Apoc 1:3 - Chuj San Sebastian Bible

³ A jun libro tic, 'aycto tzyaln cani tastc 'oj ujoc. A eb' tz'awtni yet' eb' tz'ab'ni, toto tzyiclj eb' tas tzyala, caw wach' yic eb', yujto jab'xoj wal 'oj ujc jun tzo'n̈ tic.

Chuj San Mateo Bible

³ A jun libro tic, a Dios ix ac'an tz'ib'chajoc. Yuj chi' a eb' tz'avtani yed' eb' tz'ab'ani, tato sc'anab'ajej eb' tas syala', te vach' yic eb', yujto toxo ol ujoc juntzan̈ syal tic.

Apoc 1:3 Iomraidhean Croise

Pr 8:34

Caw wach' yic eb' tzchan 'ab'nc paxti yic jelnal.

Jeremías 51:61

'Ix waln 'ixtc 'a Seraías: A yic 'oj a c'och 'a Babilonia, caw tzcham wal awtn smasnil jun tzo'n̈ paxti tic.

Mt 24:15

Palta 'ay jun win yajb'il yuj Dios, a 'oj 'a'nc juwc 'el jun tzo'n̈ tas. A Daniel win schecb' Dios pecti', a aljnac can yuj jun cha. A mach tz'iln jun 'ab'x tic, nachj cab' 'el yu'uj. A yic 'oj eyilnc jun chi 'a yol yatut Dios,

Lc 11:28

Palta xyaln pax Jesús 'ixtic: —Yel xo wal 'ec'b'al swach'l yic eb' tz'ab'n tas tzyal Dios, tzyiclni pax eb', xchi.

Ro 13:11

Tic tzwalb't junx tic 'ayex. Nachj cab' 'el eyu'uj, tas yaj jun tiempoal 'aj 'ayn̈ec 'ec' tic. Yujto a ticnec, stiempoal xo 'icha to tzqui pitzc 'el qui wayan̈, yujto jab'xoj wal 'oj qui wach' colchjec. Man̈ 'ichaoc 'a yic yalan̈, yic qui b'ab'l 'a'nec 'och qui c'ojl 'a Cristo.

Ro 13:12

A jun tiempoal 'aj 'ayn̈ec 'ec' tic, 'icha to 'ac'wal. Ax 'a yic 'oj qui wach' colchjec, 'icha to c'ul 'oj 'ajoc. Palta 'ipn yec' tiempo ticnec, jab'xoj wal 'oj jawc jun c'ul cha. Yuj cha, caw qui wach' 'actquec can qui b'on jun tzo'n̈ tas tzlaj sb'o eb' 'anma q'uic'q'uinl to yaj spixan. 'Icha tzyutj junc soldado ya'n owl yet' jun tzo'n̈ syamc'ab', 'ixta tzcutjec ca'n 'ip 'a yic Dios, yujto sacq'uinl xo yaj qui pixnec.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

A Schab'il Carta San Pedro 3:8

Ex chamc'ojlb'il wu'uj, tzin nib'j tznachj 'el eyu'uj, to a 'a sat Cajlilec, a jun c'u, lajn 'icha tz'ec' jun mil ab'il. Ax jun mil ab'il, lajn 'icha tz'ec' jun c'u.

Apoc 22:10

Man̈ a c'ub'c 'el jun tzo'n̈ tas 'ay 'a jun libro yic Dios tic, yujto jab'xoj wal 'oj 'el'choc tas tzyala.

Apoc 22:12

'Ix yaln Jesucristo 'ixtic: 'Ab'ec, jab'xoj wal 'oj in c'ochxi. 'Oj wi't spac yic junjn mach 'oj wac'a', a tzyala tastc tzb'o jun jun.

Apoc 22:20

A jun xaln jun tzo'n̈ tic, a tzaln pax 'ixtic: —Wal yel, jab'xoj wal 'oj in c'ochxi, xchi. B'o cab' 'ixta'. ¡Cotn̈ ach Cajlil Jesús!

Apoc 3:11

Jab'xoj 'oj in c'ochxi. Yuj cha, an̈ja wach' tzeyutj e b'eyb'al 'icha ex xoni, sec may mach 'oj stac' yi'nc 'ec' spac eyico'.