Apoc 12:8 - Chuj San Sebastian Bible

⁸ Palta ma'ix yac' ganar jun dragón chi yet' eb' yángel cha. Yuj cha, man̈x 'a yet'l eb' 'a satcha'an̈.

Chuj San Mateo Bible

⁸ Palta maj yac'laj ganar jun dragón chi'. Yuj chi' man̈xalaj slugar eb' ix ac'chaj d'a satchaan̈ chi'.

Apoc 12:8 Iomraidhean Croise

Job 20:9

A mach tz'iln xon eb' yet' eb' jun tz'ec' yet' eb', man̈x b'a'n̈ 'oj 'ilxoc eb' yuj eb'.

Job 7:10

man̈x b'a'n̈ tzc'ochx 'a yatut, man̈x 'aj 'oj yilch sb'a yet' eb' yican.

Job 8:18

Palta q'uinloc 'ay mach tz'ec' to'nc chan̈ te', man̈x 'a mach 'oj nanc coti, toto 'e'nc te ta'.

Salmos 129:2

Yic cochc can chon̈b'al, til wal eb' x'a'n cab' syail, palta ma'ix techj yuj eb' 'ayn̈ec.

Salmos 13:4

Comnoc matz yal eb' 'ajc'ojl chi wuj 'ixtic: Caw xcac' ganar stelwi; man̈ xchic cab' eb'. A eb' 'ajc'ojl cha, caw 'oj tzaljoc eb', toto tzin somchji.

Salmos 37:10

Yic xoj jaye c'u, ax satchan̈ eb' maysch'olnil sb'eyb'al, wach'xam 'oj qui sayc 'ec' eb', toxn man̈x 'oj 'ilchjoc eb' cujec.

Jeremías 1:19

'Oj yac' eb' owl et'oc, palta ma'oj ach yac' ganar eb', yujto caw 'aynn̈ej 'och et'oc, yic tzach in colni. An Jehová in, an tzwala, xchi 'ayin.

Jeremías 5:22

An Jehová in, an tzwala: Ax tic, caw may jac wel'ch 'a e sat, matz ex xiw xon jac 'ayin. An in b'ojnac 'ejm q'uen arena smacnb'ilc stitc a mar, sec matz 'e't a 'a yib'n̈ q'ue'en. Wach'xam caw ow sq'ue wan chel-loc a', wach'xam caw ow yib'x sat a', palta matz 'ec' a 'a yib'n̈ jun cha. Wach'xam 'ixta in yet' in poder, palta caw matz ex xiw jac 'ayin.

Mt 16:18

An tzwal 'ayach, ach ton Pedro ach. (A Pedro tzyal 'el'chi, q'ue'en.) A 'a yib'n̈ jun niwquil q'uen tic 'oj in b'o wiglesia. A jun wiglesia tic, toxn ma'oj lajwc yuj chamel.

A Tas Sc'ulejnac Eb' Schecab' Jesús Hechos 1:25

sec wach' 'oj 'och yopiso schecb'oc Jesucristo. Yujto 'ix 'ijx 'el win Judas 'a yopiso yuj smul. 'Ix 'at 'a jun lugar 'aj smoj tzc'ochi, xchi eb'.

San Judas 1:6

An̈jtona', tze nan cot tas yaj jun tzo'n̈ eb' ángel, atn eb' yijnac 'el sb'a 'a yopiso, yactn can eb' yet'ul. Jalxnac can 'och q'uen cadena 'a eb' 'a jun 'ejmn̈ej. A ticnec, preso yaj eb' 'a q'uic'q'uinl yuj Dios. 'Ixta yajcn eb', masnto 'oj jawc jun c'u caw niwn yel'chi, atta 'oj b'eyc'ojlaxc eb'.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.

Apoc 12:7

An̈jtona', 'ix 'och jun niwquil owl 'a satcha'an̈. A jun sat ángel Miguel sb'i, yet' eb' yit ángelal, 'ix yac' eb' owl yet' jun dragón cha. Ax jun dragón cha, yet' eb' yángel, xyac' pax eb' owl yet' eb'.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.