Apoc 10:4 - Chuj San Sebastian Bible

⁴ Xlajwn̈ej spaxtin uque tzc'an̈ c'u cha, 'ijn xin tz'ib'j tas xwab'i, palta 'ay jun 'a satchan̈ 'ix aln 'ayn 'ixtic: —A tas xyal uque tzc'an̈ c'u cha, ton̈j tza mol 'a a nab'en. Man̈ a tz'ib'oc, xchi 'ayin.

Chuj San Mateo Bible

⁴ Ayic ix lajvi slolon jun c'u sc'an̈ chi' d'a yuquelal, ijan ix in tz'ib'ej tas ix vab' chi', palta ay jun ix lolonemta d'ayin d'a satchaan̈: —Ichn̈ejocab'ta scan tas ix yal jun c'u uquel ix c'an̈ chi'. Man̈ a tz'ib'ejcani, xchi d'ayin.

Apoc 10:4 Iomraidhean Croise

Is 29:11

Yuj cha, a smasnil spaxti eb' schecb' Dios, lajn 'oj 'ajcn 'ayx 'icha junc tas tz'ib'b'il 'a junc ch'an̈ un̈ chulb'ilb'ec'an, 'aych can pax seyo 'a 'a. Toto tz'ajx ch'an̈ 'a junc mach tztac' yiln u'un̈, tzalx 'a 'ixtic: 'Awtj jun un̈ tic, toto xchi jun cha; tzta'w junx chi 'a 'ixtic: Matz tac' wilni, yujto 'aych seyoal, xchi.

Is 8:1

'Ix yaln pax Jehová 'ayn 'ixtic: Say junc niwquil u'un̈, ax a tz'ib'n 'ejm jun paxti tic 'a 'a. Caw wach' tzotj a b'oni, niwc tzotj stz'ib'ul. Maher-salal-hasbaz, 'ixta tzotj a tz'ib'ni.

Is 8:16

Ex in cuywum, molc can jun tzo'n̈ cuynb'il tic 'a e nab'en, may cab' b'a'n̈ tzsat 'a e c'ojol.

Dn 12:4

Palta ach tic Daniel, 'a'cn 'och seyoal jun libro tic, tza moln cani, masnto 'oj jawc jun slajb' tiempoal cha. Til wal eb' 'anma ji'lti 'oj 'ec' 'a tic, ji'lti 'oj 'ec' 'a cha, yic tzsayn 'ec' eb' tas tzuji, yujto caw 'oj niwtjoc jelnal 'a jun tiempoal cha, xchi jun ángel chi 'ayin.

Dn 12:9

'Ix yaln 'ayn 'ixtic: Mant a na yuj jun tzo'n̈ tic Daniel, yujto a smasnil jun tzo'n̈ tic, ton̈j 'oj molxoc cani, masnto 'oj jawc jun slajb' c'ual.

Dn 8:26

A tas 'ix el 'a xajmb'al tz'ajx 'a yic yemc'ual yet' 'a yic sq'uin̈b'ial, tic wal xalx ab'i', tas tzyal 'el'chi. A jun cha, yowlal 'oj 'el'choc. Can cab' n̈ej jun tic 'a a nab'en, may cab' junc mach 'aj tzala yujto a yic caw niwn xo tiempo tox 'ix 'eq'ui, 'ixta to b'i'an, ax yel'ch jun tzo'n̈ tic, xchi Gabriel 'ayin.

Dt 29:29

'Ay jun tzo'n̈ tas man̈ cojcoc: A jun tzo'n̈ cha, yic Jehová qui Diosalec yaji; 'ay pax jun tzo'n̈ tas tz'ajx cojcoc 'eli, tz'ajx pax yojcoc 'el eb' cunnalec, sec tzqui yicljec 'a smasnil tiempo; atn smasnil checnb'il yet' jun ley tic.

Apoc 1:11

'Ix yaln 'ayn 'ixtic: [—An ton tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in.] A tas wan elni, tza tz'ib'j can 'a junc libro. Tza'n 'at 'a eb' creyente 'a uque iglesia ['a yol yic Asia,] atn 'a Éfeso, 'a Esmirna, 'a Pérgamo, 'a Tiatira, 'a Sardis, 'a Filadelfia yet' 'a Laodicea, xchi 'ayin.

Apoc 1:19

Tz'ib'j can jun tzo'n̈ tzel tic, atn jun tzo'n̈ 'ayc' ticnec, yet' jun tzo'n̈ tot 'oj ujoc.

Apoc 10:8

Ax jun 'ix aln 'ayn 'a satcha'an̈, xyaln jun 'ejm xo 'ayn 'ixtic: —'Ixic, 'at chaj jun ch'an̈ yune un̈ jacan, atn jun 'ayc' 'a yol sc'ab' jun ángel te'n 'ejm yoc 'a yib'n̈ a mar, yet' 'a sat lu'um, xchi.

Apoc 22:10

Man̈ a c'ub'c 'el jun tzo'n̈ tas 'ay 'a jun libro yic Dios tic, yujto jab'xoj wal 'oj 'el'choc tas tzyala.