Apoc 12:15 - Chuj San Sebastian Bible

¹⁵ Ax jun chan cha, 'ay wal jun niwquil a xpitzw chan̈ yu'uj. A 'a yol sti tz'el-li. Yujto tznib'j a jun a chi tz'ec' 'i'nc 'at 'ix.

Chuj San Mateo Bible

¹⁵ Axo jun Chan sb'i ayoch d'a spatic ix chi', ay val jun nivan a' ix elta d'a yol sti', sgana a jun a' chi' tzec' leman ix.

Apoc 12:15 Iomraidhean Croise

Gn 3:1

Palta a no chan yel xo wal jeln no 'a yib'n̈ smasnil no calte'al noc' sb'o Jehová Dios. Xyaln no 'a 'ix 'ix 'ixtic: —¿Tom yel 'ix yal Dios, to matz e lo sat smasnil te 'awb'ente tic? xchi no'.

Salmos 18:4

A smay chamel, 'ix 'ec' oyyoc 'a in patic. 'Ix jaw xiwc'ojlal 'ayn yuj eb' milm 'anma', 'icha junc a 'elmal a caw 'ay yip.

Salmos 65:7

Tza'n 'och wan yib'x sat a mar, tza'n pax 'och wan sb'uylji eb' niwc chon̈b' ya'n owal.

Is 28:2

'Ay jun winc sic'b'il 'el yuj Jehová, a jun cha caw wal 'ay yip, caw jeln 'a owal. 'Oj jawc yet' yip 'icha tz'aj sjaw yaxn̈ab' yet' sacb'atil, 'icha pax tz'aj sjaw chacxuxm'ic' yic tzyutz'n telwc smasnil tas, 'icha pax yic tzya'n yowl a b'eymal a sb'eyi. Yuj wal yip cha, ax slan̈chj can 'ejm Samaria smasnil.

Is 59:19

Smasnil 'anma 'a yolyib'n̈q'uinl tic, caw wal 'oj xiw eb' yiln sjaw Jehová yet' spoder. Niwn pax yel'ch 'a sat eb', atn eb' cajn 'a stojlal 'aj tzq'uel c'u yet' 'a stojlal 'aj tz'em c'u. Yujto 'icha wal sjaw a 'elmal a 'aych yic'al, caw 'ay smay, 'ixta wal 'oj jawoc.

Is 8:7

An xo, 'icha to 'oj wac' pul'tzjoc 'el a niwn a Éufrates 'a sb'e, 'oj c'och mayn a 'a Judá. 'Oj macchjoc el lum lum chi yuj a', 'oj q'ue'choc xab'l a 'a sjaj 'anma'. (Tzyal 'el'chi, atn win sreyl Asiria yet' smasnil eb' soldado.) 'Ixta 'oj yutc win smacn 'ec' a lum ach Emanuel, xchi.

2 Co 11:3

Palta tzin xiwi, toq'ue 'icha 'ajnc 'ix Eva yixtx paxti yuj sjelnal jun ya'jnac 'och sb'a chanil, toq'ue 'ixta tzex 'aj eyixtx paxti jun xo. Lemb'il yuj cha, ax eyi'n 'el e nab'en 'a Cristo. Lemb'il man̈x tojloc 'oj eyutc e b'a 'icha tznib'ej.

Apoc 12:16

Palta a lum lum xcolwj 'a 'ix. 'Ix jacw jun niwquil xab' oln 'a lu'um. An̈jta 'ix satcn 'ejm jun niwquil a chi x'elt 'a yol sti cha.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

Apoc 17:15

Xlajw cha, xyaln pax 'ayn 'ixtic: —A jun tzo'n̈ a mar 'ix ela, 'aj wocn q'ue 'ix 'ajmul 'ix, tzyal 'el'chi, atn jun tzo'n̈ chon̈ab', jun tzo'n̈ nacion̈, yet' eb' 'anma 'a junjn chucchc ti'al.

Apoc 20:2

'Ix c'och 'a win dragón yic tzyamn coti. A win dragón cha, atn jun ya'jnac 'och sb'a chanl 'a pecti', atn win diablo, win Satanás. Ax jun ángel chi 'ix jaln winac. Jun mil ab'il 'oj jalx can win yu'uj.