Apoc 4:6 - Chuj San Sebastian Bible

⁶ 'Ay pax junx tas 'a yojltac, caw yaxt'ujnac yilx 'icha junc a mar, lajn yilx 'icha cristal. Ax 'a snan̈l jun despacho cha, yet' 'a stz'ey, ata 'ay chan̈wn̈ querubín, nab'a yol sat sb'a eb' 'a yojltac yet' spatc eb'.

Chuj San Mateo Bible

⁶ Aypaxec' junxo tas d'a yichan̈, yaxd'ujinac icha junoc n̈ajab', ma icha q'uen nen. Axo d'a snan̈al jun despacho chi' yed' d'a stz'ey, ay chan̈van̈ querubín, ayn̈ej yol sat eb' d'a spatic yichan̈.

Apoc 4:6 Iomraidhean Croise

A Ch'an̈ B'ab'el Libro Yic Yab'ixal Eb' Rey 7:23

An̈jtona', sb'on pax win Hiram chi jun niwquil pila nab'a bronce yic a'. Setn xoj x'aji, nan̈l yol metro x'aj yojol, 'ix cot 'a jun pac' sti' masnto 'ix c'och 'a jun pac' xo. Ax pax ste'il, chab' metro yet' 25 centímetro x'aji, nan̈l schan̈lajn̈il metro x'aj spatic.

Job 28:17

A jun cha, yel xo wal 'ec'b'al swach'l 'a q'uen oro mto 'a q'uen cristal; matz tac' pax sjelx yet' q'uen oro b'ob'il xo.

Ex 38:8

A q'uen nen nab'a bronce tzc'anlb'ej eb' 'ix 'ix 'aych yac' servil 'a yol sti Mantiado 'a 'aj tzchaj sb'a Jehová yet' eb' 'anma', a yet' q'uen xyac' Bezaleel b'o jun niwquil palagan yet' sb'achnub'al yalan̈.

Ez 10:12

A sniwnal eb' querubín, yich spatquil eb', sc'ab' eb', sc'axl eb' yet' jun tzo'n̈ setet cha, nab'a yol sat sb'a.

Ez 10:14

A junjn eb' querubín cha, chan̈chn̈ sat junjn eb'. A jun sb'ab'l sat eb' cha, lajn yilx 'icha sat junc querube cha. Jun schab'il, lajn yilx 'icha sat 'anma'. Jun yoxil, lajn yilx 'icha sat no león, ax jun schan̈il, lajn yilx 'icha sat no salt'iw.

Apoc 14:3

'Ay eb' tzb'itnan jun 'ac' b'it 'a yojltac sdespacho Dios, yet' 'a yojltac eb' querubín schan̈wn̈il, yet' pax 'a yojltac eb' 24 'ichmtac winac. May junc mach tztac' sc'ay jun b'it chi yu'uj. Cojxn eb' 144 mil colchjnac 'el 'a scal eb' 'anma 'a yolyib'n̈q'uinal, cojxn eb' tztac' sb'itnani.

Apoc 15:2

'Ix wiln pax jun 'icha mar, lajn yilx 'icha nen caln yaj yet' c'ac'. Ax 'a stz'ey jun cha, 'ay jun tzo'n̈ eb' lin̈n 'eq'ui. Atn eb' x'a'n ganar 'a yib'n̈ jun noc' sb'i, yet' 'a jun yechel. 'Ix ya'n pax ganar eb' 'a yib'n̈ jun número yic sb'i jun noc' cha. Wan syucn eb' junjn yarpa xyac' Dios 'a 'a.

Apoc 15:7

'Ay jun 'a eb' querubín schan̈wn̈il, a 'ix 'a'n junjn vaso nab'a oro 'a junjn eb' ángel cha. A junjn svaso eb' cha, b'ut'n yet' yowl sc'ojl Dios. Atn Dios 'ayc' 'a jun 'ejmn̈ej.

Apoc 19:4

Ax eb' 24 'ichm winac, yet' eb' querubín schan̈wn̈il, 'ix 'em n̈ojn eb' 'a sat lu'um. 'Ix yaln sb'a eb' 'a Dios, atn 'a jun wocn 'ejm 'a sdespacho. 'Ix yaln eb' 'ixtic: ¡B'o cab' 'ixta'! ¡Alx cab' wach' paxti 'a Dios! xchi eb'.

