Apoc 12:10 - Chuj San Sebastian Bible

¹⁰ Xlajw cha, xwab'n yoch jun paxti 'a satcha'an̈, caw 'ip yaln 'ixtic: —A ticnec, 'ix checlj 'el jun colnb'il tzyac' qui Diosal. A ticnec, 'ix sch'oxo, to caw 'ay spoder, Yajl yaji. Ax Cristo 'ix sch'oxni, to a Yajl yaj 'a smasnil. Yujto a win Satanás, atn win 'a'm queja 'a spatc eb' quit creyenteal, 'ix julx can 'el winac. A win cha, sc'ual yac'wlil ya'n queja win eb' 'a qui Diosal.

Chuj San Mateo Bible

¹⁰ Ix lajvi chi', ix vab'an yoch jun av d'a satchaan̈. Te chaan̈ ix yala': A ticnaic ix checlajel jun colnab'il syac' co Diosal. Scheclaj spoder to Yajal yaji. Ix checlajpaxi to a Cristo Ac'b'il Yopisio yuuj, a ix ch'oxaneli to a' scuchb'an masanil. Yujto a vin̈ tz'ac'anoch d'a yib'an̈ eb' yicxo Dios, ix yumjicanel vin̈. A vin̈ chi', d'a c'ual d'ac'val ix yac' sc'ool co Diosal vin̈ d'a spatic eb'.

Apoc 12:10 Iomraidhean Croise

1 Cr 29:11

Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

Job 1:11

Palta q'uinloc tzej 'ec' tas 'ay 'a yol sc'ab' winac, 'oj ela', checlton ma'oj a b'uchx yuj winac, xchi win 'ajc'ojl cha.

Job 1:9

Xyaln win 'ajc'ojl chi 'ixtic: —'Ix wilcn winac, palta man̈ nab'aoc wach' tzach yutj win ach ya'n servil,

Job 2:5

Palta q'uinloc tza'ch syailal win Job 'a sniwnal, 'oj ela', checlton ma'oj a b'uchx yuj winac, xchi.

Salmos 22:28

yujto Rey ach. Ach tzac' yajlil 'a yib'n̈ smasnil nacion̈ 'a yolyib'n̈q'uinl tic.

Salmos 45:6

Ach in Diosal Reych 'a smasnil tiempo. Ach tic 'aych 'och Yajlil, caw tojln̈ej tzotj a b'eyc'ojlwi.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Mt 26:64

—An ton 'icha tzal tic. Tzwal pax 'ayex, to an 'Ochnc in 'Anmal tic, 'oj in eyila', wocn in 'ejm 'a swach' c'ab' Dios, atn jun niwn spoder, 'oj eyil pax weml 'a scal 'asn 'a satcha'an̈, xchi.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Mt 6:10

'Ochn̈ yajlil 'a tic. B'o cab' 'icha tza nib'j 'a yolyib'n̈q'uinl tic, 'icha tzb'o 'a satcha'an̈.

Lc 11:2

Yuj cha, xyaln Jesús 'ixtc 'a eb': —A yic tzex leslwi, 'ixtc tzeyutj eyalni: Ach qui Mam, 'aych 'ec' 'a satcha'an̈, niwn yel'ch cab' a b'i. 'Ochc ach cab' Yajlil 'a tic, [b'o cab' 'icha tza nib'j 'a yolyib'n̈q'uinl tic, 'icha tzb'o 'a satcha'an̈.]

Lc 22:31

'Ix yaln Cajlil 'ixtic: —Simón, 'ab'i, a win Satanás, caw 'ix sc'an win spermiso 'a Dios, yujto tznib'j win tzex yac' prowal 'icha tz'aj 'ixm trigo tzchayxi.

1 Co 5:4

Yuj cha, yowlal tzeyam e b'a ta 'a sb'i Cajlil Jesucristo. An xo tic, 'icha to 'oj in c'och eyet' ta'. An̈jtona', 'oj 'och Cajlil Jesús eyet'oc, ax ya'n spoder 'ayex.

2 Co 12:9

Palta 'ixtc yutj yaln Cajlilec chi 'ayin: A in wach'c'ojlal, colb'iln̈ej 'ayach. Yujto a mach may spoder 'a yol yico', ata tzwach' checlj 'el in poder an tic, xchi 'ayin. Yuj cha, wach'xam may wel'ch an tic, palta caw tzin tzalji, sec tzwach' 'a'j Cristo spoder 'ayin.

Tito 2:3

Yet' pax 'a eb' chichmtac 'ix, tzal 'a eb', to yowlal wach' tzyutj eb' sb'eyb'al 'icha tznib'j Dios. Man̈ comnoc tzyal eb' speclal eb' yit 'anma'il. Caw matz tac' yu'n pax eb' 'an̈. Yowlal tzch'ox eb' swach' b'eyb'al,

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Apoc 2:26

A eb' 'oj 'a'nc ganar ya'n techjoc, eb' an̈ja tzb'on 'icha tzin nib'ej masnto chamel, atn eb' 'oj wa'ch yopiso yajlilal 'a jun tzo'n̈ nacion̈.

Apoc 7:10

'Ix 'awj chan̈ eb' smasnil, 'ix yaln eb' 'ixtic: A qui Diosalec, wocn 'ejm 'a sdespacho, a x'a'n qui colnb'ilec. An̈jtona', yet' jun tzcuch Calnelu, locn x'a'n pax qui colnb'ilec, xchi eb'.