Apoc 14:2 - Chuj San Sebastian Bible

² Ax xwab'ni, x'och jun 'aw 'a satcha'an̈. Caw tzn̈il-li sjaj 'icha sn̈il-li jun tzo'n̈ niwc a'. An̈jtona', 'icha sn̈il-li pax c'u sc'an̈i. A jun cha, 'icha to caw niwn 'anma wan sonn yet' jun tzo'n̈ arpa.

Chuj San Mateo Bible

² Axo ix vab'ani, sc'an̈ juntzan̈ tas d'a satchaan̈. N̈ilili sc'an̈ icha sc'an̈ a' nivac pajav. An̈eja' n̈ilili sc'an̈xi c'u. A jun chi', ichato man̈ jantacoc anima van sonan yed' juntzan̈ arpa.

Apoc 14:2 Iomraidhean Croise

A Ch'an̈ Schab'l Libro Samuel 6:5

Ax David yet' smasnil eb' chon̈b' cha, yet' wal 'a smasnil sc'ojl eb', tzq'ue b'atn̈joc eb' yuj tzaljc'ojlal sb'itn 'a yojltac Jehová yet' jun tzo'n̈ yamc'ab' yic b'it, atn arpa, salterio, pandero, castañuelas yet' platillo.

2 Cr 20:28

A yic 'ix jaw eb' 'a Jerusalén, x'at eb' 'a yatut Jehová, 'aych salterio, arpa, yet' trompeta yuj eb'.

Salmos 147:7

Qui b'itnoquec Jehová yic tzca'nec yuj diosal 'a 'a, qui b'itnoquec b'it 'a qui Diosalec yet' arpa.

Salmos 149:3

Tzon̈ laj q'uec b'atnjoc calnec qui wach' paxti 'a 'a, qui b'itquec yet' qui arpa yet' pax qui pandero.

Salmos 33:2

¡Alc wach' paxti 'a Jehová yet' arpa! B'itnejec sb'i yet' salterio.

Salmos 43:4

Ach in Diosal, 'oj in c'och 'a 'aj 'ay yet'l a xajmb'al, ata 'oj ach in b'itnoc yet' arpa, yujto in Diosal ach, 'ac' in tzaljc'ojlal.

Salmos 57:8

A yic 'oj sacb'c 'el 'a junx c'u, ax yel in wayan̈, 'oj ach in b'itnoc yet' arpa yet' pax salterio.

Salmos 92:3

Til wal sja'l ach qui b'itnan yet' jun tzo'n̈ son ch'an̈ 'aych 'a 'a, atn arpa yet' pax salterio.

Salmos 93:4

Ach xo tic Mamin, 'aj satchan̈ ach, 'ec'b'al a poder 'a yib'n̈ eb' a mar cha yic tzcot yowl eb' a'.

Salmos 98:5

B'itn coyc 'a Jehová yet' arpa, b'itn coyc yet' jun tzo'n̈ son ch'an̈ 'aych 'a 'a.

Ex 19:16

Ax yic sacb' 'el 'a schab'jil cha, caw tz'ec' letz'lo'om, tzc'an̈ pax c'u, 'ay jun niwquil q'uic' 'asn x'och 'a sjolm lum witz cha. Ax xyab'n eb' caw 'ip 'ix 'oc' jun q'uen trompeta 'a sjolm lum witz cha, smasnil eb' 'anma 'ayc' 'a yol smantiado, caw 'ix xiw eb'.

Ex 20:18

Smasnil eb' israel cha, 'ix yab' eb' sma'n sb'a c'u, x'oc' q'uen trompeta, xyiln eb' yec' letz'lo'om, xyiln eb' sq'ue stab'l sjolm lum witz Sinaí. 'Ix xiw chan̈ eb', yuj cha, snitzn 'el'ch sb'a eb'.

Is 17:13

Palta ax yic 'oj tenxoc 'och wan eb' yuj Dios, wach'xam tzc'an̈ yec' eb', palta ma'oj yil eb' s'at 'eloc, lajn 'oj 'aj eb' 'icha tz'aj yutz'x 'at solcal trigo yuj 'ic' 'a caltc te', mto 'icha tz'aj yutz'x chan̈ pococ yuj chacxuxm'ic', 'ixta 'oj 'aj eb'.

