Apoc 14:7 - Chuj San Sebastian Bible

⁷ Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

Chuj San Mateo Bible

⁷ Te chaan̈ ix yal d'a eb' icha tic: —Xivan̈ec d'a Dios. Alec vach' lolonel d'ay, yujto toxo ix ja stiempoal yic ol ex sch'olb'itej. Aq'uec em e b'a d'ay, yujto a b'ojinac satchaan̈, sat luum, a' mar yed' juntzan̈ sjaj a a', xchi.

Apoc 14:7 Iomraidhean Croise

Gn 22:12

'Ix yaln jun ángel chi 'ixtic: —Man̈ a mil cham onnal, a ticnec wojcxo to tzach xiw 'ayin, 'in xa yiclj a'n jun c'otn̈ onnal chi 'ayin, xchi jun ángel cha.

Nehemías 9:6

Xlajw cha, xyaln pax eb' 'ixtic: Ach tic, cojxn̈ej ach Jehová ach. Ach a b'ojnac satchan̈ to satjub'tac yilxi, yet' smasnil c'anal; ach 'ix a b'o lum lu'um yet' pax a mar yet' smasnil tas 'ay 'a 'a. Ach ton wal tzac' sq'uinl smasnil tas. Yuj wal cha, tz'och eb' ángel 'emmquilal 'ayach.

Salmos 115:15

A Jehová b'ojnac satcha'an̈ yet' lum lum tic, ya' cab' swach'c'ojlal 'a quib'n̈ec.

Salmos 124:8

A jun qui colnb'ilec tic, ata tzcot 'a Jehová qui Diosalec, atn jun b'ojnac satcha'an̈ yet' lum lum tic.

Salmos 33:6

Yujn̈ej spaxti', 'ix b'o satcha'an̈ yet' smasnil tas 'ay 'a 'a, cojn to 'ix yala, 'ix b'o smasnil.

Salmos 36:1

A maysch'olnil, a tzjucb'tzan eb' 'anma maysch'olnil sb'eyb'al, toxn may yel'ch Dios 'a sat eb'.

Salmos 89:7

Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.

Salmos 95:5

A pax 'ay yic a mar, yujto a b'ojnac pax yet' spoder, sb'ojnac pax lum tacn̈ lum tic.

Ex 20:11

Yujto an Jehová in, waquen̈ej c'u in munlji yic xin b'on satcha'an̈, lum lu'um, a mar yet' smasnil tas 'ay 'a 'a, ax 'a yucl c'ual, in 'ilji. Yuj cha, a jun yucl c'u cha, wic yaji, niwn yel'ch cab' 'ayex.

Is 40:3

'Ay jun 'aw tz'ochi, tzyaln 'ixtic: B'oc junc sb'e Jehová 'a cusltac lu'um, caw tojl tzeyutj e b'on junc b'e 'a qui Diosal 'a lum lum to may tas 'ay 'a 'a.

Is 40:6

'Ay jun 'aw 'ix aln 'ayn 'ixtic: 'Awjan̈, xchi. Xin c'anb'n 'a 'a, ¿tas 'oj wutc 'awjoc in b'a? xin chi. 'Ix yaln 'ayin: Al-li chajtlto a sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb' 'icha tz'aj slajw 'ejm swach'l yilx te nich te 'ay 'a lum 'a'lic.

Is 40:9

'Ex 'aj Sión, q'uen̈ec c'och 'a sjolm junc lum witz, tzex 'awj 'a caw 'ip ta', yic tzeyaln 'el wach' 'ab'ix. Ex 'aj Jerusalén, man̈ex xiw eya'n 'el eyaw, alc 'el 'ixtc 'a yoltc chon̈b' yic Judá: 'Iltec yaj qui Diosalec 'a tic, xe chi.

Is 42:12

Yal cab' eb' chon̈b' 'ay 'a sti a mar swach' paxti 'a Jehová.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Ez 7:2

Ach 'anma', an Jehová in, Yajl in, an tzwal 'ixtc 'a yib'n̈ chon̈b' Israel: A ticnec, wal sc'och sc'ul slajw 'el yolyib'n̈q'uinl tic, wal satl lum lum tic.

Dn 8:19

Xyaln 'ayn 'ixtic: 'Oj wal 'ayach tas 'oj ujc 'a yic wan slajw jun tiempoal tic. A jun xel cha, tzch'ox cot yuj slajb' c'ual.

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Malaquías 2:2

Ax tic, yowlal 'ay cab' wel'ch 'a e sat yet' eyopiso. Toto ma'oj eyicloc, to 'ixta', 'oj ex in catb'oc can 'eli. 'Oj wa'cn 'och e alj wach' paxti 'a catb' paxti'al. Wal yel, a jun eyopiso cha, tox xin catb'ej cani, yujto may yel'ch in checnb'il 'a e sat.

Mt 25:13

Yuj cha, tzwal 'ayex, caw lista tzeyutj e b'a, yujto man̈ eyojcoc, 'aja sc'ual, yorail ['oj in jaw an 'Ochnc in 'Anmal tic.]

Lc 17:18

Cojxn jun win tic, tzwul yac' yuj diosal 'ayin, palta 'in man̈ quit chon̈b'oquec winac, xchi Jesús 'a eb'.

A Tas Sc'ulejnac Eb' Schecab' Jesús Hechos 14:15

—Ex winac, ¿tas yuj tze b'o jun tic 'ixtic? An̈ tic on̈, caw 'anman̈n̈ej on̈, 'icha ex tic. To tzwul 'ajxc cal jun wach' 'ab'x 'ayx on̈, 'actjec eyaln e b'a 'a jun tzo'n̈ comn dios may jac yel'chi. Tzeya'n 'och e nab'en 'a Dios pitzan. A b'ojnac satcha'an̈, yet' lum lum tic. Sb'ojnac pax a mar, yet' smasnil tas 'ay 'a 'a.

