 'AYNÑEJ XON 'EQ'UI. 'Ixta tzotj aln 'a eb' et chon̈b' cha: AN TON TIC, an tzach in checb'ti, xchi Dios.

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

Is 62:1

Yuj wal in chamc'ojlal 'a Sión, yuj cha, man̈toc sictac tzin 'aji. Yuj in chamc'ojlal 'ayx ex 'aj Jerusalén, yuj cha, ma'oj wilji, masnto 'oj checljoc chan̈ e tojlal, 'icha wal yic tzsacb'i. Ax e colnb'il, 'oj checljoc chan̈ 'icha wal sn̈ilchj junc tziclab' taj, caw tzyac' sacq'uinlal.

Ez 1:18

'Ix wilni, to a chan̈e setet cha, caw niwc eb', caw wal 'ay smay yilxi, nab'a yolsat sb'a 'a stitac.

Ez 1:5

Ax 'a spacl cha, ata 'aych chan̈wn̈ eb' ángel querubín sb'i, lajn yilx eb' 'icha 'anma',

Ez 1:6

palta to chan̈chn̈ sat junjn eb', chan̈chn̈ pax sc'axl eb'.

Ez 10:12

A sniwnal eb' querubín, yich spatquil eb', sc'ab' eb', sc'axl eb' yet' jun tzo'n̈ setet cha, nab'a yol sat sb'a.

Jl 1:15

¡'Oltacn̈ec, caw la'nxoj sjaw jun c'u yic yowl sc'ojl Jehová! Atn jun c'u caw 'ay smay yic 'oj satl smasnil nacion̈ yuj Dios tztac' yuj smasnil.

A Tas Sc'ulejnac Eb' Schecab' Jesús Hechos 20:31

Yuj cha, caw tzeyac' cuenta e b'a. Nac coti, to yoxl xo ab'il in yamn 'och in cuywj 'ayx junjn ex, 'a c'ual yet' 'a 'ac'wal. Yel 'ay wal 'aj 'o'nc in.

2 Co 6:18

'Oj woch e Mamoc. Ax eyoch wunnaloc, wisloc, xchi Cajlilec, atn jun tzta'n̈j yuj smasnil.

1 Ts 2:9

Ex wu'tac, ex wanab', tecn tze na coti, chajtl 'ec' cutjnac qui munlj 'a e cal on̈. Caw xcac' 'ip qui munlj on̈. Yic 'ec' calnc 'el wach' 'ab'x yic Dios 'ayx on̈, sc'ual yac'wlil munljnacn̈ pax yuj qui gasto on̈. 'Ixta 'e'nc on̈ ta 'on̈, yujto qui nib'jnac on̈, may mach tz'ab'n syal ya'n qui gasto ta 'on̈.

1 Ti 4:16

Caw tzac' cuenta a b'a yuj a b'eyb'al ta'. An̈jtona', tzac' cuenta a b'a yuj jun tzo'n̈ cuynb'il tzac' scuy eb'. Te'n tzotj a b'a 'a smasnil tiempo, sec 'oj a colcn 'el a b'a, yet' eb' tz'ab'n tas tzala, 'oj colchjoc pax 'el eb'.

2 Ti 4:2

Caw tzal-l spaxti Dios 'a scal eb' 'anma'. Toxn̈ej tznib'j eb' yab'i', toxn̈ej ma'ay, palta caw tzaln̈ej, caw tza montj eb'. Tza tench wan eb' 'a maysch'olnil, tza'n wal snab'enoc eb'. Caw niwn tzotj a c'ojl 'a eb', tza cuyn pax eb' 'a spaxti Dios.

A Ch'an̈ Carta D'a Eb' Hebreo 13:8

A Jesucristo, lajnn̈ej snab'en 'a yictax pecti', ticnec, yet' 'a yic b'aq'uin̈.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

Apoc 1:8

Yaljnac Cajlilec 'ixtic: An tic b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in, xchi Cajlilec, atn pax jun tztac' yuj smasnil. A 'ayc' ticnec, 'ayc'n̈ej tax 'a yic pecti', atn jun 'oj jawoc.

Apoc 11:17

'Ix yaln eb' 'ixtic: Ach tic Dios ach, smasnil tas tztac' o'oj. 'Aych 'ec' ticnec, 'aych 'ec'n̈ej yictax pecti'. Tzcac' yuj diosal 'aych ach Cajlil on̈. Yujto xa ch'oxo, to caw niwn a poder, yic xa chan 'el yich a'n Yajlil.

Apoc 14:11

A wal jun 'aj 'oj yab' eb' syal cha, 'oj q'ue stab'l 'a smasnil tiempo. Wach'xam c'ual, wach'xam 'ac'wal, man̈x b'a'n̈ 'oj 'iljoc jac eb'. A eb' 'oj 'aj ta', atn eb' tzlaj yal sb'a 'a jun noc' sb'i, yet' 'a yechel, atn eb' xlaj schaj 'och senyail sb'i jun noc' chi 'a 'a, xchi jun ángel cha.

