Apoc 20:9 - Chuj San Sebastian Bible

⁹ A yic 'oj 'at eb' yac' owal, caw 'oj macchjoc 'el sat yolyib'n̈q'uinl yuj eb'. 'Oj c'och oynjoc eb' 'a jun slugar eb' yic xo Dios macb'ilx yu'uj, atn jun chon̈b' chamc'ojlb'ilx yu'uj. Ax Dios 'oj 'anc 'emt c'ac' 'a satcha'an̈, ax yejm 'a yib'n̈ eb' soldado cha. C'uxn 'oj tz'a eb' smasnil.

Chuj San Mateo Bible

⁹ Ayic ol b'at eb' yac' oval chi', ol macchajel sat lum luum yuj eb'. Ol c'och oyan eb' d'a jun slugar eb' yic Dios macb'ilxo yuuj, aton jun chon̈ab' te xajan yuj Dios. Axo d'a satchan̈ ol emta jun c'ac' d'a yib'an̈ eb' soldado chi'. Ol tz'ab'at eb' smasanil.

Apoc 20:9 Iomraidhean Croise

Gn 19:24

Ax 'a satcha'an̈, ata 'ix ya' cot Jehová c'ac' yet' azufre 'a yib'n̈ chon̈b' Sodoma yet' Gomorra.

A Ch'an̈ Schab'il Libro Yic Yab'ixal Eb' Rey 6:15

'Ix seb' q'ue wan win schecb' Eliseo 'a sq'uin̈b'ial, ax yic 'ix 'elta, 'ix yilni man̈x jantcoc soldado oyn 'och 'a spatquil jun chon̈b' cha, yet' chej yet' caruaje yic owal; yuj cha, 'ix 'at win 'at yal 'a Eliseo 'ixtic: —'Oltacn̈ mamin, ¿tas 'oj cutc qui b'a? xchi win checb' cha.

Job 38:18

¿Ojc ama jantc yechl slewnal sat lum lu'um? Toto yel niwn tas ojtac, al 'ayn cab'noc.

Salmos 106:18

'Ix 'a'n q'ue wan n̈ilnjoc jun c'ac' 'a scal eb', ax jun c'ac' chi xn̈usn eb' maysch'olnil snab'en cha.

Salmos 87:2

Yel xo wal tzchamc'ojlej Jehová chon̈b' Sión 'a yib'n̈ jun tzo'n̈ xo schon̈b' eb' yin̈tl Jacob.

Salmos 97:3

'Ay jun c'ac' b'ab'l s'at yu'uj, a tzn̈usn smasnil eb' 'ajc'ojol.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Ez 38:16

'Oj cob' ac' owl yet'oc, caw 'oj och oyn 'a in chon̈ab', 'icha tzyac' 'asn tz'och oyn 'a lum jolmctac witz. A 'a jun tiempoal cha, 'oj ach wi' cot 'a sat in lum cha, sec 'oj yil jun tzo'n̈ xo nacion̈ tas 'oj ach wutc ach in satn 'eli, ax yojcan 'el eb' to cojn in ton Dios in.

Ez 38:9

'Icha wal junc niwquil q'uic' 'asn 'aych yalil, 'aych pax yic'al, 'ixta wal 'oj aj a c'och 'a jun nacion̈ cha, ax oyn jun chon̈b' chi yet' eb' a soldado, yet' pax smasnil 'anma ajun et'oc.

Ez 39:6

'Oj wa' cot c'ac' 'a yib'n̈ a nacion̈, atn Magog yet' 'a yib'n̈ eb' chon̈b' tzaljc'ojlal yajc 'a sti a mar. 'Ixta 'oj 'aj yojcan 'el eb' chon̈b' cha, to an Jehová in, to cojn in ton Dios in.

Miqueas 2:13

An e Diosal in tic, 'oj in b'ab'lj eyu'uj, yuj in jacn e b'e, ax eyoch tza'n wu'uj. 'Oj eyelcn 'a sti 'el spuertail chon̈ab', 'ixta 'oj eyaj e colchjcan 'eli. An Jehová in, e Reyl in, an b'ab'l in eyu'uj, xchi Dios.

