Apoc 16:17 - Chuj San Sebastian Bible

¹⁷ Xlajw cha, ax jun yucl ángel, 'ix secn 'ejm sb'al svaso 'a scal 'ic'. Ax 'a sdespacho Dios, 'a yojl jun Lugar yicn̈ej yaj sch'ocoj, ata x'elt jun paxti'. Caw 'ip yaln 'ixtic: —'Ix b'o 'el'chi, xchi.

Chuj San Mateo Bible

¹⁷ Ix lajvi chi', axo jun yuquil ángel ix secanem tas ayem d'a yol yuc'ab' d'a scal ic'. Axo ix elta jun lolonel d'a sdespacho Dios d'a yol templo, te chaan̈ ix yala': Toxo ix yic' sb'a, xchi.

Apoc 16:17 Iomraidhean Croise

Jn 19:30

'Ix stz'ub'ni. Xlajwn̈ej cha, 'ix yaln 'ixtic: —Tox 'ix b'o 'el'ch smasnil, xchi. Xlajw xoj cha, 'ix 'em n̈ojnjoc, 'ix chami.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.

Apoc 14:15

Ax 'a yol yatut Dios x'elt junx ángel. Caw 'ip yaln 'at 'ixtc 'a jun wocn q'ue 'a yib'n̈ jun 'asn cha: —Polch a jos cha, tox xjaw stiempoal. Yujto 'icha 'ixm trigo caw taquin̈, 'ixta eb' 'anma 'a yolyib'n̈q'uinal, xchi.

Apoc 14:17

Xlajw cha, 'ay junx ángel x'elt 'a yol yatut Dios 'ay 'a satcha'an̈. Yamb'il pax junx jos yu'uj, caw jay ye.

Apoc 16:1

Xlajw cha, xwab'n yoch jun paxti 'a jun Lugar caw yicn̈ej Dios yaj sch'ocoj. Caw 'ip yaln 'ixtc 'a eb' ángel chi yucwn̈il: —'Ixquec, 'at secc 'ejm sb'al uque vaso chi 'a yolyib'n̈q'uinal. A sb'al cha, atn yowl sc'ojl Dios, xchi.

Apoc 21:6

Xlajw cha, xyaln pax 'ayn 'ixtic: —Tox 'ix b'o 'el'chi. An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. A eb' 'ay stacn̈ti'al, 'oj wac' yuc' eb' jun spac'b'a tz'a'n q'uinl 'a jun 'ejmn̈ej. 'Oj wac' 'a eb' 'a nab'an̈ej.