Apoc 10:5 - Chuj San Sebastian Bible

⁵ Ax jun ángel te'n 'ejm yoc 'a yib'n̈ a mar yet' 'a sat lum cha, 'ix ya'n q'ue swach' c'ab' 'a satcha'an̈.

Chuj San Mateo Bible

⁵ Axo jun ángel tec'teq'uem yoc d'a sat a' mar yed' d'a sat luum chi', ix yic'chaan̈ svach'c'ab'.

Apoc 10:5 Iomraidhean Croise

Gn 14:22

Yuj cha, xta'w Abram, 'ix yaln 'ixtc 'a 'a: —Tox 'ix wac' in ti 'a Jehová Dios Cojxn Niwn Yel'chi, a xb'on satcha'an̈ yet' lum lum tic,

Nehemías 9:6

Xlajw cha, xyaln pax eb' 'ixtic: Ach tic, cojxn̈ej ach Jehová ach. Ach a b'ojnac satchan̈ to satjub'tac yilxi, yet' smasnil c'anal; ach 'ix a b'o lum lu'um yet' pax a mar yet' smasnil tas 'ay 'a 'a. Ach ton wal tzac' sq'uinl smasnil tas. Yuj wal cha, tz'och eb' ángel 'emmquilal 'ayach.

Salmos 146:5

Wach' yic eb' tzchan scolwal sDiosal Jacob, atn eb' tzya'ch sc'ojl 'a Jehová qui Diosalec.

Ex 20:11

Yujto an Jehová in, waquen̈ej c'u in munlji yic xin b'on satcha'an̈, lum lu'um, a mar yet' smasnil tas 'ay 'a 'a, ax 'a yucl c'ual, in 'ilji. Yuj cha, a jun yucl c'u cha, wic yaji, niwn yel'ch cab' 'ayex.

Ex 6:8

'Oj ex wi't 'a sat lum lum 'aj wa'jnac in ti wa'n 'a Abraham, 'a Isaac, yet' 'a Jacob. An Jehová in tic, an 'oj wac' lum 'ayex, to caw eyic 'oj 'aj lu'um, xchi Jehová, xa chi 'a eb', xchi Dios.

Ez 20:15

An̈jtona', a 'a lum cusltac lum chi 'ix walcn 'a eb', to ma'oj 'och eb' 'a sat lum lum 'aj xwac' in ti wa'n 'a eb', atn lum caw 'ay syaxil sat, lum yel xo wach' 'a yib'n̈ lum lum smasnil.

Ez 20:23

A yic 'ayc' eb' 'a lum cusltac lum cha, ata 'ix wa'cn in ti', to 'oj sactzic can 'at eb' 'a jun tzo'n̈ xo nacion̈ 'a yolyib'n̈q'uinl tic.

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Ez 20:42

A yic 'oj ex wi'n 'och 'a lum slum eb' eyit israelal, lum wa'jnac can in ti' wa'n 'a eb' e mam eyicham, ata 'oj in eyojcoc 'eli, to an ton Jehová in, to cojn in ton Dios in.

Ez 20:5

Al yab' eb' to an Jehová Yajl in, an tzwal 'ixtic: A yic in si'n can 'el win Israel, 'ix wa'n can in ti 'a eb' yin̈til, yic in paxtin yet' eb' 'a Egipto. Ata 'ix walcn 'a eb', to an Jehová in, an ton sDiosal in eb'.

Ez 36:7

Yuj cha, tzwalni to a jun tzo'n̈ nacion̈ cha, an 'oj wac' yac' eb' sq'uixwloc.

Dn 12:7

Ax jun winc 'aych te pichl nab'a lino chi yu'uj, 'ix ya'n q'ue sc'ab' schab'l 'a satcha'an̈, 'ix ya'n sti 'a yojltac jun Dios pitzn 'a jun 'ejmn̈ej, xyaln 'ixtic: A yic 'oj lajwc 'ec' nan̈lschan̈l ab'il, 'a yic 'oj lajwc yixtx 'el sjelnal eb' schon̈b' Dios, atta 'oj lajwc 'ec' smasnil jun tzo'n̈ tic, xchi.