Apoc 21:11

Caw tzictzni jun chon̈b' chi yuj sacq'uinlal Dios. Caw tzictzni 'icha junc q'uen caw chan̈ stojol, 'icha q'uen jaspe. Lajn yilx yet' junc cristal, tzc'axw 'ec' qui sat 'a spatic.

Apoc 21:18

A smuroal jun chon̈b' cha, jaspen̈ej smasnil. Ax jun chon̈b' cha, caw nab'a oro, lajn yilx yet' junc q'uen nen yaxt'ujnac.

Apoc 21:21

Ax smac slajchwil, lajchwe q'uen perla 'aych 'a 'a, yujto junn̈j perlail yaj jun jun. A scayeal jun chon̈b' cha, nab'a oro, 'icha junc nen tzc'axw 'ec' qui sat 'a spatic.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

Apoc 4:4

Ax 'a stz'ey jun despacho cha, ata oyn 'och 24 niwc xila. Ata wocn 'ejm 24 eb' 'ichmtac winac. Caw sac spichl eb'. Ax 'a sjolm junjn eb', ata 'ay q'ue junjn corona nab'a oro.

Apoc 5:11

Xlajwn̈ej cha, xwilni, til wal eb' ángel oyn 'och 'a jun despacho cha, yet' 'a eb' querubín, yet' 'a eb' 'ichm winc cha. 'Ix wab'n pax sjaj eb'. Man̈x jantcoc smil-l sb'isl eb', smiyon̈al xo sb'isl eb'.

Apoc 5:14

Ax eb' querubín schan̈wn̈il, 'ix yaln eb' 'ixtic: —B'o cab' 'ixta', xchi eb'. Ax eb' 24 'ichm winc cha, 'ix 'em cumn eb', 'ix yaln sb'a eb' ['a jun 'ayc' 'a jun 'ejmn̈ej.]

Apoc 5:6

Ax 'a snan̈l yojl jun despacho cha, 'a scal chan̈wn̈ querubín cha, yet' 'a scal eb' 'ichm winc cha, ata xwil jun tzcuch Calnelu. Lin̈n 'eq'ui, palta chequel to milb'il chamoc. Uque sch'a'ac, uque pax yol sat. A yol sat cha, atn ucwan̈ Yespíritu Dios checb'il 'at 'a smasnil yolyib'n̈q'uinal.

Apoc 5:8

Xlajw schan 'elt jun un̈ cha, ax eb' querubín schan̈wn̈il, yet' eb' 24 'ichm winac, 'ix 'em cumn eb' 'a yojltac jun tzcuch Calnelu cha. 'Ay yarpa junjn eb' 'ichm winc cha, yet' pax eb' junjn svaso nab'a oro, b'ut'n yet' jun tzo'n̈ incienso. A jun tzo'n̈ incienso cha, caw su'q'ui sjab', atn slesl eb' yic xo Dios.

Apoc 6:1

'Ix wilni, a jun tzcuch Calnelu, a 'ix n̈i'chtan jun b'ab'l seyo cha. Xlajwn̈ej cha, xwab'ni, a 'a chan̈wn̈ querubín cha, ata 'ay jun 'ix aln 'ixtic: Cotan̈, xchi. A yol sjaj, lajn 'icha sc'an̈ c'u.

Apoc 6:6

'Ix wab'n yoch jun 'aw 'a snan̈l eb' querubín schan̈wn̈il, xyaln 'ixtic: —Cojn chab' libra trigo 'a jun c'ul munljelal, mto waque libra cebada. Man̈ extc aceite yet' yal uva, xchi 'a 'a.

Apoc 7:11

Ax eb' ángel smasnil, lin̈n chan̈ eb'. Oyn 'och eb' 'a jun despacho cha, yet' 'a eb' 'ichmtac winac, yet' 'a chan̈wn̈ eb' querubín. 'Ix 'em n̈ojn eb' 'a sat lum 'a yojltac jun despacho cha. 'Ix yaln sb'a eb' 'a Dios.

Apoc 7:17

Yujto a jun tzcuch Calnelu, atn jun 'ayc' 'a spacl snan̈l jun despacho, a tz'iln eb' 'icha junc 'ilm calnelu. A tz'i'n 'at eb' 'a jun a a yic q'uinl 'ayc' 'a jun 'ejmn̈ej. Ax Dios, man̈x 'oj chanc 'oc' eb', xchi 'ayin.