Ez 43:2

ax xwilni, 'ix jaw tzicn̈joc stzictznil qui Diosal 'ayin, ata xcot 'a stojlal 'aj tzq'uel c'u, lajn wal sc'an̈ 'icha sc'an̈ a 'elmal a'. Caw wal 'ix sacb'el sat lum yuj stzictznil cha.

Zacarías 9:14

A Jehová 'oj sch'ox sb'a 'a yib'n̈ schon̈ab'. 'Icha raya 'ixta 'oj yutc sjulwji. A Jehová Cajlil, 'oj yutz'c strompeta, ax yec' lemnjoc 'a scal chacxuxm'ic' 'a stojlal sur.

1 Co 13:1

Q'uinloc caw jeln tzlaj cutquec qui paxtin 'a sti smasnil 'anma', yet' pax 'a sti eb' ángel. Palta toto may qui chamc'ojlalec, lajn on̈c 'icha junc tinab'. Mto 'icha jun tzo'n̈ q'uen pachb'mb'a yic son, 'ixta on̈ec.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.

Apoc 1:15

A yoc, caw tzictzni, 'icha q'uen bronce tzb'o 'a jorna, caw tzictzni tz'aji. Caw tzn̈il-li sjaj spaxtini, 'icha sc'an̈ sb'ey eb' a niwc a'.

Apoc 11:12

'Oj lajwc cha, ax yoch jun paxti 'a satcha'an̈, caw 'ip 'oj yal 'a eb' chawn̈ chi 'ixtic: —Q'uen̈ect 'a satchan̈ tic, xchi. Yuj cha, 'oj q'ue eb' 'a scal jun 'asn 'a satcha'an̈. Ax eb' 'ajc'ojl yajch 'a eb', toxn̈ej 'oj q'ue q'ueln eb'.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 15:2

'Ix wiln pax jun 'icha mar, lajn yilx 'icha nen caln yaj yet' c'ac'. Ax 'a stz'ey jun cha, 'ay jun tzo'n̈ eb' lin̈n 'eq'ui. Atn eb' x'a'n ganar 'a yib'n̈ jun noc' sb'i, yet' 'a jun yechel. 'Ix ya'n pax ganar eb' 'a yib'n̈ jun número yic sb'i jun noc' cha. Wan syucn eb' junjn yarpa xyac' Dios 'a 'a.

Apoc 18:22

Man̈x 'a b'a'n̈ 'oj 'ab'xoc sjaj arpa, flauta, mto trompeta. Man̈x 'a junc mach 'oj munljoc 'a yopiso. Man̈x 'a b'a'n̈ 'oj 'ab'xc sc'an̈ junc samq'uen mulino.

Apoc 5:8

Xlajw schan 'elt jun un̈ cha, ax eb' querubín schan̈wn̈il, yet' eb' 24 'ichm winac, 'ix 'em cumn eb' 'a yojltac jun tzcuch Calnelu cha. 'Ay yarpa junjn eb' 'ichm winc cha, yet' pax eb' junjn svaso nab'a oro, b'ut'n yet' jun tzo'n̈ incienso. A jun tzo'n̈ incienso cha, caw su'q'ui sjab', atn slesl eb' yic xo Dios.

Apoc 6:1

'Ix wilni, a jun tzcuch Calnelu, a 'ix n̈i'chtan jun b'ab'l seyo cha. Xlajwn̈ej cha, xwab'ni, a 'a chan̈wn̈ querubín cha, ata 'ay jun 'ix aln 'ixtic: Cotan̈, xchi. A yol sjaj, lajn 'icha sc'an̈ c'u.

Apoc 8:7

'Ix yutz'n jun b'ab'l ángel strompeta. Yajn̈j wal cha, ax sacb'at, yet' c'ac', caln yaj yet' chic'. 'Ix julx 'ejm 'a sat lu'um. Yuj cha, jab'xoj man̈ spacloc lum xtz'a'i. An̈jtona te te smasnil, jab'xoj man̈ spacloc xtz'a'i. Ax te c'ultac, c'uxn 'ix tz'a te smasnil.