Apoc 11:3 - Chuj San Sebastian Bible

³ 'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.

Chuj San Mateo Bible

³ A chavan̈ eb' in testigo, ol vac' yopisio eb' yalanel in lolonel d'a mil 260 c'ual. Ol yac'och jun spichul eb' ya sva'i, yic chequel to cusc'olal yaj eb', xchi.

Apoc 11:3 Iomraidhean Croise

Gn 37:34

Xlajwn̈ej cha, stzilnjat win Jacob spichul, xya'n 'och win jun spichl tzch'oxn 'el scusc'ojlal, caw niwn tiempo x'oc' win yuj schamlil jun yunnal cha.

A Ch'an̈ Schab'l Libro Samuel 3:31

Xlajw cha, xyaln David 'ixtc 'a Joab yet' 'a smasnil eb' ajun yet'oc: Tzilcjat e pichul, tzeya'n pax 'och jun tzo'n̈ pichl n̈achtac sat, 'ochn̈ec 'a cusc'ojlal yuj schamlil Abner, xchi. Ax rey David 'ix 'och tza'n yuj eb' b'achjnac scaxail Abner.

A Ch'an̈ B'ab'el Libro Yic Yab'ixal Eb' Rey 21:27

A yic xlajw yab'n win Acab jun tzo'n̈ paxti cha, 'ix stziln jat spichul, ax jun tzo'n̈ pichl n̈achtac sat, a 'ix ya'chi, 'ix ya'n 'och sb'a 'a c'ajb'c'ojlal. 'Ix way win yet' jun tzo'n̈ pichl yic najb'al cha, caw wal tzcus winac yic tz'eq'ui.

A Ch'an̈ Schab'il Libro Yic Yab'ixal Eb' Rey 19:1

A yic 'ix yab'n win rey Ezequías tas 'ix alx cha, 'ix stziln jat win spichul, ax pichl n̈achtac sat xya'ch yuj cusc'ojlal. Xlajw cha, 'ix 'at 'a yatut Jehová.

1 Cr 21:16

A yic 'ix q'ue q'ueln David, 'ix yilni to 'ayc' jun ángel chi 'a snan̈l satcha'an̈ yet' lum lum tic, yamb'il chan̈ jun espada yu'uj, wan stojlb'tzan 'at 'a Jerusalén. Yuj cha, 'ix 'em n̈ojn yet' eb' yichm wincal chon̈ab', masnto squil 'ejm eb' snan̈l sat 'a sat lu'um, 'aych te pichl n̈achtac sat yic tzch'oxn 'el eb' scusc'ojlal.

Nehemías 9:1

A 'a yic 24 yoch yucl 'uj cha, 'ix syamn sb'a eb' israel yic tz'och eb' 'a c'ajb'c'ojlal, xya'n 'och eb' spichl n̈achtac sat yuj scusc'ojlal, sjopnq'ue eb' lum 'a sjolom.

Job 16:15

Caw wal tzin cus si'mb'il, xwa'n 'och jun tzo'n̈ in n̈achtac pichl yuj cusc'ojlal, ax smasnil tas 'ay 'ayin, c'uxn 'ix lajw 'ejmi.

Salmos 69:11

Toto a 'in pichl n̈achtac sat tzwa'ch yuj cusc'ojlal, caw wal tzetztac xoj wilx 'a scal eb' 'anma smasnil.

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Jeremías 1:10

A ticnec tzach in checb't 'a jun tzo'n̈ xo nacion̈ yic tzaln yab' eb' to 'oj jawc yailal 'a yib'n̈ eb', 'oj satl eb', ax slan̈chj 'ejm schon̈b' eb'. 'Ay eb' chon̈b' chi 'oj satl 'a jun 'ejmn̈ej, 'ay pax eb' 'oj b'ox cha'an̈, xchi.

Lm 2:10

A eb' yichm wincal chon̈b' Sión, sictac xoj yaj eb', wocn 'ejm eb' 'a sat lu'um. Tzlaj sjopn q'ue eb' pococ 'a sjolom, tzya'n 'och eb' jun tzo'n̈ pichl n̈achtac sat. Ax eb' 'ix cob'stac 'ix 'aj Jerusalén, c'uxn tzlaj 'em quiln sat eb' 'ix 'a sat lu'um.

Ez 4:6

A yic 'oj tz'acwc stiempoal jun chi o'oj, ax e'x t'ocn 'a a wach' c'ab', yuj smul eb' yin̈tl Judá. Chawinc c'u 'oj a canx t'ocn ta', tzyal 'el'chi junjn c'u 'a junjn ab'il.

Dn 12:7

Ax jun winc 'aych te pichl nab'a lino chi yu'uj, 'ix ya'n q'ue sc'ab' schab'l 'a satcha'an̈, 'ix ya'n sti 'a yojltac jun Dios pitzn 'a jun 'ejmn̈ej, xyaln 'ixtic: A yic 'oj lajwc 'ec' nan̈lschan̈l ab'il, 'a yic 'oj lajwc yixtx 'el sjelnal eb' schon̈b' Dios, atta 'oj lajwc 'ec' smasnil jun tzo'n̈ tic, xchi.

