Apoc 1:8 - Chuj San Sebastian Bible

⁸ Yaljnac Cajlilec 'ixtic: An tic b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in, xchi Cajlilec, atn pax jun tztac' yuj smasnil. A 'ayc' ticnec, 'ayc'n̈ej tax 'a yic pecti', atn jun 'oj jawoc.

Chuj San Mateo Bible

⁸ A in ton tic b'ab'el in d'a smasanil, an̈eja' slajvub' in paxi. Icha chab' letra, A yed' Zeta, icha chi' vaji, xchi Dios Cajal, aton syal yuj smasanil. Ayec' ticnaic, aytaxoneq'ui, toto pax ol javoc.

Apoc 1:8 Iomraidhean Croise

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 28:3

Ax Dios tztac' yuj smasnil, a 'oj yac' syaxilal 'a eb'an̈, til wal 'oj 'aj 'el'ch sb'isl en̈til. A 'a scal eb', ata niwn nacion̈ 'oj 'eltoc.

Gn 35:11

xyaln 'a 'ixtic: An ton Dios in, tztac' wuj smasnil, til wal 'oj 'ajl onnal, til wal pax 'oj 'aj en̈til. A 'aych 'oj pitzwc 'elt jun niwquil nacion̈, axta 'oj 'elx jun tzo'n̈ xo nacion̈, a 'a scal en̈tl cha, ata 'oj 'eltoc eb' rey.

Gn 43:14

A Dios tztac' yuj smasnil, a 'oj 'och 'a snab'en jun winc cha, ax ya'n 'elt ni eyu'tac Simeón, sec wach' 'oj 'aj pax smeltzj ni eyu'tac Benjamín tic eyet'oc. An xo pax an tic, wach'xam tzin can 'a man̈x 'a wunnal, xchi win Israel cha.

Gn 48:3

Xlajw cha, xyaln Jacob 'ixtc 'a José: —A jun Dios tztac' yuj smasnil, a xch'ox sb'a 'ayn 'a chon̈b' Luz, 'a yol yic Canaán, xyaln wach' paxti 'a wib'an̈.

Gn 49:25

Yuj wal dios 'a in Diosal tzach colni, atn jun tztac' yuj smasnil, a tz'a'n syaxilal 'a eb'an̈, atn n̈ab' tzcot 'a satcha'an̈, sb'al sat a lu'um, yic tzq'uib' onnal yet' yic tzq'uib' pax chan̈ a cajb'en noc'.

Ex 3:14

'Ix ta'w pax Jehová 'ixtc 'a Moisés: —AN TIC 'AYNÑEJ XON 'EQ'UI. 'Ixta tzotj aln 'a eb' et chon̈b' cha: AN TON TIC, an tzach in checb'ti, xchi Dios.

Ex 6:3

An in ch'oxjnac in b'a 'a Abraham, 'a Isaac yet' 'a Jacob, Dios in, tztac' wuj smasnil. Cojn to ma'ix wac' yojcoc 'el eb' in b'i tic: TO AN JEHOVÁ IN.

Is 41:4

¿Mach 'ix 'a'n sb'o jun tzo'n̈ tic? ¿Mach 'ix nalb'an smasnil tas 'ix uj 'a yictax pecti'? An ton Jehová in, an b'ojnac, cojn in ton Dios in, b'ab'l waj 'a smasnil, slajb' in paxi.

Is 43:10

A Jehová a tzaln pax 'ixtic: Ax israel ex tic in testigo ex, in checb' ex, sic'b'ilx 'el wu'uj, sec wach' tzin eyojquej 'eli, tzin eya'n 'och yipc e c'ojol, nachj cab' pax 'el eyu'uj, to cojn in toni. May junc xo dios b'ab'l 'e'nc wu'uj, may pax junc xo tza'n 'oj jawoc.

Is 44:6

A Jehová Rey tztac' yuj smasnil, a tz'a'n 'el eb' israel 'a libre, a tzaln 'ixtic: An ton tic b'ab'l waj 'a smasnil, slajb' in paxi, cojn in ton Dios in, may junc xo.

