Apoc 13:15 - Chuj San Sebastian Bible

¹⁵ Ax jun schab'l noc' sb'i cha, 'ix 'ajx spoder ya'n pitzwc jun yechl jun b'ab'l noc' sb'i cha. Yuj cha, 'ix paxtini. 'Ix smiln cham jantcn̈ej eb' matz yal sb'a 'a 'a.

Chuj San Mateo Bible

¹⁵ Axo jun schab'il Noc' sb'i chi', ix chaji yac'och spixan jun yechel chi'. Yuj chi' ix och ijan slolonq'uei, ix yalani to smiljicham masanil eb' max yaq'uem sb'a d'ay.

Apoc 13:15 Iomraidhean Croise

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Salmos 115:5

'Ay sti', palta matz tac' spaxtini; 'ay yol sat, palta matz tac' yilni;

Jeremías 10:14

Smasnil eb' 'anma tzya'ch jun tzo'n̈ yechl yipc sc'ojol, caw may snab'en eb', may tas yojc eb'. A eb' tenm q'uen cha, caw tzq'uixw 'el eb' yuj jun tzo'n̈ yechl tzb'o cha. A jun tzo'n̈ tzb'o eb' cha, may jac yel'chi, may spixan.

Jeremías 10:5

A jun tzo'n̈ yechl cha, lajn eb' 'icha xib'tnub'al ch'ic 'a scal junc 'awb'en. Matz tac' spaxtini, yowlal to tzcuchx b'eyc'oc, yujto matz tac' sb'eyi. Man̈ ex xiw 'a jun tzo'n̈ cha, yujto matz tac' sb'on tas tu', matz tac' pax sb'on tas wach', xchi Dios.

Jeremías 51:17

A wal eb' 'anma', yel xo may jac snab'en eb', toc tzq'uixw eb' jac yuj jun tzo'n̈ yechl tzlaj sb'o'. A jun tzo'n̈ yechl cha, man̈ pitznoc, ton̈j tzyac' satc sb'a eb' 'anma chi yuj eb'.

Dn 7:20

An̈jtona xin c'anb'n paxi, tas wal tzyal 'el'ch lajn̈e sch'ac no cha, yet' pax junx sch'ac tot xpac' q'uet cha. 'Ix stenn 'el 'oxe ch'ac chi 'a yet'l 'aj xq'ueli. Yel xo 'ec'b'al yel'ch 'a yib'n̈ jun tzo'n̈ xo yitb'eym cha. A jun sch'ac tot xpac' cha, 'ay yol sat, 'ay pax sti', caw tzb'an̈ sb'a yet' tas tzyala.

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Habacuc 2:19

'Oltacx wal ax cob' tzeyal 'ixtc 'a junc yechl to b'ob'il 'a te te': Pitzl a wayan̈, xe chi cob' 'a te'. Q'uen̈ wan lin̈an, colwjan̈ quet'oc, xe chi cob' 'a junc q'uen q'uen matz paxtini. A jun tzo'n̈ cha, toc tztac' sch'oxn junc tas 'ayex. Wach'xam cob' caw tzictzni yilx yuj oro mto yuj plata, palta may tas tztac' yu'uj, yujto may spixan.

Santiago 2:26

Toto cob' tzca'c 'och qui c'ojl 'a Dios calni, palta man̈ wach'c tzcutjec qui b'a, may yel'ch tas tzcalc cha. Lajn 'icha sniwnal junc chamnc 'anma man̈x 'a spixan.

Apoc 13:1

Ax xwilni, xq'uet jun noc' sb'i 'a yojl a mar. Uque sjolom, lajn̈e sch'a'ac. Ax a junjn sch'ac cha, 'ay q'ue scorona. Ax 'a junjn sjolm cha, ata tz'ib'b'il 'och jun sb'i. Caw maysch'olnil jun sb'i chi 'a sat Dios.

Apoc 13:12

Caw lajn spoder yet' jun b'ab'l noc' sb'i cha. 'Ix ya'n pural smasnil 'anma 'a yolyib'n̈q'uinal, yic tzyaln sb'a eb' 'a jun b'ab'l noc' sb'i cha, atn jun lajwnac jun sjolom, palta xb'oxi.