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Dn 8:14

'Ix ta'w junx ángel chi 'a 'ixtic: A jun tic, 'ayc'n̈ej masnto 'oj tz'acwc 'ec' 2,300 yemc'ual yet' yic sq'uin̈b'il 'aj man̈x 'oj 'ajxoc xajmb'al. Atta 'oj lajwc 'ec' jun tzo'n̈ tic. 'Ixta to b'i'an, ax yijx 'el tas man̈ wach'c 'aych 'a yojl scajnub' Jehová, xchi junx ángel cha.

Jl 1:13

A wal ax tic ex ya'mal 'och qui ti 'a Dios, ex tzex 'a'w servil 'a jun yet'l xajmb'al, 'a'c 'och e pichl n̈achtac sat yic cusc'ojlal. 'Ochn̈ec 'a yojl yatut Dios yuj tan̈j 'ac'wal. 'O'n̈ec yuj yailal, yujto a 'a yatut Dios man̈x 'a 'ixm trigo yet' yal uva tz'ajx ofrendail.

Jonás 3:5

Ax eb' 'anma cajn 'a jun niwquil chon̈b' cha, eb' 'ichm 'anma' yet' eb' 'unin, 'ix ya'ch eb' sc'ojl 'a Dios. 'Ix 'och eb' 'a c'ajb'c'ojlal, 'ix ya'n 'och eb' te pichl n̈achtac sat, 'ixta xyutj eb' sch'oxn 'el scusc'ojlal yuj smul.

Jonás 3:8

Palta a quiquec to tzca'c 'och te pichl n̈achtac sat, yic tzqui ch'oxnec 'eli, to tzon̈ cusi, yet' pax no cajb'en noc'. Leslw coyc 'a Dios yet' 'a smasnil quip. Tzlajw cha, tzcactnec qui b'on smasnil maysch'olnil tzlaj qui b'o'ec, man̈x quixtquec eb' 'anma'.

Nm 11:26

'Ay chawn̈ eb' winc 'aych sb'isloc eb' 70 cha, jun win tzcuch Eldad, ax junx win tzcuch Medad. A eb' chawn̈ cha, ma'ix c'och eb' 'a 'aj 'ay scajnub' Dios, 'ix can eb' 'a camplamento, palta locn eb' 'ix chan jun espíritu cha. 'Ix syamn 'och eb' spaxtin 'icha junc schecb' Dios 'a camplamento cha.

Mt 11:21

—A wal ex 'aj Corazín, caw 'oltac ex. Yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix snajnac sb'a eb'. Tox 'ix ya'ch eb' jun tzo'n̈ pichl n̈achtac. Tox am 'ix yac' q'ue eb' stan̈l c'ac' 'a sjolom, sec tzcheclji, to caw tzcus eb' yuj smul.

Mt 18:16

Palta toto matz chaj yab' 'ayex, wach' tzeyij 'at jun chawn̈oc mach tz'at alnoc eyet' 'a 'a. 'Ay cab' chawn̈oc mto 'oxwn̈oc testigo, sec wach' 'ay yip smasnil tas tzalxi, 'icha tzyal 'a spaxti Dios tz'ib'b'il cani.

Lc 10:13

A wal ex 'aj Corazín, caw 'oltac ex, yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix am snajnac sb'a eb' 'anma cha. Tox am xya'ch eb' jun tzo'n̈ pichl n̈achtac, yet' stan̈l c'ac' tzyac' q'ue eb' 'a sjolom, sec tzcheclji, to caw tzcus eb' yuj smul.

Lc 24:48

Ax tic, 'oj eyac' testigoal e b'a yuj jun tzo'n̈ tic.

Jn 15:27

An̈jtona', 'ixta 'ex, 'oj eyac' pax testigoal e b'a wu'uj, yujto jun 'e'nc ex wet'oc yictax yel yich in munljel tic.

Jn 3:27

Yuj cha, xyaln pax 'a eb' 'ixtic: —May junc mach tztac' scomn 'och yopiso, toto man̈oc Dios tz'a'n 'a 'a.

A Tas Sc'ulejnac Eb' Schecab' Jesús Hechos 1:8

Palta 'oj yac' Dios spoder 'ayex, yic 'oj 'ochcn Yespíritu 'ayx junjn ex. 'Oj lajwc cha, ax eyaln 'el wab'xil 'a Jerusalén tic, 'a smasnil yol yic Judea yet' 'a Samaria, masnto 'a jun tzo'n̈ xo lugar 'a 'aj tzlajw c'och yolyib'n̈q'uinl tic, xchi 'a eb'.

