Apoc 14:1 - Chuj San Sebastian Bible

¹ Xlajw cha, xwilni, a jun tzcuch Calnelu, lin̈n 'ec' 'a sjolm lum tzaln Sión. 'Ay pax 144 mil eb' 'ayc' yet'oc. Ax 'a snan̈l sat junjn eb', ata tz'ib'b'il 'och sb'i jun tzcuch Calnelu cha, tz'ib'b'il pax 'och sb'i Smam.

Chuj San Mateo Bible

¹ Ix lajvi chi' ix vilani, a jun Calnel sb'i, lin̈anec' d'a sjolom lum tzalan Sion. Ayec' pax 144 mil eb' anima yed'oc. Axo d'a snan̈al sat junjun eb', tz'ib'ab'iloch sb'i jun Calnel sb'i chi' yed' sb'i Smam.

Apoc 14:1 Iomraidhean Croise

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Is 49:14

Tzyaln eb' 'aj Sión 'ixtic: On̈ 'actxec can yuj Jehová, 'ix sat sc'ojl Dios 'ayn̈ec, xchi eb'.

Jeremías 1:11

'Ix yaln pax Jehová 'ixtc 'ayin: Jeremías, ¿tas tzela? xchi 'ayin. Tzwil jun sc'ab' te almendro, xin chi 'a 'a.

Ez 1:4

Xlajw cha, xwiln scot jun niwquil 'ic' yet' jun niwquil 'asn 'a stojlal norte. A 'a scal cha, ata 'aych pax jun c'ac' caw tzn̈iln̈ni sc'aq'uil, jub'lji yec' sletz'lomal. Ax 'a scal jun c'ac' cha, ata 'aych jun tas caw tzictzni, lajn wal stzictznil yilx 'icha q'uen bronce.

Ez 10:1

Ax xwilni, a 'a yib'n̈ jun 'icha samq'uen pachn q'ue 'a yib'n̈ sjolm eb' querubín cha, ata 'ix checlj chan̈ jun 'icha yilx junc despacho, lajn wal yilx 'icha q'uen zafiro.

Ez 10:9

Ax xwilni, 'ayc' chan̈e setet chi yet' eb' querubín cha, junjn yic junjn eb'. A jun tzo'n̈ setet cha, lajn stzictznil yilx eb' 'icha q'uen crisólito.

Ez 2:9

Ax xwilni 'ay jun c'ab' xjaw 'a wojltac, 'ix cot b'achn 'ayn yet' jun ch'an̈ un̈ chulb'ilb'ec'an.

Ez 44:4

In yi'n pax 'at jun winc chi 'a 'aj 'ay junx puerta 'a stojlal norte, jun 'ay 'a yojltac yatut Dios. Ax xwilni, c'uxn 'ix macchj 'el yol yatut chi yet' stzictznial, cojn wal xwiln cha, in 'em n̈ojnjoc 'a sat lu'um.

Ez 8:7

Xlajw cha, in yi'n 'at 'a yol sti yamq'uil yatut, ax xwilni 'ay jab' oln 'a spac'b'il yich cha.

Ez 9:4

'ix yaln 'ixtc 'a winac: 'Ixc 'a yol chon̈b' Jerusalén tic, tza'n can 'och yechl eb' 'anma 'a snan̈l sat, eb' to tzcus yuj smul x'och 'a scal eb' 'anma cha, xchi 'a winac.

Dn 12:5

Ax xwilni lin̈n 'ec' pax chawn̈ xo winc 'a sti a a cha, junjn 'a junjn spac'b'il sti a niwn a Tigris.

Jl 2:32

Palta ax smasnil eb' tzyal sb'a 'ayn an Jehová in, 'oj colchjoc can 'el eb'. 'Icha wal yaj waln cani, to a 'a tzaln Sión 'a Jerusalén, 'ay eb' 'oj colchjoc, a eb' sic'b'il 'el wu'uj, ma'oj cham eb'.

Am 8:2

'Ix sc'anb'n 'ayn 'ixtic: —¿Tas tzel Amós? xchi. —Tzwil jun xuc sat 'awb'ente caw 'e'm xo, xin chi 'a 'a. Xlajw cha, xyaln Jehová 'ayn 'ixtic: —A chon̈b' Israel, caw x'e'max yet' smul, yuj cha, man̈x 'oj wac' niwnc'ojlal jun 'ejm xo.

