Apoc 18:17 - Chuj San Sebastian Bible

¹⁷ Palta junn̈j wal rato, c'uxn xlajw 'ejm smasnil sricoal tic, 'oj schic eb'. Jantcn̈ej eb' yajl barco, yet' eb' ajun 'a yojol, yet' eb' tzmunlj yet' syamc'ab'il barco, yet' jantcn̈ej eb' tzmunlj 'a a mar, c'uxn xcan eb' smasnil 'a najat.

Chuj San Mateo Bible

¹⁷ Palta junn̈ej rato ix lajviel masanil sb'eyumal jun chon̈ab' chi', xcham eb'. Masanil eb' yajal te' barco yed' eb' ayoch d'a yol te' yed' eb' smunlaj yed' syamc'ab'il te', aton masanil eb' smunlaj d'a a' mar, najatto ol cotcan eb' smasanil.

Apoc 18:17 Iomraidhean Croise

Is 23:14

Ex ch'umn barco yic Tarsis, 'el cab' eyaw yuj cusc'ojlal, yujto tox 'ix lan̈chj 'ejm jun chon̈b' 'aych cob' yipc e c'ojol.

Is 47:9

Wach'xam til wal eb' 'ajchum, mto jeln snan 'el paxti 'ayc' o'oj, lemb'il ata 'oj jawc tza'njoc jun tzo'n̈ chi 'a eb'an̈, ax a can 'a to man̈x 'a echmil, 'a man̈x 'a pax one'.

Jeremías 51:8

Palta wal 'a yajn̈ej xlan̈chj 'ejm Babilonia tic. 'O'n̈ec yu'uj, 'ijec cot remel yic tzeyan̈tni, ax quilni, toto 'oj b'oxc sc'ojl eyu'uj, xchi Dios.

Lm 4:6

A wal yailal 'ix jaw 'a yib'n̈ eb' wit chon̈b' tic, yel xo wal niwquil 'a yib'n̈ yailal xjaw 'a yib'n̈ eb' 'aj Sodoma. A jun chon̈b' cha, yajn̈ej 'ix satli wach'xam may mach x'och oyn yac' owl 'a 'a.

Jonás 1:6

Ax win capitan̈ yic te barco cha, 'ix 'ejm win 'a 'aj 'ayc' Jonás, xyaln win 'ixtc 'a 'a: —¿Tas tza b'o 'a tic ach waynoc'? ¡Q'uen̈ wa'an, leslwan̈ 'a a Diosal! Toq'ue tzat 'o'ch sc'ojl 'ayn̈ec, ax qui colchjec, xchi winac.

A Tas Sc'ulejnac Eb' Schecab' Jesús Hechos 27:11

Palta ax win scapitan̈il eb' soldado cha, ma'ix chaj win yab' tas xyal Pablo. Cojn tas 'ix yal win ch'umn barco yet' win 'aj barco, cojn chi xchaj win yab'i'.

Apoc 17:12

Ax lajn̈e sch'ac jun noc' sb'i cha, tzyal 'el'chi, lajn̈wan̈ niwc yajl mantzac yac' yajlil. Palta 'oj 'ajxc yopiso eb' yet' jun noc' sb'i cha, jab' wal tiempo 'oj yac' eb' yajlil yet'oc.

Apoc 17:16

Ax lajn̈e ch'ac 'ix ela, yet' jun noc' sb'i cha, 'oj meltzjc 'och eb' 'a jun 'ix 'ajmul 'ix cha. 'Oj yi'c eb' jantcn̈ej tas 'ay 'a 'ix. Caw 'oj 'elcn jitn 'ix. Ax schin pax eb' schib'jal 'ix, ax sn̈usn pax tz'a eb'.

Apoc 18:19

'Ix laj sjop q'ue eb' pococ 'a sjolm yuj scusc'ojlal. Caw x'oc' eb'. 'Ix cul-li eb' yoq'ui, 'ix 'awj chan̈ eb' 'ixtic: ¡'Ay, 'ay, 'oltac wal jun niwquil chon̈b' tic! A eb' 'ay sbarco 'a a mar, c'uxn 'ix 'och eb' ricoal yuj sricoal jun chon̈b' tic. Palta junn̈j wal rato, xlajw can 'ejm jun chon̈b' tic, xchi eb'.