A Tas Sc'ulejnac Eb' Schecab' Jesús Hechos 13:31

Xlajw cha, niwn to sc'ul 'ix 'ec' yet' eb' scuywum, atn eb' cotnc yet' 'a Galilea xc'och eb' yet' 'a Jerusalén, yic mantzac chami. A eb' cha, wan yaln 'el eb' yab'xil 'a scal eb' 'anma ticnec.

A Tas Sc'ulejnac Eb' Schecab' Jesús Hechos 2:32

A Jesús tic, a Dios x'a'n pitzwc paxi. Qui masnil on̈, tzca'ch qui b'a testigoal yuj jun tic, yujto xquil on̈.

A Tas Sc'ulejnac Eb' Schecab' Jesús Hechos 3:15

'Ixta xeyutj eya'n milxc cham jun tz'a'n q'uinal. Palta a Dios 'ix 'a'n pitzwc pax 'a scal eb' chamnac. A jun tic, caw tzca'ch qui b'a testigoal yuj on̈.

1 Co 12:28

Yuj cha, 'ayn̈ec xyac' Dios copisoec 'a yiglesia. B'ab'el, 'ayn̈ec schecb' Cristo cajec. Schab'il, 'ayn̈ec tz'ajx copisoec caln 'el spaxti Dios. Yoxil, 'ayn̈ec cuywjum on̈ec. An̈jtona' 'ayn̈ec tzqui ch'oxl milagro. 'Ayn̈ec tztac' ca'n b'oxc sc'ojl eb' ya'ay. 'Ayn̈ec tztac' tzon̈ colwji. 'Ayn̈ec tzon̈ 'a'w cuenta. 'Ayn̈ec pax tztac' tzon̈ paxtinec 'a jun tzo'n̈ chucchc ti'al.

2 Co 13:1

Yox'ejmal tic 'oj in 'atx ex wila'. Junjn tas 'oj b'o'oc, yowlal 'ay chawn̈oc, mto 'oxwn̈oc testigo 'oj alnoc, ax sb'o'i.

Ef 4:11

Yuj cha, a tz'a'n copiso junjn on̈ec. 'Ayn̈ schecb' caji. 'Ayn̈ tzyac' cal-l spaxti'. 'Ayn̈ tzcal-l wach' 'ab'x yic colnb'il. 'Ayn̈ tz'ajx quil eb' quit creyenteal, tzqui cuyn pax eb'.

Dt 17:6

A jun chaml cha, tz'ajx 'och 'a yib'n̈ junc mach toto 'ay chawn̈oc mto 'oxwn̈oc testigo tz'iln jun 'anma cha. Palta toto cojn junc mach tzyac' testigoal sb'a yuj junc mul cha, matz tac' yoch chaml 'a yib'n̈ jun 'anma cha.

Dt 19:15

Toto cojn junc mach tzyac' testigoal sb'a yuj junc 'anma tz'och smul, matz tac' yoch 'a yib'an̈, masnto 'ay chawn̈oc mto 'oxwn̈oc tzyac' testigoal sb'a yuj smul cha, 'ixta b'i'an tz'och 'a yib'an̈.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

Apoc 11:2

Ax yamq'uil sti', man̈ echtoc. Yujto a jun cha, 'ac'b'ilx 'a eb' man̈ israeloc. A eb' cha, 42 'ujl 'oj stec' 'ejm eb' jun chon̈b' yic Dios cha.

Apoc 11:6

A eb' testigo cha, 'ay spoder eb' smacn 'och wan n̈ab', sec man̈xtzac yac' n̈ab' yic tz'ec' yalnc 'el eb' spaxti Dios. 'Ay pax spoder eb' ya'n 'och a a chic'al. Tzta'n̈j ya'n 'och eb' tzann̈j yailal 'a yolyib'n̈q'uinal, a tzyala 'aj tznib'j eb'.

Apoc 12:6

Ax jun 'ix cha, x'at 'elc 'a cusltac lu'um. Ata 'ay jun yet'l b'ob'ilx yuj Dios, 1,260 c'u 'ix 'ajx wa ta'.

Apoc 13:5

'Ix 'ajx pax spermiso jun noc' sb'i cha, yic tzyaln jun tzo'n̈ maysch'olnil yet' b'uchwal paxti 'a Dios. 42 'ujl 'ix 'ajx spermiso ya'n yajlil.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.

Apoc 20:4

Ax xwilni, 'ay jun tzo'n̈ despacho. Ata wocn 'ejm jun tzo'n̈ eb' 'ac'b'il yopiso sb'eyc'ojlwi. 'Ix wiln pax spixn jun tzo'n̈ eb' tzuc'b'il 'el sjolom, yujto ya'jnac testigoal sb'a eb' yuj Jesús, yaln pax 'el eb' spaxti Dios. A eb' cha, ma'ix yal sb'a eb' 'a jun noc' sb'i, yet' 'a jun yechel. Ma'ix schaj 'och eb' senyail 'a snan̈l sat mto 'a sc'ab'. Ax xwilni, pitzn eb'. 'Aych eb' yajlil jun mil ab'il yet' Cristo.