Apoc 21:7 - Chuj San Sebastian Bible

⁷ A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.

Chuj San Mateo Bible

⁷ A eb' tz'ac'an techajoc, ol scha masanil juntzan̈ tic eb' d'ayin. Yujto a in tic, sDiosal in eb'. Axo eb', vuninal yaj eb'.

Apoc 21:7 Iomraidhean Croise

Gn 17:8

'Oj wac' smasnil lum Canaán tic 'ayach, yet' 'a eb' en̈tl 'a jun 'ejmn̈ej, ax woch sDiosalc eb', xchi Dios 'a Abraham cha.

A Ch'an̈ Schab'l Libro Samuel 7:14

An 'oj woch mamb'il-l 'a 'a, ax 'oj 'och 'unnab'ilal 'ayin. Toto 'ay 'aj 'oj 'och smul, 'oj wa'ch syailal, 'icha tzyac' junc mamb'il tz'a'n 'och tz'um 'a junc yunnal,

Salmos 89:26

'Oj yal 'ayn 'ixtic: In Mam ach, in Diosal ach, in Colmal aji. A 'aych tzin col in b'a, 'oj schioc.

Pr 3:35

A eb' tzb'eylb'an jelnal, caw 'oj 'ijxoc chan̈ eb', ax eb' matz b'on wach' nab'enal, 'oj q'uixwc can 'el eb'.

Is 65:9

'Oj wactc can jaywn̈ocx eb' yin̈tl Jacob, sec wach' 'ay eb' 'anma cajn 'a eb' lum jolmctac witz 'a yol yic Judá. A eb' sic'b'il 'el wu'uj, 'oj can cajn eb' 'a lum lum tzwac' yico'oc cha, 'oj can cajn eb' in checb' chi ta'.

Zacarías 8:8

Ax wi'n cot eb' 'a Jerusalén tic yic tzcajn pax eb' jun 'ejm xo. 'Oj 'och eb' in chon̈b'oc, an xo 'oj wochx sDiosalc eb'. 'Oj wac' yajlil 'a yib'n̈ eb' 'a stojlal, 'icha yaj waln cani, xchi Dios.

Mt 19:29

Tzann̈j mach tzyactj can yatut wu'uj, mto yu'tac, yanab', mto smam snun, mto yunnal, mto slum tzyactj can wu'uj, a jun cha, caw niwn spac 'oj scha'. Ax schan pax sq'uinl 'a jun 'ejmn̈ej.

Mt 25:21

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Mr 10:17

Ax yic wan s'atx Jesús 'a yol b'e, 'ay jun winc 'ix sc'ol yip scot 'a 'a, 'ix 'em cumn win 'a yojltac sjawi, 'ix yal win 'ixtic 'a 'a: —Ach in wach' Cuymal, tzin c'anb'j 'ayach, ¿tas 'oj in b'o' sec 'oj in cha in q'uinl 'a jun 'ejmn̈ej? xchi win 'a 'a.

Ro 8:14

Jantcn̈ej mach tzb'eylb'an 'icha tzch'ox Yespíritu Dios, atn eb' yel yunnal Dios cha.

Ro 8:19

Smasnil jun tzo'n̈ tastc 'ay 'a yolyib'n̈q'uinl tic, caw tztan̈wj eb', tzmaclni eb' b'a'n̈ 'oj qui checlj 'el an̈ yunnaln̈ec xo Dios tic.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

2 Co 6:18

'Oj woch e Mamoc. Ax eyoch wunnaloc, wisloc, xchi Cajlilec, atn jun tzta'n̈j yuj smasnil.

A Ch'an̈ Carta D'a Eb' Hebreo 8:10

A 'a yic 'oj lajwc jun tiempoal cha, 'ayt junx in trato 'oj wac' 'a eb' yin̈tl Israel. 'Ixtc 'oj wutoc: 'Oj wa'ch jun tzo'n̈ in checnb'il chi 'a snab'en eb'. 'Icha to 'oj in tz'ib'c can 'a spixn eb'. An 'oj woch sDiosalc eb', ax yoch pax eb' in chon̈b'oc.

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.

Apoc 2:11

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, caw man̈x 'oj yab' eb' syal junx schab'l chamel, xchi.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Apoc 2:25

Cojxn jun tic tzwalb'ti. Caw an̈ja wach'n̈j tzeyutj e b'eyb'al, masnto 'oj in c'ochxi.

Apoc 2:7

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.

A Ch'an̈ B'ab'el Libro Samuel 2:8

Ach tzej chan̈ eb' meb'a', tze'n pax chan̈ eb' c'anm limosna, sec tz'och yopiso eb' yet' eb' niwc winac. Yujto Jehová ach, ach 'ay ec jun tzo'n̈ sb'achnub'al yich lum lum tic, ach 'ix a b'achcn q'ue jun yolyib'n̈q'uinl tic 'a yib'an̈.