Zacarías 4:2

¿Tas tzela? xchi 'ayin. 'Ix waln 'ixtc 'a 'a: Tzwil jun sb'achnub'l cantil nab'a oro yet' jun yet'l aceite 'a yib'an̈. 'Aych uque cantil chi 'a sc'ab' jun sb'achnub'al cantil cha. A junjn cantil cha, 'ay stuboal tz'i'n b'ey yaceiteal.

Lc 12:8

Tzwal 'ayex, tzann̈j mach matz q'uixw yaln 'a sat eb' 'anma', to wic eb', an xo 'Ochnc in 'Anmal tic, 'oj wal eb' wico'oc 'a sat eb' yángel Dios.

Ro 9:33

Yaljnac Dios yab'xil Cristo 'a Ch'an̈ U'un̈, 'aj alb'il can 'ixtic: A 'a chon̈b' Sión, ata 'oj wa'cn 'och jun mach 'icha junc q'uen q'uen 'aj tztench eb' yoc, tztelw eb' yu'uj, 'ixta 'oj 'aj 'a sat eb'. Palta a eb' 'oj ya'ch sc'ojl 'a 'a, ma'oj somchjc 'el eb' yu'uj, xchi.

Apoc 14:14

Xlajw cha, xwilni, 'ay jun sac 'asun. Ax 'a yib'an̈, ata wocn q'ue jun 'icha 'anma yilxi. 'Ay q'ue jun corona nab'a oro 'a sjolom. Yamb'il jun jos yu'uj, caw jay ye.

Apoc 14:3

'Ay eb' tzb'itnan jun 'ac' b'it 'a yojltac sdespacho Dios, yet' 'a yojltac eb' querubín schan̈wn̈il, yet' pax 'a yojltac eb' 24 'ichmtac winac. May junc mach tztac' sc'ay jun b'it chi yu'uj. Cojxn eb' 144 mil colchjnac 'el 'a scal eb' 'anma 'a yolyib'n̈q'uinal, cojxn eb' tztac' sb'itnani.

Apoc 15:5

Xlajwn̈ej cha, xwilni, a 'a jun scajnub' Dios 'a satcha'an̈, 'ix jacw jun Lugar yicn̈ej Dios yaj sch'ocoj, atn jun 'aj molb'il sley.

Apoc 22:4

'Oj yil wal eb' sat. 'Oj 'och sb'i 'a snan̈l sat eb'.

Apoc 3:12

A eb' 'oj 'a'nc ganar ya'n techjoc, 'icha jun tzo'n̈ yoyl yatut in Diosal 'a yojol, 'ixta 'oj 'aj eb' wu'uj, yujto man̈x 'a b'a'n̈ 'oj 'eltc eb' ta'. 'Oj in tz'ib'c 'och sb'i in Diosal 'a eb', yet' sb'i schon̈ab', atn jun 'ac' Jerusalén 'oj 'emtc 'a satcha'an̈, 'a 'aj 'ayc' in Diosal cha. An̈jtona', 'oj in tz'ib'c pax 'och jun b'i 'a't 'a eb'.

Apoc 4:1

Xlajw cha, xwilni, 'ay jun puerta jacn 'a satcha'an̈. A jun 'ix aln 'ayn 'a b'ab'el, atn jun lajn sjaj yet' trompeta, a 'ix aln 'emt pax 'ayn 'ixtic: —Q'uen̈ta 'a tic. A 'aych 'oj in ch'ox jun tzo'n̈ tas tot 'oj jawoc, xchi 'ayin.

Apoc 6:8

Ax xwilni, 'ayc' junx chej caw c'an. A jun 'ay q'ue 'a yib'an̈, atn Chamel. Ax jun lugar 'aj 'ay spixn eb' chamnac, 'icha to a tza'n 'och yu'uj. A jun cha, 'ix 'ajx spoder 'a yib'n̈ eb' 'anma 'a yolyib'n̈q'uinal. Chan̈c'aj 'oj 'el eb'. Palta 'ay junc'aj eb' 'oj milxc chamoc. 'Oj cham eb' yuj owal, mto yuj wejel, mto yuj yab'il, mto yuj jun tzo'n̈ no chiwjum noc' 'ay smay.