Apoc 13:14

'Ix 'ajx spermiso sch'oxn jun tzo'n̈ milagro chi 'a yojltac jun b'ab'l noc' sb'i cha. 'Ixta xyutj yixtn paxti eb' 'anma 'a yolyib'n̈q'uinal. 'Ix yaln pax 'a eb', to yowlal tzb'o eb' jun yechl jun b'ab'l noc' sb'i cha, atn jun lajwnac yuj q'uen espada, palta an̈ja pitzan.

Apoc 14:11

A wal jun 'aj 'oj yab' eb' syal cha, 'oj q'ue stab'l 'a smasnil tiempo. Wach'xam c'ual, wach'xam 'ac'wal, man̈x b'a'n̈ 'oj 'iljoc jac eb'. A eb' 'oj 'aj ta', atn eb' tzlaj yal sb'a 'a jun noc' sb'i, yet' 'a yechel, atn eb' xlaj schaj 'och senyail sb'i jun noc' chi 'a 'a, xchi jun ángel cha.

Apoc 14:9

Xlajwn̈ej cha, 'ay pax junx yoxl ángel tza'n yu'uj, caw 'ip yaln pax 'ixtic: —A wal eb' tzlaj yal sb'a 'a jun noc' sb'i, yet' 'a jun yechel, atn eb' xlaj schaj 'och senya 'a snan̈l sat, mto 'a sc'ab',

Apoc 16:2

Yuj cha, 'ix 'at jun b'ab'l ángel, x'at secnc 'ejm sb'al svaso chi 'a sat lu'um. Ax jantcn̈ej eb' 'aj 'aych senyail jun noc' sb'i, eb' xlaj yal sb'a 'a jun yechel, 'ix pitzw jun tzo'n̈ niwc yab'il 'a sniwnal eb'. Caw maysch'olnil, caw wal tzyab' eb' syal yu'uj.

Apoc 16:5

Ax xwab'ni, a jun ángel 'aych syajlilc a a cha, xyaln 'ixtic: —Mamin, ach Dios, cojxn ach wach' ach. 'Aych 'ec' ticnec, 'aych 'ec'n̈ej yictax pecti'. Caw tojl xotj a b'eyc'ojlan eb' yet' jun xa b'o tic.

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.

Apoc 17:17

Yujto a Dios 'oj 'a'nc sb'o eb' 'icha tznib'ej. Yuj cha, junn̈j 'oj yutc eb' sb'on jun cha. Ax ya'n pax eb' yopiso 'a jun noc' sb'i cha. 'Ixta 'oj yutc eb', sec tz'el'ch tas yaljnac can Dios.

Apoc 17:6

Ax xwilni, caw 'u'm 'an̈ 'ix yuj schic'l eb' yic xo Dios, atn eb' milb'il chamoc, yujto xyac' eb' testigoal sb'a yuj Jesús. Xcaw sat in c'ojl wiln jun cha.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Apoc 18:24

A 'a jun chon̈b' cha, ata x'ilchj schic'l eb' schecb' Dios, yet' schic'l jun tzo'n̈ xo eb' yic xo. Jantcn̈ej eb' milb'il cham 'a yolyib'n̈q'uinal, c'uxn 'oj 'ochcn schamlil eb' 'a yib'n̈ jun chon̈b' cha.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.

Apoc 20:4

Ax xwilni, 'ay jun tzo'n̈ despacho. Ata wocn 'ejm jun tzo'n̈ eb' 'ac'b'il yopiso sb'eyc'ojlwi. 'Ix wiln pax spixn jun tzo'n̈ eb' tzuc'b'il 'el sjolom, yujto ya'jnac testigoal sb'a eb' yuj Jesús, yaln pax 'el eb' spaxti Dios. A eb' cha, ma'ix yal sb'a eb' 'a jun noc' sb'i, yet' 'a jun yechel. Ma'ix schaj 'och eb' senyail 'a snan̈l sat mto 'a sc'ab'. Ax xwilni, pitzn eb'. 'Aych eb' yajlil jun mil ab'il yet' Cristo.