Apoc 2:14 - Chuj San Sebastian Bible

¹⁴ Palta 'ayt wal jun tzo'n̈ e paltail tzwila. Yujto 'ayx tzeya'ch e nab'en 'a scuynb'il can win Balaam. A win 'a'jnac sc'ojloc win Balac, yic ya'n win juwc 'el eb' israel. Yuj win Balac cha, schin eb' jun tzo'n̈ xajmb'al tz'ajx 'a jun tzo'n̈ tzalx 'och diosal, sb'on pax eb' 'ajmulal.

Chuj San Mateo Bible

¹⁴ Palta ayto juntzan̈ e paltail svila', yujto ayex tzato eyac'och e chiquin d'a sc'ayb'ub'al vin̈aj Balaam. A vin̈ ac'jinac sc'ool vin̈aj Balac ayic yac'annac juvoquel eb' israel vin̈. Yuj vin̈aj Balac chi', schinac juntzan̈ noc' eb', juntzan̈ noc' tz'ac'ji d'a scomon diosal eb'. Emnac pax eb' ajmulal.

Apoc 2:14 Iomraidhean Croise

Is 57:14

'Oj 'ab'xoc yaln Dios 'ixtic: B'oc junc b'e, caw pan̈n tzeyutej, 'ijec 'el tas 'ay 'ejm 'a yol b'e cha, sec wach' 'oj 'ec' eb' in chon̈b' tic, xchi.

Jeremías 6:21

Yuj cha, xyaln Jehová 'ayn 'ixtic: 'Oj wac' 'ejm junc tas 'aj 'oj stench eb' chon̈b' tic yoc, sec 'oj telwc eb' yu'uj. Eb' mamb'il, eb' 'unnab'il, eb' cajn 'a stz'ey eb', yet' eb' swach'c'ojl eb', lajnn̈ej 'oj 'aj scham eb' smasnil, xchi.

Ez 3:20

An̈jtona', toto 'ay junc mach wach' xon sb'eyb'al, ax tz'aji tzjun 'el sb'eyb'al cha, an xo 'oj wa'ch syailal. Toto ach tic, ma'oj ac' sna sb'a yuj smul ax schami, a smasnil tas wach' xcob' sb'o 'a yaln̈tax cha, man̈x 'a yel'chi. Ax schamlil cha, eb'n̈ 'oj can wu'uj.

Ez 44:12

Yujto a 'a yic yalan̈, 'ix yac' servil eb' eyit israelal yic xya'n 'ejm sb'a eb' 'a yechl jun tzo'n̈ comn dios, 'ixta xyutj eb' ex sjucb'tzan 'a maysch'olnil. An Jehová in, an tzwala, to 'oj yab' eb' syal yuj smul cha.

Nm 24:14

Caw wal wach' toto tzin pax 'a in chon̈ab', palta yic mantzac in paxi, yowlal tzwalcn ab'i' tas 'oj 'aj a chon̈b' tic yuj jun chon̈b'al eb' 'anma chi b'aq'uin̈, xchi.

Nm 31:16

Atn eb' 'ix x'i'n 'at eb' quit chon̈b'ec 'a maysch'olnil, yuj tas 'ix yal Balaam. 'Ix 'och wal smul eb' 'a Jehová yic xya'n 'ejm sb'a eb' 'a comn dios tzcuch Baal 'aj Peor. Yuj wal cha, caw niwn eb' quit israelal smiljnac cham Jehová yet' jun yab'il.

Nm 31:8

'Ix smilcn eb' own̈ ewin sreyl eb' 'aj Madián cha, atn win rey Evi, Requem, Zur, Hur yet' Reba. 'Ix smiln can pax eb' Balaam win yunnal Beor.

Mt 18:7

'Oltac wal eb' 'anma yuj jun tzo'n̈ tas tz'a'n juwc 'el snab'en. Smasnil tiempo 'ay jun tzo'n̈ cha, palta a wal eb' tzc'anlb'ani, tzya'n eb' juwc 'el snab'en yit 'anma'il, caw wal 'oltac eb'.

A Tas Sc'ulejnac Eb' Schecab' Jesús Hechos 15:29

Man̈ e chi no chib'j tz'ajx xajmb'al-l 'a jun tzo'n̈ tzalx 'och diosal. Man̈ e chi schic'l junc tzann̈j noc'al. Man̈ e chi no noc' tzjalx tup yic' yujto 'ayt 'och schic'l no'. Man̈ e b'o 'ajmulal. Toto tzeyiclj jun tzo'n̈ tic, to 'ixta', caw wach' 'oj eyutc e b'a. Cojn jay b'eln̈ tic tzcal't 'ayx on̈, xchi eb' 'a ch'an̈ carta cha.

