Apoc 4:7 - Chuj San Sebastian Bible

⁷ A jun b'ab'el, lajn yilx 'icha junc león. Ax jun schab'il, lajn yilx 'icha junc quelm wacax. Ax jun yoxil, lajn yilx sat 'icha sat 'anma'. Ax jun schan̈il, lajn yilx 'icha junc no salt'iw tzjen̈wi.

Chuj San Mateo Bible

⁷ A jun b'ab'el querubín lajan icha noc' choj. A schab'il, lajan icha noc' quelem vacax. A yoxil, lajan yilji sat yed' sat anima. Axo schan̈il, lajan icha noc' d'iv sjen̈vi.

Apoc 4:7 Iomraidhean Croise

Gn 49:9

Lajn ach wal 'icha junc no quelm león; a yic tzlajw schin 'ejm junc yit noc'al tzmeltzj pax 'a sn̈aq'ue'en. 'Icha junc no niwquil león, tz'em lachan, tzlaj 'ec' pun̈n 'a sat lu'um. ¿Mach wal junc tzte'wtzej sb'a stzuntzni?

A Ch'an̈ Schab'l Libro Samuel 1:23

Ach Saúl yet' 'ach Jonatán, caw chamc'ojlb'ilx wu'uj, caw nib'b'ilx paxi, junn̈j eyec' 'a yic pitzn ex to, junn̈j ex 'aj pax e chami. 'Ec'b'al sjelnal e b'ey 'icha no salt'iw. Yel xo 'ec'b'al eyip 'a e no león.

Pr 28:2

Toto tu tas tzb'o junc chon̈b'al 'anma', tzolmtac yec' eb' syajlil eb', palta toto caw jeln snab'en junc syajlil eb' cha, tztac' yi'n b'ey jun nacion̈ chi 'a swach'il.

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Ez 1:10

A sat eb' 'a yojltac, lajn yilx 'icha sat 'anma'. A 'a swach' c'ab' eb', lajn yilx 'icha sat no león. A 'a surito eb', lajn yilx 'icha sat no wacax, ax 'a spatquil eb', lajn yilx 'icha sat no salt'iw. 'Ixtnta wal yilx sat eb' cha.

Ez 1:8

A sat eb' yet' sc'axl eb' cha, 'ay 'a junjn pac', ax 'a yaln̈ junjn sc'axl eb' cha, ata 'ay 'elt sc'ab' eb' 'icha sc'ab' 'anma'.

Ez 10:14

A junjn eb' querubín cha, chan̈chn̈ sat junjn eb'. A jun sb'ab'l sat eb' cha, lajn yilx 'icha sat junc querube cha. Jun schab'il, lajn yilx 'icha sat 'anma'. Jun yoxil, lajn yilx 'icha sat no león, ax jun schan̈il, lajn yilx 'icha sat no salt'iw.

Ez 10:21

A eb' querubín cha, chan̈chn̈ sat eb', chan̈chn̈ pax sc'axl eb', ax 'a yaln̈ sc'axl eb' chi 'ay 'elt sc'ab', lajn yilx 'icha sc'ab' 'anma'.

Dn 7:4

A jun no xb'ab'l q'ueta, lajn yilx 'icha no león, palta 'ay sc'axl 'icha no salt'iw. Ya' sb'a wanto wiln cha, ax xwilni 'ix to'x 'el jun tzo'n̈ sc'axl cha, xlajw cha, x'ijx chan̈ lin̈n 'a sat lu'um. 'Icha 'anma x'aj chan̈ lin̈an. 'Ix jelmj snab'en, 'icha xo snab'en 'anma x'ajcni.

Abdías 1:4

An Jehová in, an tzwala: Wach'xam tzex 'at jen̈noc 'a chan̈ 'icha no salt'iw tzb'o so 'a caw cha'an̈, mto at 'a scal jun tzo'n̈ c'anal tz'at e b'o eyet'ul, palta 'oj ex wic' 'emt ta'.

Nm 23:24

A jun chon̈b' tic, caw wal tzyij chan̈ sb'a 'icha junc no león caw 'ay smay, matz 'ilj xon jab'oc, masnto tzyil yi'n schib'j cha, tzle'n 'ejm can schic'l tas tzmil cha, xchi Balaam.

Nm 24:9

Lajn 'icha junc no león pun̈n 'ejm swayi: Toc 'ay mach tztac' stzuntzni. Alx cab' wach' paxti 'a yib'n̈ mach tzaln wach' paxti 'a eb' israel, ax mach tzaln tu paxti 'a yib'n̈ eb', catb'tzax cab' cani, xchi Balaam.

1 Co 14:20

Ex wu'tac, ex wanab', man̈ 'icha'oc eb' 'unin, man̈ 'ichcta tzeyutj e b'a e nan jun tzo'n̈ tic. Ax e b'eyb'al, comnoc 'icha eb' cotc 'unin, may 'aj tzb'o eb' maysch'olnil, 'ichcta tzeyutj e b'a. Ax e nab'en, caw te'n tzeyutej, yujto man̈ ex 'unnoc.

Dt 28:49

A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.

Apoc 4:6

'Ay pax junx tas 'a yojltac, caw yaxt'ujnac yilx 'icha junc a mar, lajn yilx 'icha cristal. Ax 'a snan̈l jun despacho cha, yet' 'a stz'ey, ata 'ay chan̈wn̈ querubín, nab'a yol sat sb'a eb' 'a yojltac yet' spatc eb'.

Apoc 6:3

Ax jun tzcuch Calnelu, a yic 'ix sn̈i'chtan jun schab'l seyo, 'ix wab'n yaln junx schab'l querubín chi 'ixtic: Cotan̈, xchi.

Apoc 6:5

A jun tzcuch Calnelu cha, a yic 'ix sn̈i'chtan jun yoxl seyo, 'ix wab'n yaln junx yoxl querubín chi 'ixtic: Cotan̈, xchi. Ax xwilni, 'ayc' junx chej caw q'uic'. A jun 'ay q'ue 'a yib'an̈, yamb'il jun libra yu'uj.

Apoc 6:7

A jun tzcuch Calnelu cha, a yic 'ix sn̈i'chtan jun schan̈l seyo, 'ix wab'n yaln junx schan̈l querubín 'ixtic: Cotan̈, xchi.