Josué 7:19

Xlajw cha, xyaln Josué 'a win Acán chi 'ixtic: —Ach 'un, 'a sat Jehová qui Diosalec an̈ israel on̈c tic, tza jacn a ti'oc, tas wal jun maysch'olnil chi 'ix a b'o'o, man̈ a c'ub'c 'eli, xchi 'a winac.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

Apoc 11:13

At wal cha, ax yec' jun quixcab'. Caw ow 'oj 'ec'oc. Til wal n̈a 'oj laj lan̈chjoc 'ejm 'a jun niwquil chon̈b' cha. A 'a junjn lajlajn̈e n̈ail, junjn 'oj laj lan̈chjoc 'a 'a. Uque mil 'anma 'oj cham yu'uj. Ax jun tzo'n̈ xo eb' 'anma', caw 'oj xiw chan̈ eb'. Ax laj yalnc eb', chajtlto caw niwn yel'ch Dios 'a satcha'an̈.

Apoc 11:18

A jun tzo'n̈ nacion̈ xlaj cot yowal, caw xjaw sc'ul a'n syailal eb'. 'Ix jaw pax stiempoal a b'eyc'ojlan eb' chamnac. 'Oj ac' spac 'a junjn eb' tzach 'a'n servil, atn eb' a checab'. A eb' cha, ec xo yaj eb', tzch'oxn 'el eb', to caw niwn el'chi. Toxn̈ej eb' niwn yel'chi, toxn̈ej eb' may yel'chi, 'oj a'n̈j spac 'a eb'. An̈jtona', 'ix jaw pax stiempoal a'n lajwc 'el eb' tz'a'n lajwc yolyib'n̈q'uinal, xchi eb'.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.

Apoc 16:9

Caw xlaj tz'a eb' 'anma smasnil yuj yoc c'u. Palta an̈ja man̈ jac 'ix sna sb'a eb' jab'oc. Toxn ma'ix yal eb' chajtlto niwn yel'ch Dios. Ton̈j xb'uchwj eb' 'a 'a, yujto 'ay spoder ya'n jun tzo'n̈ yailal cha.

Apoc 18:10

'Oj can eb' 'a najat, yujto 'oj xiw eb' yuj jun syailal cha. Ax yaln eb' 'ixtic: ¡'Ay, 'ay, 'oltac wal niwquil chon̈b' Babilonia tic! Caw niwn yel'chi, palta junn̈j wal rato xlajw 'eli, 'oj schic eb'.

Apoc 18:17

Palta junn̈j wal rato, c'uxn xlajw 'ejm smasnil sricoal tic, 'oj schic eb'. Jantcn̈ej eb' yajl barco, yet' eb' ajun 'a yojol, yet' eb' tzmunlj yet' syamc'ab'il barco, yet' jantcn̈ej eb' tzmunlj 'a a mar, c'uxn xcan eb' smasnil 'a najat.

Apoc 18:19

'Ix laj sjop q'ue eb' pococ 'a sjolm yuj scusc'ojlal. Caw x'oc' eb'. 'Ix cul-li eb' yoq'ui, 'ix 'awj chan̈ eb' 'ixtic: ¡'Ay, 'ay, 'oltac wal jun niwquil chon̈b' tic! A eb' 'ay sbarco 'a a mar, c'uxn 'ix 'och eb' ricoal yuj sricoal jun chon̈b' tic. Palta junn̈j wal rato, xlajw can 'ejm jun chon̈b' tic, xchi eb'.

Apoc 19:5

Xlajw cha, xwab'n yoch jun paxti 'a 'aj 'ay sdespacho Dios. 'Ix yaln 'ixtic: ¡Calc wach' paxti 'a qui Diosalec! e masnil ex tzeyac' servil 'a 'a, yet' ex tzex xiw 'a 'a, ex may wal eyel'chi, yet' ex niwn eyel'chi, xchi.

Apoc 4:11

Ach Cajlil, ach qui Diosal on̈, smoj tzalx o'oj, to niwn a wach'il, to caw niwn el'chi, niwn a poder. Yujto ach b'ojnac smasnil tas. 'Ayc'n̈ej smasnil, yujto 'ixta tza nib'ej, yuj cha, b'ob'il o'oj, xchi eb' 'a 'a.

Apoc 4:9

'Ixta xyutj chan̈wn̈ querubín chi yalni, chajtlto niwn swach'il, caw niwn yel'ch jun wocn 'ejm 'a sdespacho cha. Tzya'n eb' yuj diosal 'a 'a, atn jun 'ayc' 'a jun 'ejmn̈ej. A yic tzyaln eb' junjn 'ejm 'ixta',

Apoc 8:10

'Ix yutz'n jun yoxl ángel strompeta. Ax jun niwquil c'anal 'a satcha'an̈, yajn̈ej x'ejmi. Caw stz'a 'icha stz'a junc taj. Jab'xoj man̈ spacloc a niwc a', yet' a spac'b'a 'ajtil xlaj 'ejmi.

A Ch'an̈ B'ab'el Libro Samuel 6:5

Yuj cha, b'oc yechl jun tzo'n̈ malel yab'il cha, tze b'on pax yechl no ch'ow tz'ixtn 'el sat qui lu'um, tzeyi'n chan̈ sb'i sDiosal Israel. Lemb'il tz'och wan qui yailal yu'uj, yet' 'a eb' qui diosal. Comnoc tz'och pax wan yixtx sat qui lumec.