Apoc 19:3 - Chuj San Sebastian Bible

³ Xlajw cha, xyaln pax eb' 'ixtic: ¡Calc wach' paxti 'a Dios! yujto man̈x 'a b'a'n̈ 'oj 'och wan sq'ue stab'l stz'a jun tzalx 'ixl cha, xchi eb'.

Chuj San Mateo Bible

³ Ix lajvi chi', ix laj yalanxi eb': Aleluya. Man̈xa b'aq'uin̈ ol lajvoc sq'ue stab'il jun ix ajmul ix chi' stz'ai, xchi eb'.

Apoc 19:3 Iomraidhean Croise

Gn 19:28

'Ix yilni to a 'a Sodoma, 'a Gomorra yet' 'a smasnil ya'lical jun lugar cha, wacqui sq'ue wan stab'il, 'icha sq'ue wan stab'l junc niwquil jorna.

Salmos 104:35

Sat cab' 'el eb' maysch'olnil snab'en 'a sat lum lum tic, yactc cab' eb' maysch'olnil tic scajn lu'um. 'A smasnil in c'ojol, caw 'oj wal wach' paxti 'aych Mamin Jehová. ¡Alx cab' wach' paxti 'a Jehová!

Is 34:10

Sc'ual yac'wlil sn̈ilchj sc'aq'uil, 'oj q'uen̈j wan stab'l 'a smasnil tiempo, 'oj 'actxoc can 'a jun 'ejmn̈ej; man̈x 'a b'a'n̈ 'ay junc mach 'oj 'ec' ta'.

San Judas 1:7

An̈jtona', tze nan cot tas 'ajnc eb' 'aj Sodoma yet' eb' 'aj Gomorra, yet' eb' 'a jun tzo'n̈ xo chon̈b' 'a sla'nil. 'Icha yutjnac sb'a eb' ángel cha, 'ixta yutjnac pax sb'a eb'. Caw ya'jnac 'at sb'a eb' 'a scal 'ajmulal. An̈jtona sb'ojnac eb' jun tzo'n̈ xo 'ajmulal yet' yit wincal. A eb' cha, ch'oxnb'il yaj eb' 'a smasnil 'anma ticnec, yujto wan yab'n eb' syal 'a scal c'ac' 'a jun 'ejmn̈ej.

Apoc 14:11

A wal jun 'aj 'oj yab' eb' syal cha, 'oj q'ue stab'l 'a smasnil tiempo. Wach'xam c'ual, wach'xam 'ac'wal, man̈x b'a'n̈ 'oj 'iljoc jac eb'. A eb' 'oj 'aj ta', atn eb' tzlaj yal sb'a 'a jun noc' sb'i, yet' 'a yechel, atn eb' xlaj schaj 'och senyail sb'i jun noc' chi 'a 'a, xchi jun ángel cha.

Apoc 18:18

A yic xyiln eb' sq'ue stab'l jun chon̈b' chi stz'a'i, 'ix 'awj chan̈ eb' 'ixtic: —Toc 'ay 'aj 'ay junc chon̈b' tza'wni 'a jun niwquil chon̈b' tic, xchi eb'.

Apoc 18:9

Ax eb' niwc yajl 'a yolyib'n̈q'uinal, eb' xb'on 'ajmulal yet' jun tzalx 'ixl tic. Caw locn eb' yet' 'a sricoal. Palta ax yic 'oj yilnc eb' sq'ue stab'l stz'a'i, caw 'oj 'oc' eb'. 'Oj cul-loc eb' yoc' yu'uj.

Apoc 19:1

Xlajw cha, xwab'ni, til wal xq'ue yaw eb' 'ayx 'ec' 'a satcha'an̈. Caw 'ip yaln eb' 'ixtic: ¡Calc wach' paxti 'a qui Diosalec! yujto a x'a'n qui colnb'ilec. Caw niwn yel'chi, caw niwn spoder.

Apoc 19:4

Ax eb' 24 'ichm winac, yet' eb' querubín schan̈wn̈il, 'ix 'em n̈ojn eb' 'a sat lu'um. 'Ix yaln sb'a eb' 'a Dios, atn 'a jun wocn 'ejm 'a sdespacho. 'Ix yaln eb' 'ixtic: ¡B'o cab' 'ixta'! ¡Alx cab' wach' paxti 'a Dios! xchi eb'.