A Tas Sc'ulejnac Eb' Schecab' Jesús Hechos 14:15

—Ex winac, ¿tas yuj tze b'o jun tic 'ixtic? An̈ tic on̈, caw 'anman̈n̈ej on̈, 'icha ex tic. To tzwul 'ajxc cal jun wach' 'ab'x 'ayx on̈, 'actjec eyaln e b'a 'a jun tzo'n̈ comn dios may jac yel'chi. Tzeya'n 'och e nab'en 'a Dios pitzan. A b'ojnac satcha'an̈, yet' lum lum tic. Sb'ojnac pax a mar, yet' smasnil tas 'ay 'a 'a.

A Tas Sc'ulejnac Eb' Schecab' Jesús Hechos 17:23

Yujto yic in b'eyc' 'a yol e chon̈ab', x'ec' wil 'ajtc tzlaj eyal e b'a 'a jun tzo'n̈ e diosal cha. Xwiln pax jun yet'l xajmb'al, 'ajtil tz'ib'b'il can 'och eyuj 'ixtic: A 'a tic tzcalc qui b'a 'a jun Dios man̈ cojcoc, xchi jun letra cha. A jun Dios cha, niwnoc cob' tzeyal e b'a 'a 'a, palta man̈ eyojcoc 'aj 'ay. Atn jun Dios chi tzwul wal yab'xil 'ayx ticnec.

Ro 1:20

Wach'xam man̈ checloc Dios, palta checl yuj jun tzo'n̈ tas b'ob'il yu'uj. Yujto yictax sb'on yolyib'n̈q'uinl tic, checlj 'eli, to Dios toni, caw 'ay spoder 'a smasnil tiempo. Yuj cha, ma'oj stac' yaln eb' 'anma 'a 'a to man̈ yojcoc eb'.

Dt 32:40

Tzwij chan̈ in c'ab', tzwa'n in ti to 'aynn̈ej 'ec' 'a jun 'ejmn̈ej.

A Ch'an̈ Carta D'a Eb' Hebreo 6:13

A yic ya'n Dios sti 'a Abraham pecti', mun slocjnac sb'i, yujto may junc mach 'ec'b'al yel'ch 'a yib'an̈. Yuj cha, man̈ slocjnacc sb'i junc xo mach.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.

Apoc 10:2

'Ayc' jun ch'an̈ yune un̈ 'a yol sc'ab', jacn ch'an̈. A yoc 'a swach', stec' 'ejm 'a yib'n̈ a mar. Ax yoc 'a surito, stec' 'ejm 'a sat lu'um.

Apoc 14:7

Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

Apoc 16:17

Xlajw cha, ax jun yucl ángel, 'ix secn 'ejm sb'al svaso 'a scal 'ic'. Ax 'a sdespacho Dios, 'a yojl jun Lugar yicn̈ej yaj sch'ocoj, ata x'elt jun paxti'. Caw 'ip yaln 'ixtic: —'Ix b'o 'el'chi, xchi.

Apoc 4:11

Ach Cajlil, ach qui Diosal on̈, smoj tzalx o'oj, to niwn a wach'il, to caw niwn el'chi, niwn a poder. Yujto ach b'ojnac smasnil tas. 'Ayc'n̈ej smasnil, yujto 'ixta tza nib'ej, yuj cha, b'ob'il o'oj, xchi eb' 'a 'a.

Apoc 4:9

'Ixta xyutj chan̈wn̈ querubín chi yalni, chajtlto niwn swach'il, caw niwn yel'ch jun wocn 'ejm 'a sdespacho cha. Tzya'n eb' yuj diosal 'a 'a, atn jun 'ayc' 'a jun 'ejmn̈ej. A yic tzyaln eb' junjn 'ejm 'ixta',