Apoc 2:9 - Chuj San Sebastian Bible

⁹ [Wojtac, jantcn̈ej tas tze b'o'o.] Wojtac, caw tzeyab' syal wu'uj. Caw meb'a 'ex, palta wal yel rico ex 'a sat Dios. Wojc paxi, chajtl tzex 'aj e b'uchx yuj eb' tzyalch sb'a israelal. Palta a eb' cha, atn win Satanás wan ya'n servil eb'.

Chuj San Mateo Bible

⁹ Vojtac jantac syaelal sjavi d'a eyib'an̈. Te meb'a' ex, palta val yel te b'eyum ex. Vojtac paxi chajtil tz'aj e b'uchji yuj eb' syaloch sb'a israelal, palta a smolanil eb' chi' yic vin̈ Satanás yaji.

Apoc 2:9 Iomraidhean Croise

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.

Lc 12:21

'Icha jun winc cha, 'ixta 'oj 'aj eb' wan smolb'tzan sricoal 'a mun yol yico', toto may pax tas wan smolb'tzan eb' 'a yic Dios, xchi Jesús 'a eb'.

Lc 22:65

Man̈ jantcoc tas xyal ewinac, sb'uchn ewinac.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Lc 6:20

Ax Jesús, 'ix 'ec' q'uel-loc 'a eb' scuywum, 'ix yaln 'a eb' 'ixtic: —Ax meb'a ex, caw wach' eyico', yujto 'ayx 'och 'a yol sc'ab' Dios.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

A Tas Sc'ulejnac Eb' Schecab' Jesús Hechos 26:11

Til wal 'ejm cob' wa'jnac 'och syailal eb', sec man̈xtzac ya'ch eb' sc'ojl 'a Jesús. 'Ixta 'ec' wutjnac in b'a 'a junjn scapiya eb' wit israelal, caw niwn in chichnc'ojlal 'a eb'. Xit'nc in 'a jun tzo'n̈ chon̈b' 'a najat, xit' wa'nc 'och syailal eb'.

Ro 12:12

'Ay cab' qui tzaljc'ojlalec 'a smasnil tiempo, yujto tzca'c 'och Dios yipc qui c'ojol. Caw te'n tzcutjec qui b'a cab'n syail. May cab' b'a'n̈ tzcactjec qui leslwi 'a Dios.

Ro 2:17

Palta 'ayx tzeyalch wal e b'a israelal si'mb'il, cojxn ley yic Moisés tzeya'ch wal yipc e c'ojol, caw tzeyij chan̈ e b'a, yujto schon̈b' ex Dios.

Ro 5:3

Man̈ yujocn̈ej cha, tzon̈ tzaljec, tzon̈ tzaljec paxi, yic tzcab'nec syal yu'uj. Yujto cojquec to a jun tzo'n̈ yailal cha, a tzwach' 'a'n qui te'nalec.

Ro 8:35

May junc tas tzch'oxni, to tzyij 'el Cristo schamc'ojlal 'ayn̈ec. Wach'xam yailal, wach'xam junc niwn cusc'ojlal, mto junc mach tz'a'n 'och junc tas 'a quib'n̈ec, toxn̈ej tz'och qui wejlec, toxn̈ej may qui pichul, toxn̈ej tzjaw junc tas 'ay smay, wach'xam tzon̈ milxec chamoc, toxn matz yij 'el Cristo schamc'ojlal 'ayn̈ec.

Ro 9:6

Wach'xam matz colchj eb' wit israelal smasnil, palta matz tac' calnec, to ma'ix 'el'ch jun tzo'n̈ tas 'aj ya'jnac can Dios sti 'a eb'. Yujto a eb' yin̈tl Israel cha, man̈ smasnilc eb' yel israel 'a sat Dios.

2 Co 6:10

Wach'xam tz'ajx qui cusc'ojlal on̈, palta smasnil tiempo tzon̈ tzalj on̈. Wach'xam caw meb'a on̈ on̈, palta til wal eb' tz'och ricoal 'a sat Dios cuj on̈. Wach'xam may xon jac tas 'ayn̈ on̈, palta a 'a sat Dios, 'ay smasnil tas 'ayn̈ on̈.

2 Co 8:2

Wach'xam caw x'ajx prowal eb' yuj screyenteal, palta caw tzaljn̈ej eb'. Wach'xam caw meb'a eb' si'mb'il, palta 'ela eb', 'icha to caw rico eb' tzquila.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

1 Ts 3:4

A yic quec' 'ayx ta 'on̈, caln can 'ayx on̈, to yowlal tzcab'c syail. Eyojtac, 'ix 'el'ch 'icha wal yaj caln can 'ayx on̈.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

1 Ti 6:18

Yowlal wach' tzyutj eb' sb'eyb'al, til wal jun tzo'n̈ tas wach' tzb'o eb'. Yowlal tzcolwj eb' 'a eb' meb'a', tzsiyn eb' tastc 'ay 'a 'a.

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

Apoc 2:13

[Wojtac, jantcn̈ej tas tze b'o'o.] Wojtac, to 'ayx 'ec' 'a jun chon̈b' 'aj tzyac' Satanás yajlil, palta an̈ja yiclum ex 'ayin. A Antipas, caw yel ya'jnac testigoal sb'a wu'uj. 'Ix milx cham 'a e cal, 'a 'aj 'ayc' Satanás cha, palta an̈ja ma'ix eyactj can eya'n 'och e c'ojl 'ayin.

Apoc 2:2

Wojtac, jantcn̈ej tas tze b'o'o. Wojtac, caw yelc'ojlal tzex munlji, caw niwn tzeyutj e c'ojol. Ax eb' maysch'olnil, caw matz e chaj 'och eb' 'a e cal. Wojc paxi, xlaj eya'lj prowal eb' tzcob' yalch sb'a in checb'oc. 'Ix 'ilchj 'el eb' eyu'uj, chajtlto yes eb'.

Apoc 2:24

Palta 'ayx pax 'a Tiatira cha, ma'ix eya'ch e nab'en 'a scuynb'il jun 'ix chi yet' eb'. Tzyal eb' 'ixtic: Atn jun tzo'n̈ cuynb'il yic Satanás ya snachji, ata 'aych qui nab'en, xchi eb'. Palta ax xo, ma'ix eya'ch e b'a yet' eb', may junc xo checnb'il tzwalb't 'ayex.

Apoc 3:9

Yuj cha, a eb' tz'a'n servil win Satanás, atn eb' tzyalch sb'a israelal, 'oj wa't eb' 'ayex. Ax yem cumn eb' 'a eyojltac. 'Ixta 'oj wutc eb', sec 'oj nachjc 'el yuj eb', chajtlto chamc'ojlb'ilx wu'uj.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.