Apoc 22:12 - Chuj San Sebastian Bible

¹² 'Ix yaln Jesucristo 'ixtic: 'Ab'ec, jab'xoj wal 'oj in c'ochxi. 'Oj wi't spac yic junjn mach 'oj wac'a', a tzyala tastc tzb'o jun jun.

Chuj San Mateo Bible

¹² Ix yalan Jesucristo: Ab'ec, toxo ol in jaxoc. Ved'nac spac yic junjun, ato syala' tas ix sc'ulej, xchi.

Apoc 22:12 Iomraidhean Croise

Job 34:11

A tz'a'n spac yic junjn mach, a tzyala tas tz'el sb'on junjn 'anma'; junjn mach 'oj scha spac smoj schani.

Salmos 28:4

B'eyc'ojlej eb', a tzyal tas tz'el sb'on eb'. A tzyal wal jantc smul eb', 'ixta tzotj a'n spac 'a eb'.

Is 40:10

A Jehová Dios caw wan sjaw yet' spoder, yuj ton wal spoder cha, tzyi'n 'ejm sb'a smasnil 'anma 'a 'a. 'Ay jun tas yet'i, atn tas xyij 'a smunljel.

Is 62:11

A Jehová, 'oj yac' alxoc 'ixtc 'a eb' 'anma 'ay 'a 'aj tzlajw c'och yolyib'n̈q'uinl tic: Alc 'ixtc 'a eb' 'aj Jerusalén: 'Iltec to wan sjaw jun e Colmal, yet' spac xyij yuj smunljel, 'oj xchic eb' 'a eb', xchi Dios.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Sofonías 1:14

Caw jab'xoj sjaw jun c'u yic 'oj ya'nc Jehová yowl sc'ojol. A jun c'u cha, caw wal niwn yel'chi, la'n xo yaji, yelc'ojlal sjawi. 'Ab'ec, a wal 'a yic jun c'ul cha, a eb' soldado to caw te'n cob' yip, 'oj 'oc' eb' yuj xiwc'ojlal.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Ro 14:12

Yuj cha, junjn on̈ec yowlal 'oj ca'c 'och qui cuenta 'a Dios.

1 Co 3:14

'Ay eb' wach' smunljel. 'Icha junc n̈a matz tz'a yuj c'ac', 'ixta smunljel eb' cha, yujto 'oj techjoc jun b'eyc'ojlal chi yu'uj. Atn eb' chi 'oj chanc spac smunljel.

1 Co 3:8

A eb' 'awum yet' eb' tz'a'n 'och yalil, lajnn̈ej yel'ch smunljel eb'. Palta 'oj scha eb' spac 'a Dios, a tzyala jantc smunljel junjn eb'.

Apoc 11:18

A jun tzo'n̈ nacion̈ xlaj cot yowal, caw xjaw sc'ul a'n syailal eb'. 'Ix jaw pax stiempoal a b'eyc'ojlan eb' chamnac. 'Oj ac' spac 'a junjn eb' tzach 'a'n servil, atn eb' a checab'. A eb' cha, ec xo yaj eb', tzch'oxn 'el eb', to caw niwn el'chi. Toxn̈ej eb' niwn yel'chi, toxn̈ej eb' may yel'chi, 'oj a'n̈j spac 'a eb'. An̈jtona', 'ix jaw pax stiempoal a'n lajwc 'el eb' tz'a'n lajwc yolyib'n̈q'uinal, xchi eb'.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

Apoc 20:12

Ax xwiln eb' chamnc smasnil, eb' niwn yel'chi, yet' eb' may yel'chi, lin̈n 'ec' eb' 'a yojltac Dios smasnil. Xlajw cha, xjacw jun tzo'n̈ ch'an̈ libro. 'Ay pax junx 'ix jacwi, atn jun libro yic q'uinl 'a jun 'ejmn̈ej. 'Ix b'eyc'ojlax eb' yuj tastc sb'ojnac jun jun. A tzyala, tastc tz'ib'b'il 'a jun tzo'n̈ libro cha.

Apoc 22:20

A jun xaln jun tzo'n̈ tic, a tzaln pax 'ixtic: —Wal yel, jab'xoj wal 'oj in c'ochxi, xchi. B'o cab' 'ixta'. ¡Cotn̈ ach Cajlil Jesús!

Apoc 22:7

—Jab'xoj wal 'oj in c'ochxi, xchi Jesucristo. Caw wach' yic eb' tzyiclni tas tzyal jun libro tic, yujto an̈j Dios 'ay yico'.

Apoc 3:11

Jab'xoj 'oj in c'ochxi. Yuj cha, an̈ja wach' tzeyutj e b'eyb'al 'icha ex xoni, sec may mach 'oj stac' yi'nc 'ec' spac eyico'.