Apoc 13:3 - Chuj San Sebastian Bible

³ A jun noc' sb'i cha, 'ay jun sjolm lajwnac. 'Icha to chamnc jun sjolm chi yuj jun lajwel cha. Palta xb'ox jun lajwnac cha. Yuj cha, caw 'ix sat sc'ojl smasnil eb' 'anma 'a yolyib'n̈q'uinl yu'uj, 'ix 'och eb' yet'oc.

Chuj San Mateo Bible

³ Axo jun Noc' sb'i chi', ay jun sjolom lajvinac. Ichato chamnac jun sjolom chi' yuj yechen chi'. Palta ix b'oxi. Yuj chi', ix te sat val sc'ool eb' anima d'a masanil yolyib'an̈q'uinal yuuj. Ix yac'anoch sb'a eb' yed'oc.

Apoc 13:3 Iomraidhean Croise

Ez 30:24

An 'oj wac' yip win sreyl Babilonia, ax wa'n wespada 'a yol sc'ab'. An 'oj in ma' wecchjoc sc'ab' win faraón cha, caw 'oj 'el yaw yab'n syal 'a yojltac win 'ajc'ojl cha.

Lc 2:1

A 'a yic jun tiempoal cha, a win yajl 'a Roma Augusto sb'i, a 'ix alni to tz'ijx q'ue wan sb'isl smasnil 'anma 'a yolyib'n̈q'uinl tic.

Jn 12:19

Ax ewin fariseo, 'ix laj yalnc ewin 'ixtic: —Man̈x 'a tas tztac' qui b'onec ticnec. 'Iltec eb' 'anma', c'uxn tzlaj 'och eb' yet' winac, xchi ewinac.

A Tas Sc'ulejnac Eb' Schecab' Jesús Hechos 8:13

'Ixta pax win Simón cha, 'ix ya'ch pax win 'a sc'ojol. 'Ix ya'n pax 'ajxc bautisar sb'a winac. Xlajwn̈ej cha, junxn̈ej x'ec' win yet' Felipe. 'Ay jun tzo'n̈ milagro 'ix sch'ox Felipe cha, caw niwn yel'chi. Yuj cha, caw 'ix sat sc'ojl win Simón chi yilni.

Apoc 13:12

Caw lajn spoder yet' jun b'ab'l noc' sb'i cha. 'Ix ya'n pural smasnil 'anma 'a yolyib'n̈q'uinal, yic tzyaln sb'a eb' 'a jun b'ab'l noc' sb'i cha, atn jun lajwnac jun sjolom, palta xb'oxi.

Apoc 13:14

'Ix 'ajx spermiso sch'oxn jun tzo'n̈ milagro chi 'a yojltac jun b'ab'l noc' sb'i cha. 'Ixta xyutj yixtn paxti eb' 'anma 'a yolyib'n̈q'uinal. 'Ix yaln pax 'a eb', to yowlal tzb'o eb' jun yechl jun b'ab'l noc' sb'i cha, atn jun lajwnac yuj q'uen espada, palta an̈ja pitzan.

Apoc 17:10

An̈jtona a uque sjolm cha, tzyal 'el'ch paxi, 'ay ucwn̈ niwc yajal. A eb' yajl chi yucwn̈il, own̈ eb' tox x'eq'ui. 'Ay jun 'ayt 'och yajlil ticnec. 'Ayt pax junx tot 'oj 'ochoc. A yic 'oj 'och junx cha, man̈x najtloc tiempo 'oj yac' yajlil.

Apoc 17:11

Ax jun noc' sb'i 'ayc' 'a pecti', palta man̈x 'ayc 'ec' ticnec, atn jun swajxquil yajl cha. Yitb'eym sb'a yet' eb' ucwn̈ cha. 'Oj lajwc cha, ax s'atcn 'a chaml 'a jun 'ejmn̈ej.

Apoc 17:13

A eb' lajn̈wan̈ cha, junn̈j 'oj yutc eb' snab'en ya'n yajlil. 'Oj yac' eb' spoder 'a jun noc' sb'i cha, ax ya'n pax eb' yopiso 'a 'a.

Apoc 17:17

Yujto a Dios 'oj 'a'nc sb'o eb' 'icha tznib'ej. Yuj cha, junn̈j 'oj yutc eb' sb'on jun cha. Ax ya'n pax eb' yopiso 'a jun noc' sb'i cha. 'Ixta 'oj yutc eb', sec tz'el'ch tas yaljnac can Dios.

Apoc 17:6

Ax xwilni, caw 'u'm 'an̈ 'ix yuj schic'l eb' yic xo Dios, atn eb' milb'il chamoc, yujto xyac' eb' testigoal sb'a yuj Jesús. Xcaw sat in c'ojl wiln jun cha.

Apoc 17:8

A jun noc' sb'i 'ix el tic, 'ayc' 'a pecti', palta man̈x 'ayc 'ec' ticnec. Palta 'oj q'ue paxt 'a jun xab' olan, yic mantzac 'at 'a chaml 'a jun 'ejmn̈ej. Ax eb' 'anma man̈ tz'ib'b'ilc sb'i 'a jun libro yic q'uinal, yictax mantzac b'o yolyib'n̈q'uinal, caw 'oj sat sc'ojl eb' yiln jun noc' sb'i chi 'ayc' 'a pecti cha. Yujto wach'xam man̈x 'ayc 'ec' ticnec, palta 'oj jawc pax 'a scha'ejmal.