Apoc 18:20 - Chuj San Sebastian Bible

²⁰ Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Chuj San Mateo Bible

²⁰ Ix vab'an yalchaji: Ex aj satchaan̈, tzalajan̈ec yuj tas ix utaj jun chon̈ab' tic, yed' ex schecab' Jesucristo yed' ex yalumalel slolonel Dios yed' ex yic exxo Dios e masanil, tzalajan̈ec. Yujto icha ix ex yutej, icha chi' ix yutej Dios yac'an spac d'ay, xchi.

Apoc 18:20 Iomraidhean Croise

Salmos 107:42

Ax yic 'oj yilnc eb' wach' sb'eyb'al jun tzo'n̈ cha, 'oj tzaljoc eb', ax eb' maysch'olnil snab'en, man̈x 'a tas 'oj yal eb'.

Salmos 109:28

May yel'chi, wach'xam tzin scatb'tzej eb' 'ajc'ojl ya'ch 'ayin, palta ach xo tzac' a yaxilal 'a wib'an̈. Q'uixw cab' 'el eb', ya' sb'a an a checb' in tic to tzin tzalji.

Salmos 18:47

Ach in Diosal, tza pactzej 'a eb' tzin 'ixtni, tza'n can 'och jun tzo'n̈ chon̈b' 'a yol in c'ab'.

Salmos 48:11

Tzalj cab' chan̈ eb' 'anma 'ay 'a tzaln Sión. Q'uib' cab' stzaljc'ojlal eb' 'anma 'ay 'a yol yic Judá, yujto tojl tzyutj Dios sb'eyc'ojlwi.

Salmos 58:10

Ax eb' tojl sb'eyb'al, 'oj tzaljoc eb' yic 'oj 'ajxoc spac 'a eb' maysch'olnil sb'eyb'al, yic 'oj sb'on̈nc eb' yoc 'a schic'l eb' maysch'olnil cha.

Salmos 94:1

Mamin Jehová ch'oxl a b'a to Dios ach, ach tzac' spac tas maysch'olnil.

Pr 11:10

A yic tzniwtj sb'isl eb' wach' sb'eyb'al, caw wal tzalj eb' chon̈b' yuj eb'; tzalj pax eb' yic tzcham eb' tu sb'eyb'al.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

Is 49:13

Ach satcha'an̈, 'el cab' aw 'a tzaljc'ojlal. Ach lu'um, tzaljan̈. Yet' ex witz, 'el cab' eyaw yuj tzaljc'ojlal, yujto a Jehová, wan ya'n sniwnal sc'ojl eb' schon̈ab'. Wan yo'ch sc'ojl 'a eb' yuj syailal.

Sofonías 3:15

A Jehová, tox 'ix yij 'el yowl sc'ojl 'aych 'a eyib'an̈, tox 'ix spatquilj can 'el eb' 'ajc'ojl yajch 'ayex. A Jehová qui Reyal, a 'ayc' eyet'oc. Man̈x 'a 'aj 'oj e xiwi.

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

Ef 3:5

A 'a yic pecti', mant 'ic 'ajx 'ojcaxc 'el wal jun tzo'n̈ tic. Al ticnec, yuj Yespíritu xwach' 'ajx cojcoc 'el an̈ sic'b'iln̈ 'el schecb'oc tic on̈, yet' jun tzo'n̈ xo eb' schecab'.

Ef 4:11

Yuj cha, a tz'a'n copiso junjn on̈ec. 'Ayn̈ schecb' caji. 'Ayn̈ tzyac' cal-l spaxti'. 'Ayn̈ tzcal-l wach' 'ab'x yic colnb'il. 'Ayn̈ tz'ajx quil eb' quit creyenteal, tzqui cuyn pax eb'.

Dt 32:42

Caw chi'ctac 'oj 'aj in jul-lab' yuj schic'l eb', ax wespada 'oj tzu'nc can 'at snan̈l schib'jal eb' chamnc cha, yet' eb' yamchjnac cot 'a owal. A sjolm eb' yajl yajch 'a eb' 'ajc'ojl cha, caw chi'ctac xoj 'oj 'ajcni, xchi Dios.

A Schab'il Carta San Pedro 3:2

Yuj cha, yowlal tze na cot jun tzo'n̈ tas stz'ib'jnac can eb' schecb' Dios pecti', atn eb' sic'b'il 'el yu'uj. An̈jtona', tze na cot pax schecnb'il Cajlil qui Colmal. A schecnb'il cha, alb'ilx can 'ayx cuj an̈ schecb' on̈ tic on̈.

San Judas 1:17

Ax xo chamc'ojlb'ilx wu'uj, tzlaj e na cot jun tzo'n̈ 'oj walb't 'ayx tic. Yictax pecti', a eb' schecb' Cajlil Jesucristo,

Apoc 12:12

Yuj cha, 'ay cab' tzaljc'ojlal 'a satchan̈ tic. Tzalj coyc qui masnil an̈ 'ayn̈ec 'ec' 'a tic. Palta 'oltacx wal ex 'ayx 'ec' 'a sat lu'um, yet' ex tzex b'eyc' 'a yib'n̈ a mar. Yujto a win diablo x'emch 'aj 'ayx 'eq'ui. Caw ow win si'mb'il, yujto yojc winac, to caw jab'xoj tiempo, xchi jun paxti cha.

Apoc 18:6

'Icha xyutj sb'a 'ix 'a jun tzo'n̈ eb', 'ixta tzeyutj eya'n spac 'a 'a. Cha'ejm tzeyutj eya'n spac 'a 'ix. A sb'al jun svaso 'ix xyac' 'a jun tzo'n̈ xo eb' cha, cha'ejm yel xo ow tzeyutj eya'n spac 'a 'a.

Apoc 6:10

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'.

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.