Apoc 2:7 - Chuj San Sebastian Bible

⁷ Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.

Chuj San Mateo Bible

⁷ Masanil mach tz'ab'ani, yac'ocab'och schiquin d'a tas syal Espíritu d'a junjun iglesia. A eb' ol ac'an techajoc, ol vac' sat jun te te' yic q'uinal d'a juneln̈ej slo eb'. A jun te te' chi', a d'a svach'ilal Dios ayec' te', xchi Jesús d'ayin.

Apoc 2:7 Iomraidhean Croise

Gn 2:9

'Ix ya'n Jehová q'uib' smasnil te te caw wach' yilx tzyac' sat, te wach' slox sat. Ax 'a scal jun tzo'n̈ xo te 'awb'ente cha, ata 'ay jun te te tz'a'n q'uinal, yet' jun te tz'a'n nachjoc 'el 'aj 'ay tas wach' yet' tas tu'.

Pr 11:30

A tas tzb'o eb' tojl sb'eyb'al, a chi tz'a'n sq'uinl eb'; a eb' jelan, caw wal tzmontchj eb' 'anma yuj eb'.

Pr 13:12

Toto matz 'el'ch tas tzca'c 'och yipc qui c'ojol, caw tzjaw qui cusc'ojlalec; ax toto tz'el'ch tas tzqui nib'jec, caw wal tzon̈ tzaljec.

Pr 15:4

A paxti wach', tzyac' sniwnal qui c'ojlec, 'icha to tzon̈ ya'c pitzwoc; ax paxti maysch'olnil, tzon̈ yixtjec 'eli, caw wal tzyab' qui pixnec syal yu'uj.

Pr 3:18

Toto tzqui b'eylb'ej jelnal, caw wal 'ay qui q'uinl yu'uj, caw tzaljc'ojlal quico', toto tzqui molcn jun jelnal chi 'a qui nab'en.

Ez 28:13

A 'a scal te 'awb'ente 'a Edén, ata 'e'nc ach cajan, ax jun tzo'n̈ q'uen wach' yilxi, a eb' 'aych yelwnub'loc a pichul, atn eb' q'uen tic: Q'uen rubí, q'uen crisólito, q'uen jade, q'uen topacio, q'uen cornalina, q'uen jaspe, q'uen zafiro, q'uen granate yet' q'uen esmeralda. Ax tas yamjnac jun tzo'n̈ q'uen cha, nab'a oro. A jun tzo'n̈ tic lista xon yaj eb' yictax ach in b'on cani.

Ez 31:8

May junc te c'ute 'a scal yawb'ente Dios tztac' slajb'tzan sb'a yet'oc; may junc te taj lajn tz'aj sc'ab' yet' sc'ab' cha, may pax junc te castaño lajn xil yet'oc, may xon wal junc te te chi lajn swach'l yilx 'icha jun te cha.

Mt 11:15

A jun tzo'n̈ tzeyab' tic, nac wal si'mb'il.

Mt 13:43

Ax eb' tojl sb'eyb'al, 'icha wal yilx c'u, 'ixta 'oj 'aj yilx eb' 'a yol sc'ab' qui Mam Dios. A wal jun tzo'n̈ tzeyab' tic, nac wal si'mb'il.

Mt 13:9

A jun tzo'n̈ tzeyab' tic, nac wal si'mb'il, xchi 'a eb'.

Mr 4:9

A jun tzo'n̈ tzeyab' tic, nac wal yuj si'mb'il, xchi 'a eb'.

Mr 7:15

A jun tzo'n̈ tas tz'och 'a qui ti', matz tac' tzon̈ juwc 'el yuj 'a sat Dios, palta a jun tzo'n̈ tas tzcot 'a qui nab'enec, a tzon̈ 'a'n juwc 'eli.

Mr 7:16

A jun tzo'n̈ tzeyab' tic, nac wal yuj si'mb'il, xchi 'a eb'.

Lc 23:43

Yuj cha, xyaln Jesús chi 'ixtc 'a winac: —Wal yel tzwal 'ayach, 'a yic jun c'u tic, 'oj a c'och wet' 'a jun paraíso sb'i, schi 'a winac.