Is 48:12

A Dios tzaln 'ixtic: Ex israel yin̈tl can Jacob, 'ab'c wal tas 'oj wala', to an si'jnacx can 'eli: Cojn in ton Dios in, an b'ab'l waj 'a smasnil tas, slajb' in paxi.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Nm 24:4

Tzwab' tas tzyal Dios, 'icha waychil tzwutj wiln Dios tztac' yuj smasnil. Man̈xtzac in na tas tzin 'aji, palta wach' wiln yet' in sat.

2 Co 6:18

'Oj woch e Mamoc. Ax eyoch wunnaloc, wisloc, xchi Cajlilec, atn jun tzta'n̈j yuj smasnil.

Apoc 1:11

'Ix yaln 'ayn 'ixtic: [—An ton tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in.] A tas wan elni, tza tz'ib'j can 'a junc libro. Tza'n 'at 'a eb' creyente 'a uque iglesia ['a yol yic Asia,] atn 'a Éfeso, 'a Esmirna, 'a Pérgamo, 'a Tiatira, 'a Sardis, 'a Filadelfia yet' 'a Laodicea, xchi 'ayin.

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

Apoc 11:17

'Ix yaln eb' 'ixtic: Ach tic Dios ach, smasnil tas tztac' o'oj. 'Aych 'ec' ticnec, 'aych 'ec'n̈ej yictax pecti'. Tzcac' yuj diosal 'aych ach Cajlil on̈. Yujto xa ch'oxo, to caw niwn a poder, yic xa chan 'el yich a'n Yajlil.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

Apoc 16:14

A 'oxwn̈ eb' demonio cha, checb' yaj eb' yic tzch'oxn eb' jun tzo'n̈ milagro. X'at eb' yac' syam sb'a jantcn̈ej eb' niwc yajl 'a smasnil yolyib'n̈q'uinal, yic tzya'n eb' owl 'a yic jun c'u niwn yel'ch yic Dios, atn Dios tztac' yuj smasnil.

Apoc 16:7

Ax xwab'ni, 'ay jun 'ayc' 'a yet'l xajmb'al, xyaln pax 'ixtic: —Yel Mamin, Dios ach, smasnil tas tztac' o'oj. Caw yel tojl xotj a b'eyc'ojlan eb' 'anma', xchi.

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.

Apoc 19:6

Ax xwab'n paxi 'ay jun 'icha sjaj nan̈loc 'anma'. Caw tzn̈il-li sjaj eb', 'icha sc'an̈ sb'ey jun tzo'n̈ a niwc a'. 'Icha sc'an̈ jun tzo'n̈ c'u caw wal ow sc'an̈i, 'ixta sjaj eb', 'ix yaln eb' 'ixtic: ¡Calc wach' paxti 'a Dios! Yujto a Cajlil qui Diosalec, tztac' yuj smasnil, 'ix swach' yamj 'och ya'n Yajlil.

Apoc 2:8

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Esmirna: A jun b'ab'l yaji, slajb' paxi, atn jun xchami, palta xpitzw paxi, a tzaln 'ayx 'ixtic:

Apoc 21:22

May junc yatut Dios 'a jun chon̈b' cha, yujto a Dios Cajlil, atn jun tztac' yuj smasnil, yet' jun tzcuch Calnelu, a eb' 'ayc'n̈ej 'a smasnil jun chon̈b' cha.

Apoc 21:6

Xlajw cha, xyaln pax 'ayn 'ixtic: —Tox 'ix b'o 'el'chi. An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. A eb' 'ay stacn̈ti'al, 'oj wac' yuc' eb' jun spac'b'a tz'a'n q'uinl 'a jun 'ejmn̈ej. 'Oj wac' 'a eb' 'a nab'an̈ej.

Apoc 22:13

An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. An b'ab'l in 'a smasnil tas, slajb' pax waj 'a smasnil, xchi Jesucristo.

Apoc 4:8

A chan̈wn̈ eb' cha, waque sc'axl junjn eb'. Ax sniwnal eb', nab'a yol sat sb'a. Sc'ual yac'wlil yaln eb' 'ixtic: A Cajlilec, atn qui Diosalec, caw Cojxni, smasnil tas tzta'n̈j yu'uj. 'Ayc'n̈ej tax 'a yic pecti', 'ayc' ticnec, atn jun 'oj jawoc, xchi eb'.