Apoc 14:15 - Chuj San Sebastian Bible

¹⁵ Ax 'a yol yatut Dios x'elt junx ángel. Caw 'ip yaln 'at 'ixtc 'a jun wocn q'ue 'a yib'n̈ jun 'asn cha: —Polch a jos cha, tox xjaw stiempoal. Yujto 'icha 'ixm trigo caw taquin̈, 'ixta eb' 'anma 'a yolyib'n̈q'uinal, xchi.

Chuj San Mateo Bible

¹⁵ Axo d'a yol stemplo Dios ix elta junxo ángel. Chaan̈ ix yal d'a jun c'ojanem d'a yib'an̈ jun asun chi' icha tic: —Ac'lab'ej a jochlab' chi' yic tza molb'an eb' anima to vach'xo yaji, yujto stiempoalxo smolchajq'ue vaan eb', xchi d'ay.

Apoc 14:15 Iomraidhean Croise

Gn 15:6

'Ix ya'n 'och Abram sc'ojl 'a tas xyal Jehová, yuj cha, caw wach' xcan 'a sat Jehová.

Is 62:1

Yuj wal in chamc'ojlal 'a Sión, yuj cha, man̈toc sictac tzin 'aji. Yuj in chamc'ojlal 'ayx ex 'aj Jerusalén, yuj cha, ma'oj wilji, masnto 'oj checljoc chan̈ e tojlal, 'icha wal yic tzsacb'i. Ax e colnb'il, 'oj checljoc chan̈ 'icha wal sn̈ilchj junc tziclab' taj, caw tzyac' sacq'uinlal.

Jeremías 51:33

A Jehová tztac' yuj smasnil, atn sDiosal Israel, a tzaln 'ixtic: A eb' 'aj Babilonia, lajn wal eb' 'icha 'ixm trigo lista xo yaj 'a yol te'lab', wan sjaw stiempoal ste'xi, xchi Dios.

Jl 3:13

'Icha wal tz'aj spolx 'ixm trigo tox xc'anb'i, 'ixta tzeyutj eb', yujto 'ix c'och stiempoal sb'eyc'ojlax eb'. Te'c 'ejm eb', 'icha ste'x 'el yalil te uva wach'x yaj 'a yet'ul, yujto caw wal maysch'olnil eb'.

Mt 13:30

Can cab'n̈ej 'ixta', masnto 'oj polxc 'el 'ixm trigo cha. Atta 'oj wal 'a eb' in majan, to tzto'cn 'el eb' te 'ac trigo cha. Junjn yuchn̈ 'oj yutc eb' spixni, ax sn̈usn eb'. 'Oj lajwc cha, ax spoln 'el eb' 'ixm trigo chi b'i'an, ax smoln eb' 'a yet'ul, xchi win 'a eb', xchi Jesucristo.

Mt 13:39

A jun 'ajc'ojl yajch 'a win 'aj lum cha, atn win diablo cha. A jun tiempoal yic 'oj polxc 'el 'ixm trigo cha, tzyal 'el'chi, atn yic 'oj lajwc 'ec' yolyib'n̈q'uinl tic. Ax eb' polm trigo cha, atn eb' ángel.

Mt 23:32

A tas sb'ojnac eb' e mam eyichm cha, ax xo, ton̈j tze wach' 'a'j 'och xicul.

Mr 4:29

Ax yic tzc'anb'i, tzpolx 'eli, yujto tzc'och stiempoal yeli.

1 Ts 2:16

A yic tzcaln 'el 'ab'x 'a eb' man̈ israeloc on̈, sec tzcolchj eb', palta ax eb' israel, caw matz chaj eb' cal-l on̈. Yuj cha, yel xo wal tzwach' niwtj smul eb' 'a Dios. Yuj cha, a ticnec tox xya'ch jun niwn yailal 'a yib'n̈ eb' 'a jun 'ejmn̈ej yuj yowl sc'ojol.

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.

Apoc 13:12

Caw lajn spoder yet' jun b'ab'l noc' sb'i cha. 'Ix ya'n pural smasnil 'anma 'a yolyib'n̈q'uinal, yic tzyaln sb'a eb' 'a jun b'ab'l noc' sb'i cha, atn jun lajwnac jun sjolom, palta xb'oxi.

Apoc 14:14

Xlajw cha, xwilni, 'ay jun sac 'asun. Ax 'a yib'an̈, ata wocn q'ue jun 'icha 'anma yilxi. 'Ay q'ue jun corona nab'a oro 'a sjolom. Yamb'il jun jos yu'uj, caw jay ye.

Apoc 14:16

Yajn̈j wal cha, a jun wocn q'ue 'a yib'n̈ jun 'asn cha, 'ix spoln 'och sjos chi 'a yolyib'n̈q'uinal. 'Ix laj si'noc q'ue wan eb'.

Apoc 14:17

Xlajw cha, 'ay junx ángel x'elt 'a yol yatut Dios 'ay 'a satcha'an̈. Yamb'il pax junx jos yu'uj, caw jay ye.

Apoc 14:18

'Ix 'elt pax junx ángel 'a 'aj 'ay jun yet'l xajmb'al, atn jun chi 'ay yopiso sc'anlb'an te c'ac'. Caw 'ip yaln 'at 'ixtc 'a jun ángel yamb'il sjos chi yu'uj: —Polch a jos chi caw jay ye cha. Yujto a jun tzo'n̈ uva a yolyib'n̈q'uinal, caw 'ec'm xo, xchi.

Apoc 15:6

Ata x'elt ucwn̈ ángel. Yet' eb' uque yailal, junjn yet' junjn eb'. 'Aych junjn sac pichl yuj junjn eb', caw tzictzni yilxi. 'Aych junjn cincha nab'a oro 'a sn̈i sc'ojl junjn eb'.

Apoc 16:17

Xlajw cha, ax jun yucl ángel, 'ix secn 'ejm sb'al svaso 'a scal 'ic'. Ax 'a sdespacho Dios, 'a yojl jun Lugar yicn̈ej yaj sch'ocoj, ata x'elt jun paxti'. Caw 'ip yaln 'ixtic: —'Ix b'o 'el'chi, xchi.

Apoc 6:10

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'.