Apoc 19:16 - Chuj San Sebastian Bible

¹⁶ A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

Chuj San Mateo Bible

¹⁶ Axo d'a spichul d'a sat xub' tz'ib'ab'iloch jun sb'i tic: Sreyal eb' rey, Yajalil eb' yajal, xchi.

Apoc 19:16 Iomraidhean Croise

Salmos 136:3

Alx cab' wach' paxti 'a Jehová, atn jun Yajl niwn yel'ch 'a yib'n̈ eb' yajal. A schamc'ojlal Dios 'ayn̈j 'a smasnil tiempo.

Salmos 72:11

Smasnil jun tzo'n̈ xo eb' rey, 'em cab' cumn eb' 'a yojltac. 'Ajx cab' servil yuj smasnil eb' nacion̈.

Salmos 89:27

An xo 'oj wac' yopiso 'icha win b'ab'l 'unnab'il, 'ec'b'al 'oj 'aj 'a yib'n̈ smasnil eb' rey 'ay 'a yolyib'n̈q'uinl tic.

Dn 2:47

'Ix yaln win rey chi 'a Daniel 'ixtic: —Wal yel a e Diosal ax tic, cojxn̈ej niwquil yel'ch 'a yib'n̈ jun tzo'n̈ xo comn dios, syajlil eb' rey yaji, a tzch'oxni tas jun tzo'n̈ waych to c'ultac yaji, tic wal 'ix nachj 'el jun waych tic o'oj, xchi winac.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Dt 10:17

yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a.

1 Ti 6:15

A 'a yic 'oj jawc jun tiempoal 'icha tznib'j Dios, atta 'oj 'el'choc jun tic yu'uj. Yujto cojxn Dios 'ay spoder. Caw tzaljc'ojlaln̈ej yaji. A Dios, sReyl eb' rey, sYajlil pax eb' yajal.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.