Lc 8:8

Palta 'ay jun tzo'n̈ x'emcn 'a 'aj caw 'ay syaxil lu'um. Ax yic 'ix q'uib' jun tzo'n̈ cha, 'ix satni. 'Ay jun tzo'n̈ xyac' sat 'a jun ciente, xchi Jesús 'a eb'. Xlajw yaln Jesús jun tzo'n̈ cha, caw 'ip 'ix yal junx tic 'a eb' 'ixtic: A jun tzo'n̈ tzeyab' tic, nac wal si'mb'il, xchi.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

1 Co 2:10

Palta a Dios tz'a'n cojcoquec 'el jun tic yuj Yespíritu. Yujto a Yespíritu tic, tzyojquej 'el smasnil tas. 'Ay jun tzo'n̈ tas yic Dios yaji, matz nachj 'el yuj eb' 'anma', palta ax Yespíritu yojtac.

2 Co 12:4

to 'ijxnac 'at 'a jun lugar paraíso sb'i. Ata yab'jnac jun tzo'n̈ paxti may mach 'ojtnac, caw matz chax xon yal junc 'anma'.

1 Jn 2:13

Ax xo 'ichm creyente ex, tzin tz'ib'j 'at pax 'ayex, yujto eyojc xo jun 'ayc' xoni, yictax mantzac b'o yolyib'n̈q'uinl tic. Ax xo te'n exx 'a e creyenteal, tzin tz'ib'n 'at pax 'ayex, yujto xcan win diablo 'a yaln̈ eyu'uj. An̈jtona ex 'ac' creyente, eyojc xo qui Mam Dios. Yuj cha, tzin tz'ib'n 'at 'ayex.

Apoc 13:9

Jantcn̈ej eb' tz'ab'n jun tzo'n̈ tic, ya' cab' 'och eb' schicn 'a tas tzalx 'ixtic:

Apoc 14:13

Xlajw cha, xwab'n yoch jun paxti 'a satcha'an̈, 'ix yaln 'ixtc 'ayin: —Tz'ib'j junx 'oj wal tic: A ticnec, caw wach' yic eb' an̈ja 'aych 'a yol sc'ab' sYajlil yic tzchami, xchi jun paxti cha. Xyaln Yespíritu Dios 'ixtic: Caw yel yujto 'oj 'iljc eb' 'a smunljel. Ax jun ch'an̈ un̈ 'aj tz'ib'b'il can tastc wach' tzb'o eb', 'oj c'och yet' eb' 'a satcha'an̈, xchi.

Apoc 15:2

'Ix wiln pax jun 'icha mar, lajn yilx 'icha nen caln yaj yet' c'ac'. Ax 'a stz'ey jun cha, 'ay jun tzo'n̈ eb' lin̈n 'eq'ui. Atn eb' x'a'n ganar 'a yib'n̈ jun noc' sb'i, yet' 'a jun yechel. 'Ix ya'n pax ganar eb' 'a yib'n̈ jun número yic sb'i jun noc' cha. Wan syucn eb' junjn yarpa xyac' Dios 'a 'a.

Apoc 2:11

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, caw man̈x 'oj yab' eb' syal junx schab'l chamel, xchi.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Apoc 21:7

A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.

Apoc 22:14

A eb' tz'ijx 'el smul, 'icha to tzju'l eb' spichul. Caw wach' yic eb', yujto 'ay yaln eb' yic slon sat te te tz'a'n qui q'uinlec 'a jun 'ejmn̈ej. 'Oj stac' yoch eb' 'a smac jun chon̈b' cha.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

Apoc 22:2

A 'a snan̈l jun scayeal jun chon̈b' chi tz'at a'. Ax 'a junjn stitc a', ata 'ay te te tz'a'n qui q'uinlec 'a jun 'ejmn̈ej. A te te cha, lajchw 'ejm tzsatn 'a junjn ab'il. Junjn 'uj tzsatni. Ax xil te', a tz'a'n b'oxc sc'ojl eb' 'anma 'a junjn nacion̈.