Apoc 14:6 - Chuj San Sebastian Bible

⁶ Xlajw cha, xwiln sjen̈n̈ 'ec' junx ángel 'a snan̈l satcha'an̈. A tas yet'i, atn jun wach' 'ab'x 'ay 'a jun 'ejmn̈ej. 'Ix yaln 'el 'a eb' 'anma 'a junjn nacion̈, 'a junjn chon̈b' 'a yolyib'n̈q'uinal. Toxn̈ej chucchc yin̈tl eb', toxn̈ej chucchc sti eb', c'uxn xlaj yab' eb'.

Chuj San Mateo Bible

⁶ Ix lajvi chi', ix vilan junxo ángel jen̈en̈i yec' d'a nan̈al satchaan̈. A jun vach' ab'ix ay d'a juneln̈ej, a yed'nac yuj yalanel d'a scal eb' anima d'a junjun nación, d'a junjun chon̈ab' d'a yolyib'an̈q'uinal, vach'chom ch'occh'oc sti' eb'.

Apoc 14:6 Iomraidhean Croise

Gn 1:6

Xlajw cha, xyaln pax Dios 'ixtic: 'Ay cab' junc tas jen̈n 'ec' 'a yolyib'n̈q'uinl tic, sec tzpoj sb'a a a yu'uj, xchi.

A Ch'an̈ Schab'l Libro Samuel 23:5

'Ixtnta pax 'oj yutc Dios ya'n swach'c'ojlal 'a yib'n̈ eb' win̈til, 'ix sb'o jun strato wet' 'a jun 'ejmn̈ej, tojl yaj smasnil tas yu'uj, caw wach' yaji. A tz'a'n wac' ganar smasnil, a tz'a'n 'el'chc pax smasnil tas tzin nib'ej.

Salmos 119:142

A 'a tojlal 'ayc' 'a smasnil tiempo, ax jun tzo'n̈ a cuynb'il tic, caw yel eb'.

Salmos 139:24

'Ilto, toto a 'a b'eyb'al maysch'olnil 'aj wan in 'atcni, tztac' in a tojlb'tzan 'och 'a jun b'e 'ay 'a jun 'ejmn̈ej.

Salmos 145:13

A opiso cha, 'ayc'n̈ej 'a jun 'ejmn̈ej, Yajl 'ach 'a smasnil tiempo. Tzac' 'el'choc tas tzala, 'ay a chamc'ojlal 'a smasnil tas b'ob'il o'oj.

Is 40:8

A te c'ultac tztacj 'ejm te', tzlaj pucl snich te', palta ax spaxti qui Diosal, caw 'ayc'n̈ej 'a jun 'ejmn̈ej, xchi 'ayin.

Is 45:17

Ax pax an̈ israel on̈ tic on̈, caw ach 'oj on̈ a colnc 'el 'a jun 'ejmn̈ej on̈, man̈x 'a cab' b'a'n̈ 'oj quijx 'ejm on̈, man̈x 'a pax cab' b'a'n̈ 'oj qui q'uixw can pax 'el on̈.

Is 51:6

Q'uen̈ec q'ueln 'a satcha'an̈, tzex 'emx q'ueln 'a sat lum tic: A satcha'an̈, 'oj sat 'ejm 'icha tzyac' te tab'. Ax lum lum tic, 'oj 'ichmaxc lum 'icha tzyac' junc pichul. 'Ichan̈ej tz'aj scham no 'us, 'ixta 'oj 'aj scham eb' 'anma cajn 'a sat lu'um. Palta ax colnb'il tzwac'a, 'ayc'n̈ej 'a jun 'ejmn̈ej, a 'in tojlal may slajub'.

Is 51:8

Yujto 'oj lajwc 'ejm eb' 'icha junc pichl 'aych yijal, mto 'icha junc lana pichl tzc'ux lajwc no 'ij cha. Palta a 'in tojlal yet' in colwal, 'ayc'n̈ej 'a smasnil tiempo, xchi Dios.

Is 6:2

A 'a yib'an̈, ata 'ayc' jun tzo'n̈ ángel serafín sb'i, 'icha c'ac' yilx eb'. Waque sc'axl junjn eb'; chab' tzmacn sat eb', chab' pax tzmacn sniwnal eb' 'a yojltac, ax yet' chab'x chi tzjen̈w eb'.

Ez 1:14

A eb' querubín cha, a yic tzb'ey eb' mto yic tzmeltzj pax eb', caw lajn yec' eb' 'icha letz'lom cha.

Dn 4:1

'Ix yaln win rey Nabucodonosor jun tzo'n̈ spaxti tic 'ixtc 'a smasnil eb' chon̈b' 'ay 'a yol smacb'en: An reyn tic, tzwac' stzatzl e c'ojl e masnil ex chon̈ab', ex nacion̈, wach'xam chucchc e ti tzeyala, ex to cajn ex 'a sat smasnil lum lum tic.

