Apoc 14:13 - Chuj San Sebastian Bible

¹³ Xlajw cha, xwab'n yoch jun paxti 'a satcha'an̈, 'ix yaln 'ixtc 'ayin: —Tz'ib'j junx 'oj wal tic: A ticnec, caw wach' yic eb' an̈ja 'aych 'a yol sc'ab' sYajlil yic tzchami, xchi jun paxti cha. Xyaln Yespíritu Dios 'ixtic: Caw yel yujto 'oj 'iljc eb' 'a smunljel. Ax jun ch'an̈ un̈ 'aj tz'ib'b'il can tastc wach' tzb'o eb', 'oj c'och yet' eb' 'a satcha'an̈, xchi.

Chuj San Mateo Bible

¹³ Ix lajvi chi' ix vab'ani, ix och jun av d'a satchaan̈. Ix yalan d'ayin: —Tz'ib'ej junxo ol val tic: A ticnaic, te vach' yic mach ayoch d'a yol sc'ab' Cajal ayic ol chamoc. Yel, icha tic ix yal Yespíritu Dios, yujto ol yic' yip eb' d'a smunlajel. A jun icha uum b'aj tz'ib'ab'il tastac vach'il ix sc'ulej eb', ol c'och yed' eb' d'a satchaan̈ chi', xchi jun av chi'.

Apoc 14:13 Iomraidhean Croise

Salmos 19:11

A tzon̈ tennec 'och wan 'a maysch'olnil; toto yiclum tzcutjec qui b'a 'a 'a, 'oj yac' pax spac 'ayn̈ec.

Salmos 85:13

A stojlal qui Diosalec a b'ab'l yu'uj, a tztojlb'tzan sb'e 'aj tzb'eyi.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Dn 12:13

Ach xo tic Daniel, caw te'nn̈ej tzotj a b'a, masnto 'a slajb' a q'uinal, atta 'oj elji. Ax 'a yic slajb' c'ul cha, atta 'oj a q'uex wa'an, 'oj a cha spac eco', xchi jun winc chi 'ayin, xchi Daniel.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

Lc 16:25

Palta xyaln cot Abraham chi 'ixtc 'a winac: Ach 'un, na coti chajtlto caw wach' ach 'ec' 'a yolyib'n̈q'uinal, ax Lázaro tic, caw may jac swach'l x'ec' yil ta'. Al ticnec, to wan yajx sniwnal sc'ojl 'a tic, ach xo, wan ab'n syal ticnec.

Lc 16:9

An tzwal 'ayex, a q'uen tumin, c'un sc'anx 'a maysch'olnil. Palta a 'a tas wach', a cab' ta tze c'anlb'ej sec wach' 'ay eb' 'oj e wach'c'ojloc e b'a yet'oc. Toto 'ixta', at yic 'oj lajwc yopiso jun tumn chi eyu'uj, 'ay eb' 'oj e chan e c'och 'a 'aj 'ay jun eyet'l 'a jun 'ejmn̈ej.

Ro 14:8

Yuj cha, wach'xam pitzn on̈ec, mto tzon̈ chamec, palta yic on̈cn̈ej Cajlil.

1 Co 15:18

Ax eb' creyente chamnc xo, jun 'ejmn̈ej am chamnc eb'.

1 Co 15:20

Palta wal yel, pitzwnac Cristo 'a scal eb' chamnac. 'Icha junc b'ab'l 'ajn tz'el-li, 'ixta b'ab'l pitzwnac 'ayn̈ec, sec tzch'oxo, to 'oj qui pitzwec pax jun xo.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

2 Co 5:8

Yuj cha, caw 'aych Dios yipc qui c'ojlec. Caw tzqui nib'j tzcactjec can qui niwnalec tic, sec 'oj stac' qui c'ochc 'a junx catut 'aj 'ayc' Cajlilec cha.

A Scarta San Pablo D'a Eb' Aj Filipos 2:17

Yujto eya'jnac 'och e c'ojl 'a Cristo, wan eya'n 'och e b'a 'a yol sc'ab' 'icha junc xajmb'al. An xo tic, tzwac' in b'a 'a Cristo pax eyet'oc. Yuj cha, wach'xam 'oj in milx chamoc yic tz'acw junc e xajmb'al cha, 'oj in tzaljn̈ej pax eyet'oc.

1 Ts 4:14

An̈ec xo tic, tzca'c 'och 'a qui c'ojol, chajtlto a Jesús 'ix chami, 'ix pitzw paxi. 'Ixta 'oj 'aj pax eb' creyente chamnc xo. A Dios 'oj 'a'nc pax cot eb' yet' Jesús.