A Tas Sc'ulejnac Eb' Schecab' Jesús Hechos 21:25

A pax eb' man̈ israeloc 'ix ya'ch sc'ojl 'a Cristo, tz'ib'b'ilx 'at qui carta 'a eb' on̈, chajtlto man̈ yowlalc tzyiclj eb' jun tzo'n̈ tic. Cojn jun tzo'n̈ checnb'il tic xcalb't 'a eb' on̈. To matz chi eb' no chib'j tz'ajx xajmb'al-l 'a jun tzo'n̈ tzalx 'och diosal. Matz chi eb' schic'l no tzann̈j noc'al. Matz chi eb' no noc' tzjalx tup yic' yujto 'ayt 'och schic'l no'. Matz b'o eb' 'ajmulal. 'Ixta xcutj caln 'at 'a eb' on̈, xchi eb' anciano 'a Pablo cha.

Ro 11:9

An̈jtona yaljnac can pax David 'ixtic: A wal jun tzo'n̈ sq'uin̈ eb' tzlaj ya'chi, meltzj cab' 'och 'a eb' 'icha junc ch'an̈ ya'al, juw cab' 'el eb' yu'uj. Telw cab' eb' yuj jun tzo'n̈ sq'uin̈ cha. 'Och cab' yailal spacc 'a eb'.

Ro 14:13

Yuj cha, man̈xtzac stac' laj qui b'eyc'ojlanc qui b'a. Yel xo wach' a junx tic tzqui b'o'ec, to caw wach' tzcutjec qui b'eyb'al yil eb' quit creyenteal, sec wach' may junc eb' 'oj 'ixtxoc cujec, may junc eb' 'oj somchjc 'el snab'en 'a screyenteal.

Ro 14:21

Yuj cha, toto 'ay eb' tzsomchj 'el snab'en, yujto tzqui chic chib'ej, mto yuj tzcu'jec yal uva jawnc sti', mto yuj junc xo tas tzlaj qui b'o'ec, yel xo wach' tzcactjec can qui b'on jun tzo'n̈ cha.

Ro 9:32

¿Tas yuj 'ixta tz'ajcn eb' tze na'a? Tzcann̈j eb' 'ixta', yujto matz ya'ch eb' sc'ojl 'a Cristo. Snan eb' to tztac' yoch eb' wach'l 'a sat Dios, yuj jun tzo'n̈ tas mun tzb'o eb'. Yuj cha, 'icha junc q'uen 'aj tztench eb' yoc, 'ixta Cristo 'a sat eb'.

1 Co 1:23

Palta an̈ec xo tic, tzcalc 'el yab'xil Cristo, chajtlto xcham 'a spenc culus. A 'a sat eb' israel cha, may jac yopiso jun 'ab'x tic, ton̈j tzchichn 'och eb' 'a 'a. An̈jtona', yet' eb' man̈ israeloc, may jac yel'ch jun 'ab'x tic 'a sat eb'.

1 Co 7:2

Palta 'ay smay sb'on eb' 'ajmulal. Yuj cha, yel xo wach' tz'och yistl junjn eb'. Yet' pax eb' 'ix 'ix, yel xo wach' tz'och yichmil junjn eb'.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

Josué 24:9

Xlajw cha, ax Balac yunnal Zipor, sreyl eb' moabita, 'ix cot yac' owl eyet'oc. 'Ix 'at ya'nc 'awtxoc cot Balaam yunnal Beor, sec tzex scatb'ej can snani.

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.

A Schab'il Carta San Pedro 2:15

'Ix yactj can eb' jun tojl b'eyb'al, satcn 'at eb'. Yuj cha, a sb'eyb'al win Balaam 'a pecti', win yunnal Beor, a chi tzb'eylb'ej eb'. A win cha, ton̈j snib'jnac win yac' ganar stumn 'a spatc maysch'olnil.

San Judas 1:11

Caw 'oltac wal eb', yujto lajnn̈ej tzyutj eb' sb'eyb'al 'icha win Caín. Yujn̈ej tumin, tzchon̈n 'at sb'a eb', 'icha yutjnac sb'a win Balaam. 'Icha win Coré, milxnac chamoc, yujto cob' ya'jnac owl yet' Dios, 'ixta 'oj 'aj eb' smilx cham jun xo.

Apoc 2:20

Palta 'ay wal jab' in c'ojloc 'ayex. Yujto tze chaj 'och 'ix Jezabel 'a e cal. A jun 'ix cha, tzcob' yalch sb'a schecb'oc Dios, palta ton̈j tzyixtj paxti 'ix eb' tzin 'a'n servil. Yujto a tz'a'n sc'ojloc eb', sec tzb'o eb' 'ajmulal, tzchin pax eb' jun tzo'n̈ xajmb'al tz'ajx 'a jun tzo'n̈ tzalx 'och diosal.

Apoc 2:4

Palta 'ay wal jab' in c'ojloc 'ayex, yujto man̈x lajnoc e chamc'ojlal 'icha 'a yic b'ab'el.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.