Dn 9:21

A yic wanto in leslwi cha, ax Gabriel jun sch'oxjnac sb'a 'ayn 'a jun in waych 'a yic yaln̈taxi, 'ix jaw jen̈n̈oc 'a in tz'ey 'aj 'ayn 'ec' cha, 'icha wal yorail yic tz'ajx xajmb'al 'a Jehová 'a yic yemc'ual.

Mt 10:27

A jun tzo'n̈ tas tzwal 'ayx 'a c'ultaquil, c'uxn tzeyal-l 'a eb' 'anma'. Yet' jun tzo'n̈ xo tas tzlaj in c'ultac alc 'a e chiquin, c'uxn tzlaj eyal-l 'a yoltc caye.

Mr 16:15

Xlajw cha, xyaln 'a eb' 'ixtic: 'Ixquec 'a smasnil yolyib'n̈q'uinl tic, alc 'el wach' 'ab'x yic colnb'il 'a scal smasnil 'anma'.

Ro 16:25

A ticnec, calc wach' paxti 'a Dios, yujto a tztac' ya'n qui te'nalec 'a smasnil tiempo. 'Ixta tzyal jun wach' 'ab'x tzwalcn 'eli, atn yab'xil Jesucristo. Yictax mantzac sb'o Dios yolyib'n̈q'uinl tic, molb'il xon yab'xil Cristo yu'uj.

A Scarta San Pablo D'a Eb' Aj Colosas 1:23

Palta yowlal tzeya'ch 'a e c'ojl 'a smasnil tiempo. Caw te'n tzeyutj e nab'en, 'icha junc te caw 'ay sch'an̈l yib'. A jun wach' 'ab'x yic colnb'il eyab'jnac xo, man̈ eyactc can eya'n 'och yipc e c'ojol. A jun wach' 'ab'x tic, wan yalx 'el 'a smasnil yolyib'n̈q'uinl tic. An xo Pablo in tic, wan waln 'el pax jun xo.

2 Ts 2:16

A Cajlil Jesucristo yet' qui Mam Dios, caw 'ay schamc'ojlal 'ayn̈ec. Yuj wal swach'c'ojlal, tzya'n sniwnal qui c'ojlec 'a smasnil tiempo. Tzya'n pax ca'c 'och swach'l chi yipc qui c'ojol.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

A Sb'ab'el Carta San Pedro 1:25

Palta ax spaxti Cajlilec, 'ayc'n̈ej 'a jun 'ejmn̈ej, xchi 'a Ch'an̈. A spaxti tic, atn jun wach' 'ab'x yic colnb'il alb'il 'el 'ayex.

Apoc 10:11

Xlajw cha, 'ix alx pax 'ixtc 'ayin: —Yowlal 'oj al jun 'ejm xo, tastc 'oj 'aj junjn c'aj 'anma', junjn nacion̈, junjn ti'al, yet' jun tzo'n̈ eb' rey, xchi 'ayin.

Apoc 10:7

—Man̈x 'oj 'ec' tiempo yel'ch tas nab'il yuj Dios. A yic 'oj syamn 'och jun yucl ángel yutz'n strompeta, ax yel'chi tas snajnac cha. A jun snajnac can cha, alb'il 'a eb' ya'mal servil, atn eb' schecab', xchi jun ángel cha.

Apoc 13:7

An̈jtona', 'ix 'ajx pax spermiso ya'n owl yet' eb' yic xo Dios, masnto xyac' ganar scan eb' 'a yaln̈ yu'uj. 'Ix 'ajx yopiso ya'n yajlil 'a yib'n̈ smasnil 'anma 'a junjn chon̈ab', 'a junjn nacion̈. Toxn̈ej chucch 'in̈tal eb', toxn̈ej chucchc til tzyal eb', c'uxn 'ix 'ajx mandar eb' yu'uj.

Apoc 3:10

Caw xeyiclj jun in checnb'il yic waln 'ayex, to caw tzeyac' techjoc. Yuj cha, 'oj ex in tan̈wc 'a yol sc'ab' jun niwn prowal 'oj 'a'nc prowal smasnil 'anma 'a yolyib'n̈q'uinal.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Apoc 8:13

Xlajw cha, xwilni, 'ay jun ángel tzjen̈n̈ 'ec' 'a snan̈l satcha'an̈. Ax xwab'ni, caw 'ip x'awj 'ixtic: —¡'Ay, 'ay, 'ay! 'Oltac wal eb' 'anma 'a yolyib'n̈q'uinal, yujto 'ayt 'oxwn̈ xo eb' ángel tot 'oj yutz'c strompeta, xchi.