Apoc 14:3

'Ay eb' tzb'itnan jun 'ac' b'it 'a yojltac sdespacho Dios, yet' 'a yojltac eb' querubín schan̈wn̈il, yet' pax 'a yojltac eb' 24 'ichmtac winac. May junc mach tztac' sc'ay jun b'it chi yu'uj. Cojxn eb' 144 mil colchjnac 'el 'a scal eb' 'anma 'a yolyib'n̈q'uinal, cojxn eb' tztac' sb'itnani.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

Apoc 15:7

'Ay jun 'a eb' querubín schan̈wn̈il, a 'ix 'a'n junjn vaso nab'a oro 'a junjn eb' ángel cha. A junjn svaso eb' cha, b'ut'n yet' yowl sc'ojl Dios. Atn Dios 'ayc' 'a jun 'ejmn̈ej.

Apoc 16:14

A 'oxwn̈ eb' demonio cha, checb' yaj eb' yic tzch'oxn eb' jun tzo'n̈ milagro. X'at eb' yac' syam sb'a jantcn̈ej eb' niwc yajl 'a smasnil yolyib'n̈q'uinal, yic tzya'n eb' owl 'a yic jun c'u niwn yel'ch yic Dios, atn Dios tztac' yuj smasnil.

Apoc 16:7

Ax xwab'ni, 'ay jun 'ayc' 'a yet'l xajmb'al, xyaln pax 'ixtic: —Yel Mamin, Dios ach, smasnil tas tztac' o'oj. Caw yel tojl xotj a b'eyc'ojlan eb' 'anma', xchi.

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.

Apoc 19:4

Ax eb' 24 'ichm winac, yet' eb' querubín schan̈wn̈il, 'ix 'em n̈ojn eb' 'a sat lu'um. 'Ix yaln sb'a eb' 'a Dios, atn 'a jun wocn 'ejm 'a sdespacho. 'Ix yaln eb' 'ixtic: ¡B'o cab' 'ixta'! ¡Alx cab' wach' paxti 'a Dios! xchi eb'.

Apoc 21:22

May junc yatut Dios 'a jun chon̈b' cha, yujto a Dios Cajlil, atn jun tztac' yuj smasnil, yet' jun tzcuch Calnelu, a eb' 'ayc'n̈ej 'a smasnil jun chon̈b' cha.

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic:

Apoc 4:4

Ax 'a stz'ey jun despacho cha, ata oyn 'och 24 niwc xila. Ata wocn 'ejm 24 eb' 'ichmtac winac. Caw sac spichl eb'. Ax 'a sjolm junjn eb', ata 'ay q'ue junjn corona nab'a oro.

Apoc 4:6

'Ay pax junx tas 'a yojltac, caw yaxt'ujnac yilx 'icha junc a mar, lajn yilx 'icha cristal. Ax 'a snan̈l jun despacho cha, yet' 'a stz'ey, ata 'ay chan̈wn̈ querubín, nab'a yol sat sb'a eb' 'a yojltac yet' spatc eb'.

Apoc 4:9

'Ixta xyutj chan̈wn̈ querubín chi yalni, chajtlto niwn swach'il, caw niwn yel'ch jun wocn 'ejm 'a sdespacho cha. Tzya'n eb' yuj diosal 'a 'a, atn jun 'ayc' 'a jun 'ejmn̈ej. A yic tzyaln eb' junjn 'ejm 'ixta',

Apoc 5:6

Ax 'a snan̈l yojl jun despacho cha, 'a scal chan̈wn̈ querubín cha, yet' 'a scal eb' 'ichm winc cha, ata xwil jun tzcuch Calnelu. Lin̈n 'eq'ui, palta chequel to milb'il chamoc. Uque sch'a'ac, uque pax yol sat. A yol sat cha, atn ucwan̈ Yespíritu Dios checb'il 'at 'a smasnil yolyib'n̈q'uinal.

Apoc 6:1

'Ix wilni, a jun tzcuch Calnelu, a 'ix n̈i'chtan jun b'ab'l seyo cha. Xlajwn̈ej cha, xwab'ni, a 'a chan̈wn̈ querubín cha, ata 'ay jun 'ix aln 'ixtic: Cotan̈, xchi. A yol sjaj, lajn 'icha sc'an̈ c'u.

Apoc 6:6

'Ix wab'n yoch jun 'aw 'a snan̈l eb' querubín schan̈wn̈il, xyaln 'ixtic: —Cojn chab' libra trigo 'a jun c'ul munljelal, mto waque libra cebada. Man̈ extc aceite yet' yal uva, xchi 'a 'a.

Apoc 7:11

Ax eb' ángel smasnil, lin̈n chan̈ eb'. Oyn 'och eb' 'a jun despacho cha, yet' 'a eb' 'ichmtac winac, yet' 'a chan̈wn̈ eb' querubín. 'Ix 'em n̈ojn eb' 'a sat lum 'a yojltac jun despacho cha. 'Ix yaln sb'a eb' 'a Dios.

Apoc 7:15

Yuj cha, 'ayc' eb' 'a yojltac sdespacho Dios 'a yatut. Sc'ual yac'wlil ya'w servil eb'. Ax jun wocn 'ejm 'a sdespacho cha, a tztan̈wni eb', yujto 'ayc'n̈ej yet' eb'.