Apoc 11:2 - Chuj San Sebastian Bible

² Ax yamq'uil sti', man̈ echtoc. Yujto a jun cha, 'ac'b'ilx 'a eb' man̈ israeloc. A eb' cha, 42 'ujl 'oj stec' 'ejm eb' jun chon̈b' yic Dios cha.

Chuj San Mateo Bible

² Axo yamaq'uil sti', man̈ echtejlaj, yujto a jun chi', ac'b'ilxo d'a eb' man̈ israeloc. 42 ujal ol stec'canem schon̈ab' Dios eb'.

Apoc 11:2 Iomraidhean Croise

Salmos 79:1

Ach qui Diosal on̈, 'ix wul stoc'c' eb' chuc chon̈b'al lum a lum tic. 'Ix yixtj 'el eb' atut, xlajw cha, sma'n can juwc eb' chon̈b' Jerusalén.

Is 48:2

Tzeyala to cob' 'aj chon̈b' ex 'a in chon̈ab', tzin eya'n 'och cob' yipc e c'ojl eyalni. An e Diosal in tic, Jehová in b'i, tztac' wuj smasnil.

Is 5:5

Ax ticnec, 'oj wal 'ayex tas 'oj wutc jun munljel tic: 'Oj wi'l scol-lal, sec 'oj lajwc can pax 'ejmi. 'Oj jacx can 'el scol-lal cha, sec 'oj te'xoc can 'ejm yuj no noc'.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Lm 1:10

A eb' 'ajc'ojl yajch 'a Jerusalén, tox 'ix yij 'ec' eb' smasnil sricoal jun chon̈b' tic. 'Ix yiln pax eb' 'anma yoch eb' 'ajc'ojl chi 'a yol scajnub' Dios, atn jun tzo'n̈ 'anma yaljnac Dios to matz tac' yochi.

Ez 4:6

A yic 'oj tz'acwc stiempoal jun chi o'oj, ax e'x t'ocn 'a a wach' c'ab', yuj smul eb' yin̈tl Judá. Chawinc c'u 'oj a canx t'ocn ta', tzyal 'el'chi junjn c'u 'a junjn ab'il.

Ez 42:20

'Ix yechtej jun winc chi schan̈paq'uil sti slumal yatut Dios. Ax 'a sti 'el cha, ata oyn 'och smuroal, 250 metro jun muro chi 'a junjn pac'. Atn jun chi 'aych smacloc snan̈l jun lugar to yic Dios yaji yet' jun tzo'n̈ xo tas comn yaji.

Dn 12:7

Ax jun winc 'aych te pichl nab'a lino chi yu'uj, 'ix ya'n q'ue sc'ab' schab'l 'a satcha'an̈, 'ix ya'n sti 'a yojltac jun Dios pitzn 'a jun 'ejmn̈ej, xyaln 'ixtic: A yic 'oj lajwc 'ec' nan̈lschan̈l ab'il, 'a yic 'oj lajwc yixtx 'el sjelnal eb' schon̈b' Dios, atta 'oj lajwc 'ec' smasnil jun tzo'n̈ tic, xchi.

Dn 7:19

Xlajw cha, xin c'anb'n to wal 'a 'a, tas yaj no schan̈l cha, yujto caw yel xo chuc yilx no 'a yib'n̈ jun tzo'n̈ xo no cha, caw tzon̈ xiw quiln 'och no'. A ye no', caw nab'a hierro smasnil; ax yech, nab'a bronce. Caw choc' tzyutj smasnil tas, tzb'u'n 'ejm smasnil, ax jantc to tas tzcan yu'uj, c'uxn tzte'cn 'ejm yet' yoc.

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Dn 8:10

Caw xq'uib' si'mb'il, 'ix q'ue'ch 'a 'aj 'ay eb' soldado yic satcha'an̈, niwn jun tzo'n̈ c'anal sjul 'emt 'a yolyib'n̈q'uinl tic, ste'n can 'ejm eb'.

