Apoc 12:7 - Chuj San Sebastian Bible

⁷ An̈jtona', 'ix 'och jun niwquil owl 'a satcha'an̈. A jun sat ángel Miguel sb'i, yet' eb' yit ángelal, 'ix yac' eb' owl yet' jun dragón cha. Ax jun dragón cha, yet' eb' yángel, xyac' pax eb' owl yet' eb'.

Chuj San Mateo Bible

⁷ Ix yamchajoch oval d'a satchaan̈. Ay jun sat ángel scuch Miguel yed' eb' yetángelal, ix yac' oval eb' yed' jun dragón chi'. An̈eja' jun dragón chi' yed' eb' yángel, ix yac'pax oval yed' eb'.

Apoc 12:7 Iomraidhean Croise

Salmos 78:49

'Ix ya' cot Dios yowl sc'ojol yet' sc'a'lc'ojlal 'a yib'n̈ eb' 'aj Egipto cha, yuj cha, 'ix schecn cot yailal, somc'ojlal yet' chamel.

Is 34:5

A 'a satcha'an̈ ata 'oj sch'ox cot Jehová yespada, ax 'a yib'n̈ Edom 'oj 'emoc, yujto a jun chon̈b' cha, tox 'ix 'ajx 'och chaml 'a yib'an̈.

Is 55:4

An wa'jnac 'och David chi testigoal 'a sat jun tzo'n̈ nacion̈, yic tzjucb'tzani mto yic tzya'n yajlil 'a jun tzo'n̈ xo chon̈ab'.

Dn 10:13

A jun ángel yajl yaj 'a yol yic Persia, a in yamn 'och wan junschawinc c'ual. Ax pax Miguel, atn jun ángel sat yajl yaji, a xjaw colwjoc wet'oc, 'ix cancn 'a stz'ey eb' syajlil Persia cha.

Dn 12:1

A 'a yic jun tiempoal cha, 'oj 'och wan jun ángel Miguel, atn jun sat yajal, stan̈mal pax eb' et israelal. A yic jun tiempoal cha, caw wal niwquil jun yailal cha. Mant 'a jun 'ejmoc ujnac jun chi 'ixta', 'a yictax yel yich spitzw jun tzo'n̈ nacion̈. A 'a yic jun tiempoal cha, 'oj colchjoc can 'el smasnil eb' et chon̈ab', atn eb' tz'ib'b'il sb'i 'a ch'an̈ libro.

Mt 13:41

An 'Ochnc in 'Anmal tic, 'oj in chec cot eb' wángel. C'uxn 'oj 'ec' smolb'tzoc eb' jun tzo'n̈ eb' tz'a'n juwc 'el snab'en eb' yit 'anma'il, yet' jun tzo'n̈ xo eb' tzb'on maysch'olnil. C'uxn 'oj 'ijxc 'el eb' 'a 'aj 'oj woch Yajlil.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 24:31

Ax q'uen trompeta, caw 'ip 'oj 'oc' q'ue'en, an xo 'Ochnc in 'Anmal tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinl tic. 'Oj 'ec' 'ijx cot eb' 'aj tzlajw c'och yolyib'n̈q'uinal, masnto 'a yib' cha'an̈.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Mt 26:53

¿Tom man̈ ojcoc, toto tzin nib'j tzin c'an 'a qui Mam Dios, 'ec'b'al 72 mil eb' ángel 'oj yac' cot in wul colnc muc'uc?

2 Co 12:7

A jun tzo'n̈ tas ch'oxb'il 'ayn 'a satchan̈ cha, yel xo wal niwn yel'chi. 'Ay smay in b'an̈n in b'a yu'uj. Yuj cha, 'ay jun yailal 'ajxnac 'ayn yuj win Satanás, sec tzin yixtej. A jun cha, caw lajn 'icha junc niwquil q'uix tztecx 'och 'ayin. 'Ixta 'ajnc in, sec matz in b'an̈ in b'a.

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

2 Ts 1:7

Wan eyab'n syal quet' on̈. Palta at 'oj jawc pax Cajlil Jesús, ax ya'n Dios sniwnal qui c'ojlec. 'Oj cot Cajlilec yet' eb' yángel 'a satcha'an̈, atn eb' caw niwn spoder. A yic 'oj 'emloc eb', 'aych eb' 'a scal jun c'ac' tzn̈ilchji.

A Ch'an̈ Carta D'a Eb' Hebreo 2:10

B'ob'il smasnil tas yuj Dios, sec chequel to niwn yel'chi. Tznib'ej, to a smasnil eb' yunnal, 'oj tz'acwc swach'l eb' 'icha swach'il. Yuj wal cha, yowlal xyab' Jesucristo qui Colmal syail. 'Ixta x'aj stz'acw 'el'ch yuj Dios.

A Schab'il Carta San Pedro 2:4

Qui nac cot tas 'ajnc eb' ángel 'ochnc smul 'a Dios. Toxn ma'ix yac' niwnc'ojlal 'a eb'. Ton̈j xya'cn 'at eb' 'a infierno. Jalb'il can eb' ta yet' q'uen cadena. Preso yajcn eb' 'a q'uic'q'uinl ticnec, masnto 'oj b'eyc'ojlaxc eb'.

San Judas 1:9

Tzqui nacc cot jun sat ángel Miguel sb'i, ya'jnac owl yet' win diablo 'a jun 'el, yic sten sb'a yet' win yuj sniwnal Moisés. A Miguel cha, wach'xam caw niwn spoder, palta ma'ix ste'wtzej sb'a sb'uchwj 'a win diablo cha. Ma'ix yal smul winac. Cojn 'ixtc xyutj yaln 'a winac: Comnoc a Dios 'oj a tumni, schin̈j 'a winac.

Apoc 12:8

Palta ma'ix yac' ganar jun dragón chi yet' eb' yángel cha. Yuj cha, man̈x 'a yet'l eb' 'a satcha'an̈.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

Apoc 13:7

An̈jtona', 'ix 'ajx pax spermiso ya'n owl yet' eb' yic xo Dios, masnto xyac' ganar scan eb' 'a yaln̈ yu'uj. 'Ix 'ajx yopiso ya'n yajlil 'a yib'n̈ smasnil 'anma 'a junjn chon̈ab', 'a junjn nacion̈. Toxn̈ej chucch 'in̈tal eb', toxn̈ej chucchc til tzyal eb', c'uxn 'ix 'ajx mandar eb' yu'uj.

Apoc 20:2

'Ix c'och 'a win dragón yic tzyamn coti. A win dragón cha, atn jun ya'jnac 'och sb'a chanl 'a pecti', atn win diablo, win Satanás. Ax jun ángel chi 'ix jaln winac. Jun mil ab'il 'oj jalx can win yu'uj.