1 Ts 4:16

'Oj 'awtxoc jun checnb'il yuj jun sat ángel, ax yoc' pax strompeta Dios. At wal ta 'oj 'emloc Cajlilec 'a satcha'an̈. Ax eb' creyente chamnc xo, 'oj b'ab'l pitzwc pax sniwnal eb'.

1 Ts 5:10

A Cristo 'ix cham qui jelquec. Yuj cha, toxn̈ej pitzn on̈ec, toxn̈ej chamnc on̈ xo, ax sjawi, palta junn̈j 'oj cajc yet' qui masnil.

1 Ti 5:24

'Ay eb' toxn checl xon yaj smul, yic mantzac b'eyc'ojlax eb'. 'Ay pax eb', masnto tzb'eyc'ojlaxi, 'ixta to b'i'an tzcheclj 'el smul.

1 Ti 5:25

'Ixta pax eb' wach' sb'eyb'al, checl xon yaj eb', to wach' sb'eyb'al eb'. Toto 'ay eb' wach' sb'eyb'al mantzac checlji, yowlal 'oj checljoc 'el eb'.

Apoc 1:11

'Ix yaln 'ayn 'ixtic: [—An ton tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in.] A tas wan elni, tza tz'ib'j can 'a junc libro. Tza'n 'at 'a eb' creyente 'a uque iglesia ['a yol yic Asia,] atn 'a Éfeso, 'a Esmirna, 'a Pérgamo, 'a Tiatira, 'a Sardis, 'a Filadelfia yet' 'a Laodicea, xchi 'ayin.

Apoc 10:4

Xlajwn̈ej spaxtin uque tzc'an̈ c'u cha, 'ijn xin tz'ib'j tas xwab'i, palta 'ay jun 'a satchan̈ 'ix aln 'ayn 'ixtic: —A tas xyal uque tzc'an̈ c'u cha, ton̈j tza mol 'a a nab'en. Man̈ a tz'ib'oc, xchi 'ayin.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.

Apoc 16:17

Xlajw cha, ax jun yucl ángel, 'ix secn 'ejm sb'al svaso 'a scal 'ic'. Ax 'a sdespacho Dios, 'a yojl jun Lugar yicn̈ej yaj sch'ocoj, ata x'elt jun paxti'. Caw 'ip yaln 'ixtic: —'Ix b'o 'el'chi, xchi.

Apoc 19:9

'Ay jun ángel 'ix aln 'ixtc 'ayin: —Tza tz'ib'j jun tzo'n̈ 'oj wal tic: A eb' 'awtb'il 'a jun q'uin̈ nupnel yic jun tzcuch Calnelu, caw wach' yic eb', xchi. 'Ix yaln pax 'ayn 'ixtic: —A jun tzo'n̈ paxti tic caw yel, yic Dios, xchi 'ayin.

Apoc 2:1

'Ix yaln pax Jesús 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Éfeso: A jun 'ay uque c'anal 'a yol swach' c'ab', atn jun tzb'eyc' 'a snan̈l uque yet'l cantil nab'a oro, a tzaln 'ayx 'ixtic:

Apoc 2:7

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.

Apoc 20:6

Caw wach' yic eb' tzb'ab'l pitzw cha. Yicn̈ej Dios yaj eb'. May spoder jun schab'l chaml 'a yib'n̈ eb'. 'Oj 'ajxc yopiso eb' ya'n 'och sti 'a Dios yet' 'a Cristo. Jun mil ab'il 'oj yac' eb' yajlil yet'oc.

Apoc 21:5

Ax jun wocn 'ejm 'a sdespacho cha, a 'ix aln 'ayn 'ixtic: —'Ilto, tzin b'o smasnil tas, caw 'a't tz'aji, xchi. 'Ix yaln pax 'ixtc 'ayin: —Tz'ib'j jun tzo'n̈ wan ab'n tic, yujto a jun tzo'n̈ paxti tic, caw yel. Tztac' a'n 'och yipc a c'ojol, xchi.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

Apoc 6:11

Xlajw cha, 'a junjn eb', 'ix 'ajx spichl eb' caw sac. 'Ix alx 'a eb', to tz'ilj eb' jac xo, masnto 'oj tz'acwc sb'isl eb' yit creyenteal eb' tot 'oj milxoc cham 'icha eb', atn eb' ya'mal servil Cristo yet' eb'.