Apoc 2:18 - Chuj San Sebastian Bible

¹⁸ 'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Tiatira: A Yunnal Dios, 'icha snich c'ac', 'ixta yol sat. Ax yoc, lajn yet' q'uen bronce caw tzictzni yilxi. A tzaln 'ayx 'ixtic:

Chuj San Mateo Bible

¹⁸ Ix yalanxi Jesús d'ayin: Icha tic tzutej a tz'ib'anb'at d'a in checab' ayec' d'a scal eb' creyente d'a chon̈ab' Tiatira: A Yuninal Dios icha c'ac' yol sat, axo yoc toxon̈ej sveei icha q'uen bronce, a tz'alan jun tic d'ayex:

Apoc 2:18 Iomraidhean Croise

Salmos 2:7

Ax Yunnal Dios a tzaln 'ixtic: 'Oj walcn 'el tas sna Jehová, yujto xyalcn 'ixtc 'ayin: A 'a jun c'u tic, 'ix wac' checljoc 'eli to Wunnal ach.

Dn 10:6

A sniwnal, caw tzictzni yilx 'icha q'uen topacio, ax sat caw tz'etzw 'icha letz'lo'om. A yol sat, caw tzxexni 'icha junc cantil tzn̈ilchj sc'aq'uil. A sc'ab' yet' yoc, caw tzictzni 'icha q'uen bronce caw n̈el-li yaj sb'o'i, ax sjaj caw tzn̈il-li 'icha sjaj nan̈loc 'anma'.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Mt 27:54

Ax ewin soldado tztan̈wni cha, yet' win syajlil ewinac, 'ix yab' ewin yec' jun quixcab' cha. 'Ix yiln pax ewin jun tzo'n̈ xo tas 'ix uji, yuj cha, caw xiw ewinac, 'ix yaln ewin 'ixtic: A jun win xcham tic, caw yel yunnal Dios, xchi ewinac.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

Lc 1:35

—A spoder Yespíritu Dios, atn jun yel xo niwn yel'ch cha, a 'oj 'emlc 'a eb'n̈ 'icha sjaw junc 'asun. Yuj cha, a jun 'unn 'oj 'aljoc cha, yicn̈ej Dios 'oj 'ajoc. 'Oj alxc yu'uj, chajtlto Yunnal Dios.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 1:49

—Ach in Cuymal, yel Yunnal ach Dios. Sreyl ach eb' quit israelal, xchi.

Jn 10:36

An xo tic, a Dios si'jnacn 'eli, schecn in cot 'a yolyib'n̈q'uinl tic. Yuj cha, ¿tas yuj tzeyala to tzin b'uchwj 'a Dios, yic tzwalni to Yunnaln Dios cha?

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

Jn 3:18

A eb' tzin 'a'n 'och 'a sc'ojol, man̈x 'oj 'at eb' 'a yailal. Palta ax eb' matz in 'a'n 'och 'a sc'ojol, 'oj 'ochn̈j yailal 'a yib'n̈ eb'. Yujto cojxn in ton Yunnal Dios in, palta matz in ya'ch eb' 'a sc'ojol.

Jn 5:25

Wal yel tzwal 'ayex, a ticnec, tox 'ix jaw stiempoal yab'n eb' chamnc in jaj an Yunnaln Dios tic. A eb' tzyiclni, atn eb' 'oj scha sq'uinal.

A Tas Sc'ulejnac Eb' Schecab' Jesús Hechos 16:14

Ata 'ay jun 'ix Lidia sb'i, 'aj chon̈b' Tiatira. A 'ix tzchon̈n jun tzo'n̈ q'ui'mucnac nip. Caw 'aych snab'en 'ix 'a Dios. Yic wan yab'xni 'ix, ax Cajlilec, a 'ix 'a'n nachjc 'el yuj 'ix, yuj cha, caw xya'ch 'ix snab'en 'a tas 'ix yal Pablo cha.

A Tas Sc'ulejnac Eb' Schecab' Jesús Hechos 8:36

Yic wan s'at eb' 'a yol b'e, 'ix c'och eb' 'a jun a a'. 'Ix yaln win 'aj Etiopía chi 'a Felipe 'ixtic: —Yaj jun a 'a tic. ¿Mamtzac stac' tzin a'cn bautisar ticnec? xchi winac.

Ro 1:4

Ax Yespíritu Dios, a ch'oxni to yel Yunnal Dios, to caw 'ay spoder, yujto 'ix 'ajx pitzwc 'a scal eb' chamnac.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

Apoc 1:11

'Ix yaln 'ayn 'ixtic: [—An ton tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in.] A tas wan elni, tza tz'ib'j can 'a junc libro. Tza'n 'at 'a eb' creyente 'a uque iglesia ['a yol yic Asia,] atn 'a Éfeso, 'a Esmirna, 'a Pérgamo, 'a Tiatira, 'a Sardis, 'a Filadelfia yet' 'a Laodicea, xchi 'ayin.

Apoc 2:1

'Ix yaln pax Jesús 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Éfeso: A jun 'ay uque c'anal 'a yol swach' c'ab', atn jun tzb'eyc' 'a snan̈l uque yet'l cantil nab'a oro, a tzaln 'ayx 'ixtic:

Apoc 2:24

Palta 'ayx pax 'a Tiatira cha, ma'ix eya'ch e nab'en 'a scuynb'il jun 'ix chi yet' eb'. Tzyal eb' 'ixtic: Atn jun tzo'n̈ cuynb'il yic Satanás ya snachji, ata 'aych qui nab'en, xchi eb'. Palta ax xo, ma'ix eya'ch e b'a yet' eb', may junc xo checnb'il tzwalb't 'ayex.