Dn 8:13

Xlajw cha, ax xwab'ni 'ay jun ángel xc'anb'n 'a junx ángel 'ixtic: ¿Jantc to wal tiempo 'oj yac' jun tzquil tic? ¿Jantc to tiempo 'ayc' jun yajb'il 'el yuj Dios tic, atn jun tzmacn 'och wan xajmb'al tz'ajx 'a junjn c'u? ¿B'a'n̈ to 'oj 'och wan ste'x 'ejm eb' soldado 'aj satchan̈ yu'uj, yet' jun scajnub' Jehová? xchi.

Dn 8:14

'Ix ta'w junx ángel chi 'a 'ixtic: A jun tic, 'ayc'n̈ej masnto 'oj tz'acwc 'ec' 2,300 yemc'ual yet' yic sq'uin̈b'il 'aj man̈x 'oj 'ajxoc xajmb'al. Atta 'oj lajwc 'ec' jun tzo'n̈ tic. 'Ixta to b'i'an, ax yijx 'el tas man̈ wach'c 'aych 'a yojl scajnub' Jehová, xchi junx ángel cha.

Nm 14:34

Yujto chawinc c'u xit' eyil 'elt lum lum cha, yuj cha, chawinc ab'il 'oj 'och yailal 'a eyib'an̈. Tzyal 'el'chi, junjn ab'il 'a junjn c'u, sec 'oj eyojcoc 'eli, to 'ay smay e meltzj 'och 'ayin.

Mt 27:53

At 'a yic tox 'ix pitzw pax Jesús, atta x'elt eb' 'a jun tzon̈ q'uen 'aj 'aycn 'och cha, 'ix c'och eb' 'a yol chon̈b' Jerusalén, til wal 'anma xlaj 'iln eb'.

Mt 4:5

Xlajw cha, x'ijx 'at yuj win 'a jun chon̈b' yicn̈ej Dios yaji, atn Jerusalén. 'Ix yi'n q'ue win 'a schon yatut Dios.

Mt 5:13

'Icha yatz'mil tas tzc'uxxi, 'ixta eyaj 'a yolyib'n̈q'uinl tic. Q'uinloc 'ay junc 'atz'm tzsat sc'achi'al. ¿Tast wal 'oj 'aj sc'achib'i jun 'ejm xo? Man̈x 'a yopiso, toxn̈ej tzjulx 'eli, tzlaj te'x yuj eb' 'anma'.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

Apoc 11:11

Palta ax 'a yic 'oj lajw nan̈l schan̈l c'u xcham eb', ax Dios 'oj 'a'nc pitzwc pax eb', 'oj sq'uex wan eb'. Ax jantcn̈ej eb' 'oj 'ilnc eb', caw 'oj xiw eb' si'mb'il.

Apoc 11:3

'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.

Apoc 12:6

Ax jun 'ix cha, x'at 'elc 'a cusltac lu'um. Ata 'ay jun yet'l b'ob'ilx yuj Dios, 1,260 c'u 'ix 'ajx wa ta'.

Apoc 21:10

Xlajw cha, 'ix ch'oxn Yespíritu Dios jun chi 'ayn 'a 'icha waychil. Ax jun ángel cha, in yi'n 'at 'a sjolm jun niwquil tzalan, caw chan̈ yajq'ue'i. Ata xch'ox wil jun niwquil chon̈b' Jerusalén, atn jun yic Dios, 'ix 'emt 'a satcha'an̈, jun 'ix 'elt 'a yojltac Dios.

Apoc 21:2

An Juan in tic, xwil jun schon̈b' Dios yicn̈ej yaji, atn jun 'ac' Jerusalén. 'Ix 'elt 'a yojltac Dios 'a satcha'an̈, 'ix 'emli. Caw wach'x yaj 'icha junc 'ix caw a'ijn yaj yet' spichul, tznupn yet' yichmil tzyi'aj.

Apoc 22:19

An̈jtona', toto 'ay eb' 'oj 'i'nc 'el junc tas 'a jun libro yic Dios tic, ax Dios 'oj 'i'nc 'el pax smacl eb' 'a jun te te yic q'uinl 'a jun 'ejmn̈ej. Man̈x 'a yaln eb' yic sc'och 'a schon̈b' Dios. Atn jun tzo'n̈ 'ix tz'ib'x can yab'xil 'a jun libro tic.