Habacuc 1:6

'Oj wi' cot eb' caldeo wul yac' owl eyet'oc. A jun tzo'n̈ 'anma cha, jun 'ejmn̈ej caw matz 'o'ch xon jac sc'ojl eb'. Cojn owl tznib'j eb', c'uxn tz'ec' yoymtoc eb' yolyib'n̈q'uinal yuj smacn 'ec' eb' lum lum to man̈ yico'oc.

Nm 11:1

'Ay jun c'ual, 'ix syamch eb' israel yaln tu paxti 'a Jehová, yuj yailal tzlaj 'ec' 'a yib'n̈ eb'. A wal yic xyab'n Jehová jun tzo'n̈ paxti cha, caw wal 'ix cot yowal. Yuj cha, 'ix ya'n cot jun c'ac' 'a scal eb', 'ix tz'a eb' 'ayc' 'a sti 'el camplamento cha.

Nm 16:35

An̈jtona', 'ix ya' cot Jehová jun c'ac' 'a yib'n̈ eb' 250 'ix c'och 'a yojltac Jehová yet' stz'ab'c'ac', jun tzo'n̈ 'ay 'ejm incienso 'a yojol.

Lc 17:29

Palta at yic yel win Lot 'a jun chon̈b' Sodoma cha, yemt wal jun c'ac' 'a satcha'an̈, yet' jun tzo'n̈ cotc q'uen caw xilxni stz'a'i. 'Icha wal yem n̈ab', 'ixta wal yemli. Yuj cha, c'uxn chamnc eb' yu'uj.

Lc 19:43

Yuj cha, 'ay wal jun tiempoal 'oj jawoc, ax eb' 'ajc'ojl yajch 'a jun chon̈b' tic, 'oj yoych eb' scol-lal. Ax yoch oyn eb' yac' owl yet'oc.

Lc 21:20

A yic 'oj eyila', caw oymntac yajch eb' soldado 'a smasnil stitc Jerusalén tic, nachj cab' 'el eyu'uj, to wal slajw 'el jun chon̈b' tic.

Lc 9:54

Ax chawn̈ eb' scuywum cha, atn Jacobo yet' Juan, yic xyiln eb' jun chi 'ixta', xwul yalnc eb' 'ixtc 'a Jesús: —Mamin, ¿tzam a nib'j tzqui c'an cot c'ac' 'a satchan̈ on̈, tz'ejm 'a yib'n̈ eb', sec tzlajw 'el eb'? [yujto 'ixta yutjnac sb'a win Elías 'a pecti',] xchi eb' 'a 'a.

Dt 23:14

Yujto a Jehová qui Diosalec ajun eyet'oc, 'ayc' eyet' 'a e camplamento. A tzex tan̈wni, tzcolwj pax eyet'oc yic tzeya'n ganar eb' 'ajc'ojl yajch 'ayex. Yuj cha, a jun e camplamento cha, yowlal cab' sac yaji, sec may cab' tas tu yilx tzyil Dios 'a 'a, to ma'ay, 'ay smay tzyij 'el sb'a 'a e cal.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

A Ch'an̈ Carta D'a Eb' Hebreo 13:13

Yuj cha, 'elcoyc 'a 'aj 'ijxnac 'el Jesús 'a sti 'el chon̈b' cha, tzyal 'el'chi, to tzchaj qui c'ojl qui patquilx can 'el 'icha 'ajnc spatquilx can 'el Jesús.

Apoc 11:5

Toto 'ay mach tznib'n 'ixtnoc eb' chawn̈ cha, 'oj 'eltoc c'ac' 'a sti eb'. Ax eb' 'ajc'ojl 'oj 'ajch 'a eb' cha, 'oj tz'a eb' yuj 'a jun 'ejmn̈ej. 'Ixta 'oj 'aj scham jantcn̈ej eb' tznib'n 'ixtnoc eb'.

Apoc 13:13

'Ay jun tzo'n̈ milagro sch'oxo, caw niwn yel'chi. Xyij wal cot c'ac' 'a satcha'an̈, x'em 'a sat lum yil eb' 'anma'.